Rei tak hnuah

________________

♡The President Secret♡
Chapter-9

Author pov,

Bungrua te an en fel meuh chuan chhun ani der a, factory chhunga an awm chhung zawngin Nathan an a ignore tluan thak a, Harry chu awm ve lo ang mai ani, factory an chhuahsan velah chuan Harry chuan Nathan chu kalsan nghal nul* a, a bike tlan loh ni nih vangin a bike a keng bawk silo, factory awmna alo fal ve deuh sia scooty taxi emo taxi pangai rawn tlan pawh vang tak ani, a thinrim tun mai, a boss pawh ni raw sek* zing tluana ignore nih chu a duh thak lo.

Taxi chang chuan kawng bulah a ding reng a, Nathan pawh chu a car ngheng chuan Harry an alo pan hun chu a nghak ve ran bawk a, mi luhlul leh pan hmasak induh tawn lo ve* ani ni a, minute 15 dawn lai an ding tawh, Nathan chuan lirthei an awmna  lam ah a tlan mai* lo tih a hre ve kar a, a hma zan lam vangin a lungawi bik silo, va biak emo va kauh chu a tum miah lo, an din ngai ve* chuan an ding a, an luhlul dan ngaihtuah chuan nileng pawn an ding thei ang.

Minute 10 vel a ral leh chuan factory lam atang chuan hnathawk pakhat a rawn chhuak a, a awmna lam a hawi lem loh avangin Nathan erawh a hmu lo, kawng bula lo ding ran Harry a hmuh chuan a ring ve leng lawng tak hian, "I haw deih tawh mo ka tia" a lam pan chuan ati a, Harry chuan "Taxi ka chang a" tiin alo chhang a, an sir lama Nathan a car ngheng a lo ding ran pawh chu a hmu a, "Tlai ang ah te chuan rawn kal na atan in hmang te nih loh chuan motor a hran pain an rawn tlan ngai hleinem, lo kal rawn ka lo phur ang che keipawh tihfel tur awm a ka chhuak dawn lom" atih chuan Harry chu lawm tak hi ani ringawt, darkar chanve dawn ding tawh na na na chu a ke a kham ve tawh em ani.

"Ka van lawm ve, ka din na rei tawh lutuk a" ati nghal a, a hming mawia aih han tih pawh a tum chuang lo.
"Garage tangin ka bike ka va la lawk ang aw" tia a inher chu a phu chiang ngang mai, a hung lawkah chuan Nathan lo ding kur chu niin, chu pa phei chuan a awm velo emo ati kha nia, Harry pawh chuan an lama Nathan lo phei lai reng a hrelo.

"President" tiin mipa chuan chibai a buk nghal a, Nathan chuan ngaihsak miah loin Harry chu en a, Harry pawhin alo en ve kar bawk. "Car ah lut rawh" ati thum rap a, Harry chuan an bula mi chu en in "Hei min phur dawn" tiin ala chhang fan a, Nathan chuan "Luh rawh" ati leh fak a, a thinrim insum chuan a kut a hum ruh fan a, miin a thu an hnial hi a ngaithei lo thin, Harry awm hma ngat phei chuan tuman an hnial ngai lo, a mita en ngam pawh a chhungte chauh ani ni thin.

"Bike chu va la la tiro, ka hmanhmawh deuh a" tiin Harry chuan Nathan sawi chu hrelo ang hmakin a bula mi chu a bia a, "Mahse" alo ti fan raih a, "Ka lo nghak ang che" Harry an atih leh chuan chupa chuan garage lam a pan ta nge* a.

"Thu sawi nawn vak hi ka tihmi ani lo ania, car ah sawn--" a sawi zawh hma chuan "Sawi nawn tawh lo la" Harry chuan alo ti hmanhmawh a, Nathan chuan thaw hakin a hawi kual a, an bul vel chu a reh tha ngang mai, "Tawng I harsat sat nen" Harry an atih leh chuan Nathan chuan tlin tawh ngang lo, ngawi reng chuan Harry chu a pu ta lawp a, Harry chu phu chiang kher mai a rin loh lam lutuk ani.

"Hey I mol mi? Mi chhuk tir nghal rawh" ati mawlh* a, Nathan chuan a car lam a pan pui nal* bawk a, Harry hi mipa ah pawh a te loa, a taksa a inphut tawk em* a, chutia Nathan an a pu lawp thei chu amah Harry ngei pawh chuan mak ati. "I mol mi a? Nge hetia mi put ngawt" ati lai chuan Nathan chuan car kawngka chu hawngin dim miah lo hian Harry chu a theh lut a, "Ana!" Harry chuan ati hluk a, Nathan pawh chu lut ve nghal in, kawngka chu a kalh nghal hmak a, "Luhlul lutuk" tiin a phun sap a, Harry chuan a hrepha tho thung.

"Nang bak* a luhlul" Harry chuan a ti let ve leh a, Nathan chuan chhan tum tawh lo hian a car chu tinung in a tlan nghal a.

An tlan chhung chuan Nathan chu a tawng leh duh tawh miah loa, Harry chuan "Biak theih leh tur silo, nge phurh" ati leh pang* a, khawi atang nge hetiang a mahni boss te chhan ngamna khawpa huaisen na hi a neih a inhre bik lo, amah pawh chuan mak ati reng, mahse midangin Nathan an en ang hian a en ve thei tlat lo atin ni, a lak ah feelings eng emo tak anei ani tih aiin hre ve chiah bawk nen

Nathan in office lam a pan lo ani tih a hriat chuan Harry chuan "Khawnge kan kal dawn?" ati vat a, "Chhun anih tawh, thil kan ei dawn" ati hmuk a, hei kher hi Harry pawn hnial a tum lo, zing chaw tih loh chu engmah ala ei bik loa, a ril chu a tam ve tawh reng.

"Nizan I mumang a dik chiah lo mi?" Harry chuan ati ta phawng a, Nathan chuan "Tinge?" ati a.

"Heti hian tinge I awm a, nge sawi sual palh te ka nei zawk" Harry chuan a zawt a, Nathan car khalh lai chu a en reng a, steering wheel an turn kual vel te chu eng emo ni reuh tak hian hot ati ta tlat pek, a u te car khalh lai pawh a hmu fo a, mahse tiang hian ala thlir chhin lo.

"Sawi chu I neih ka hrelo" en chung lo chuan a chhang a, "Tih ka nei tihna mo?" tiin Harry chuan a zawt let a, Nathan chuan chhang lo chuan kawng lam chu a hawi a.

A ngawih deuh hnu chuan "Tumo Brandon chu?" mei nei ki deuh tak hian a zawt a, traffic a zam vangin a inkuangkuah a, Harry lah chuan a zawhna ki chu la man chuang miah lo hian "Ka thian tha ber, alo haw dawn a, ka phur tawh rap" nui var* chuan ati a, a phur tih chu a hmel atang pawn hai theih rual ani lo.

"Anih chu" a inrin hma chuan Nathan chuan ati, a sawidan ki a ngaihtuah let chuan a sawi kher* kha a inchhir mahse a ka a veng zo ngang lo ani.

"Chuvang chu mi vawin nilenga hetia I awm a?" Harry chuan lawm ru deuh hian a zawt a, Nathan chuan chhan ngaihna a hre ta hauh lo "Engvang mo?" ti chuan a zawt let a, "Biak che aia Brandon-a message ka ngaipawimawh zawk vangin mi I thinrim?" ati chuan a zawt a.

Nathan chuan chhan dan tur ngaihtuah a a buai lai chuan vanneih thalk takin traffic chu tawp hlauh a, chhang tawh lo chuan Nathan chuan a car khalh ah chuan a in sawrbing a, Harry an mit tla dawna a melh reng pawh chu a hria, a theih tawp chuan hriat loh der a tum.

Restaurant dawr changkang zet hmaah ah chuan Nathan chu a ding a, "Kan thleng" tiin a chhuak a, Harry pawh chhuak ve nghal a.

An chhuah vel ah chuan duty chuan Nathan car chahbi chu alo la nghal vat a, "Tah hian mo kan ei dawn?" tia Harry an a zawh chuan Nathan chu bu nghut a, a lut nghal a, "Ka van peih lo tak" ti nuah* in a zui a, an chhungkua chu an khawsa thei ngei mai mahse thil changkang uchuak lutuk ang chi hi Harry duh zawng leh lawm zawng ani ve vak lo, thil simple lam hi a ngai na a, a chapo loh leh a tihlan loh vangin school leh college thiante pawn an ringsual chawk thin, a nun chu 'High thinking simple living' tih hian a sawi fiah ber.

Waitress chuan a hruai a, mi lo thutna chu kalpel in room hrangah a luhpui a, a room chhung chu Harry an a en vel chuan flim vela mi pawimawh deuh* ho awmna tur bik hi a ang ati ngawih*, dawhkana an thutfel hnu chuan "VIP member ka nih hi, I duh* lam rawh, limit a awm lo" waitress in menu a pek lai chuan Nathan chuan Harry bulah chuan ati a.

Menu Harry an a en chuan a meng bial kawk* a, 500 man ai tlawm a awm lo hrim*, drinks tlawm ber pawh 100 zu han ni a, "Woww!!" Harry chuan ati chhuak a, a impressed vang ni lo in tullo atih em vang ani zawk. Menu chu Harry chuan a en reng a, order tur hlol hi a hrelo, Nathan a duh sawiin menu chu waitress chu a pe a, Harry chu en in "I zo em?" tiin a zawt a, Harry chuan menu chu menu a pek pah hian "Ka ril a tam lo, ka lo nghak ang che" ati a, Nathan chuan thaw hakin waitress chu en a, eng eng emo ni a lam belh teuh a, Harry duhzawng hlir ani, "Hey ka ril a tam lo!" Harry chuan a rawn ti leh a, a man ho kha a hre ve vek a, a lam belh ringawt pawh kha 4000+ vel ani, "I kal thei ang" tiin Nathan chuan waitress chu hrilh a, a chhuak zui nghal a.

"Ka ril a tam lo ka tih kha!!" Harry an atih chuan "Ka ta tur lom" tiin sam zetin alo chhang a, Harry pum chu riltam vangin a rawn ri, Harry en chuan Nathan chu nui suk a, Harry zak chuan "Ka ni lo" alo ti hmuk a, room chhungah an pahnih chauhin an awm a, awih chu a har ve viau ang le.

"Chuan" Harry chuan mood tih on tum deuh tak chuan ati fan raih a, "Nizan chu I rilru alo na deuh ani mo?" Harry chuan nui puh* chuan ati a, Nathan chuan lo duhlo lutuk, "Chutiang ngaihdan chu khawi tang nge i neih zawk a?" alo ti a.

"Kan ngaihtuah let hian a awm viau in ka hria, kan inbiak lai kha chuan ila lungawi viau a, zan mutdawn message pawh i en loa, ngaihtuah chian hian chhan dang a awm thei lo" inring tawk zet hian ati a, Nathan chu chhang dan tur hre lo chuan a dang der a, chutia sawi tur a ngaihtuah buai lai chuan "Kha kha kha ka tih kha mo" Harry chuan titi thei fe hian a ra n ti a, Nathan awmdan chu a tilai zo vek.

"A ho tuk thik tur lamin ka be lo hrim* ania" Harry chuan ati a, rang zet hian Nathan chuan "Ka thik lo" a rawn ti nghal a, Harry chuan nui puh* hian "Nia I thik lo" awki meinei zet chuan a rawn ti a, waitress in an eitur te a rawn dah takah chuan an sawi chhunzawm ta lo a.

An hmaa eitur in chhawp chu en in Harry chuan "Heng zawng* hi tihian engzat nge?" tiin a zawt a, "Ka nikhat hlawh pawh ni lo" tiin Nathan chuan a chhang a, bowl chu lain a ei tan nghal a. Harry in bowl ruak pakhat la awm a lak chiah chuan Nathan chuan ngeiawm chhuahin "Min lo nghak dawn mo ka tia" ati a, Harry chuan tum hmuk hian a sawi zawh velah chuan bowl chu dah nghal in, "Ka ei hlol lo ang uikawm" tiin a inkuangkuah a, eitur rim a hriat ringawt pawh chuan a chil a put thei lom le.

"Ka fiam thu nih kha" Nathan in a tih pawh chuan ngaihsak duh map lo, "Naupang" ti sap hian Nathan chuan bowl chu laiin Harry tan bik liau* a a chah sak ho chu a suak diat* a, Harry hmaah chuan fian nen ava dah a. "Ei rawh a daih chuan a tui lo nia"

"Tiang hian I hnathawk te I ei pui ziah mi?" an ei lai chuan Harry chuan a rawn zawt a, tiang hian a hnathawk te zawng* a treat thin nge amah chiah tih chu a hre chak ani. Nathan chuan in ngaihtuah nawn miah lo hian "Nangmah chiah" ati nghal a, chu thumal hnih lek chuan Harry lak ah chuan nghawng nasa tak anei ani, a pum ah te phengphehlep an thlawk neuh* hian a hria, "Ka sawi awmzia chu--" Nathan chuan a ti vah nawk a, heti em* a Harry bula a ka a veng zo lo hi a ngaihna a hre bik lo, "Tumah riltam vangin an titau ve ngai loa" a tawp ah Nathan chuan ati ta tawp a.

______________

Office an thlen leh meuh chuan ban a hun chu ani leh dawn der mai a, engmah ti loa awm chu a inthlahrun vangin Harry chuan computer works lam chu a en ve thuak* a, Mafaki chu lo kal in a ngai te in a love life te chu Harry chu a rawn hrilh leh luam a, Harry pawn lo aw leh e sak leh mai a, "Teh, u Mafak Na-- ka tih President hian hnathawk ngaihnat fal deuh bik a nei em?" ati ta phawng a, Mafaki hi a thawhna a rei ve tawh a, a zawt chak em ani.

"Nei lo, tumah hi a biak ngai awm pawh ka hrelo e a" tiin Mafaki chu a chhang a, "A treat thin em, hei dawr velah te" atih leh chuan Mafaki chuan nui meuh hian "Teuh lo mai, chutiang te chu muang ah pawh a thleng a ngem tih ani" a ti a, Harry chu engemo tak hian a hlim veng* mai, Nathan lakah chuan midang aiin special bik deuh tlata a inhriat vang ani.

A haw chuan chawei hmain a khum ah chuan a bawk a, Nathan bawk ani a ngaihtuah ni, "Brandon-a te a thik vel" tih mai* chuan amah chu a intihlim a, a khum ah chuan hlim vangin a let tual* reng a, restaurant ah ringawt pawh a hlim sa tawh nen Mafaki sawi vang khan a let in a mood a fuh belh a, Nathan in "Nangmah chiah" atih mawlh mai kha a beng ah chuan a cham a.

_______________________________________

Exam zawh vela rawn up ka duh sia, vawin ban vel atangin type nghal char char mai, mistake pawh a tam viau maithei ni 👀