Chau ve det🥱

________________

♡The President Secret♡
Chapter-24

Harry pov,

"Ninawm e, tinge ka bathroom ami thil hi alo lak reng a!!" ti hlak* in Harry chuan a room a chhuahsan a amah chiah a in awm anih vang leh inbual tum mek anih vangin boxer bak engmah a ha lo.

"U Mercy hi chu ooo, a duh chuan lei leh mai tur nia" tiin amah chuan ala phun bul* a, a room hnaih bera awm Duhsaka room ah chuan lutin a bathroom lam a pan nghal zat a, "Ehe" tiin a u bathroom chhuar chu en deuh vang* a, "Bran a sahbawn leh bati a awm mole" mak tih hmel tak chuan ati a, a ban nghal zat bawk a.

A han en vang* a, Brandon-a siam chu ani ngei mai mahse ata leh a hmuh tawh thin ho nen chuan a inang lo bik tlat ani, eng emo ni danglam bik a awm "A inang chiah lo ani" ti nauh* in sahbawn chu a han hnim a, a rim chu dang zawk chiang alom, Brandon-a sahbawn siam a hman tawh zawng* aiin ala rimtui zawk daih lehnghal, "A thar amin le, tinge min la pek ve loh a?" tiin bathroom tangin sahbawn chu la a, theihnghilh nei niawm tak hian "Oh!" tiin a let leh a, sahbawn leh bati nen a u room chu chhuahsan a.

A room a thlen hma in a u Duhsaka room lam pan tur chu alo ko a, Duhsaka pawh a hawi let ve vat a, "Ita hi a rimtui bik ania aw" tiin sahbawn leh bati chu a u hma ah chuan ava lek va a, "I leisak ve tih ka hre miah loa" sahbawn chu a han hnim leh a, "Heihi eng scent nge a, ka duh ve a--" Duhsaka chuan a thil ken pahnih chu va laksak a, "Ka bathroom ah I lut ami?" tiin a zawt a.

"Aw, U Mercy in ka ta alo la daih a, chuan i room a hnai ber sia ka rawn kal a chuan i chhuar ah ka hmu a" Harry chuan alo ti a, 'min lo pe tawh' ti ni awm tak hian a u thilken chu ava melh a, Duhsaka lah chuan a wallet zawk chu phawrhin cheng zanga note pahnih hi Harry chu pe a, "Kha khan I mamawh chu lei rawh, mahse hei chu lo khawih suh" tiin a room ah a luhsan nghal a, Harry chu hawihai khawp mai, "A uiawm loh e, vawikhat inbual nan chiah lom ka hman dawn" a kuta sangkhat chu en a "Tiang em* ngatan nge ka tih nga?" ti chung chuan a hum tha nghal a, "U Mercy room ah ka ta sa ka la mai ang" tiin Mercy room lam a pan a, a pawisa dawn ringawt chu a lawm hmel vur* khawp mai.

"Teh thla 4 vel lai kan buaipui tawh a, ka tel ve hma in tha 6 chuang ilo khawih tawh bawk a engtik ah nge kan zawh ang" Harry chuan chik zet hian Nathan code buaipui lai chu alo enpui a, a lays chu a han leh rap* thin a.

"I ning tawh mi?" tiin alo zawt let a, "Ning lo e ning te chu, mahse kan buaipui rei tawh em a" a lays bawm chu a khawih rawk* a, a zo tawh alo ni, Nathan chuan tho vatin chhuara a la awm chu ava laksak a, Harry pawh alo nui var* a.

"Teh kan ni ve rei ve tawh rap, karleh ah thla 6 kan tling dawn" calendar melh vang* in Harry chuan ati a, Nathan chuan a code chhut chu a tawp dat a, rei vak lo ah a chhunzawm leh nghal a, "Ka sawi tawp ang kan nih tirh kha chuan kan inkawp rei ka ring miah lo a" Harry chuan ala tih chhunzawm a, Nathan chuan a thil chhut chu dah in Harry chu en a "Engvang ngawt chuan mo?" tiin a zawt a.

"Aww, mi pakhata bet chawt chi inih ka ring lo a, chhe zawk* ini bawk silo a" Harry chuan ati a, "Experience atan chauh min hman kha k--"

"Then tumna che rilru ka nei lo a, chuan hre reng rawh eng experience mah ini lo ka bialpa inih kha" Nathan chuan ati charh* a, Harry pawh a ngawi chat* chiang khawp mai, Harry chu nui ta var* a.

Harry pov,

Ini ve nge nive lo chu ka hrelo mahse Monday hi chu kar zawng* ah hian ka ning ber hman ah school kal lai tang tawh in, weekend nuam tawk in kan han hmang a mahse Monday a rawn nia zing thawh hma in a zui nghal ringawt a, zing atang reng hian a dik thei tawh thin lo, ka thawh zat chu in ang viau thin mahse nidang hrim* aiin Monday hi ka hah in ka chau zawk thin.

Chuta kar ah Nathan ka nuna a rawn luh tang phei hi chuan Monday hi ka ning zual, Saturday lah Sunday ah chuan a in ah kan duh ang* in kan awm a mi mitmei engmah venthawn a ngai loa, ka bialpa angin a khawsa a keipawh a bialpa angin ka khawsa bawk a, mahse Monday anih chiah hian kan awmdan hi a inthlak thin.

A tir ah kha chuan tiang em* hian a harsat ka ring lo mahse kan ni rei tulh* a ka duh na lah a zual telh* bawk a, nitin mai hian a hma aiin ka duh zual zel a kei tak pawh hian ka hrethiam lo.

Office mi hmuh ah chuan ka bialpa nilo in ka boss ania keipawh a tan chuan mi tamtak zinga a hnathawk pakhat ve mai ka ni a, a bul ah chuan ka la sawi chhin ngai miah lo mahse hmeichhe hnathawk ten an en dan leh an hmuh dan ka hria in ka hmu ve vek a, kan department atang pawn alo kal dawn tih thawm a awm chuan makeup chitin leh darthlalang nen an inchhawp nghal a, a chang chuan au chhuahpui a khawvel mite bulah hian ka ta chauh ani tih te hi sawi ka duh thin mahse a theih bawk silo.

Nathan chuan tumah diklo lamin a melh ngai lo, chu* ka hmu mai nilo in hnathawk dang zawng* te pawn an sawi thin ani, ani chu ka ring alom, min kawp ngai dawn lo tih pawh ka hria mahse ka nin zawk erawh chu hmeichhia in chance an neih ringa an hmuh apianga an lo melh thin te hi ka ning hluah*, midang zawng* hriat ah chuan a single a chuvang in hmeichhe tamtak pawn chance ah an la a a phone ka en chang te hian DM tamtak ka hmu thin mahse hna lam anih loh chuan engmah a chhang ngai lo, heihi Nathan ka duhzual na em* pakhat ani, tumah hope a pe ngai miah lo hi.

Office ka thlen chuan an lo ri mar* hlom tawh a, ka hma viau lo nen tawl khawmuang loin kan floor ka pan nghal vat a.

Ka peih lo viau e tilo chuan ka han thleng chu ti tih hlir a lo awm a engmah pawh ngaihtuah hmain break alo ni der a inhnuai ah Nunpuia nen lunch kan ei a, kan zawh ah Pu Jonney nen Nathan hmuh kan ngaih vangin khawmuang loin ka kal nghal vat a.

Kan pathum chuan Nathan office sofa ah thuin programming leh code vel chungchang kan sawi ho a, mahse a tam zawk ah chuan an sawi dun ani mah zawk, zawhna te min zawt anih loh chuan ka tawng ve vak lo.

Kan zawh lam ah chuan Nathan nena kan project buaipui lai bik chu Pu Jonney chuan Nathan chu a han zawt a mahse Nathan chuan "Kan zawh hunah I hmu ang" tih tawp hian a chhang a Pu Jonney tan pawh a nuamlo ka lo tihpui khawp mai, Nathan hi chu thu khup mawi tih vel hi a thiam ve thlot lo.

Kan thawh dawn lai vel tak chuan kawngka a rawn inhawng a "U Nathann!!" tiin aw sin leh no zet hian a rawn chhunzawm a, kawngka lam chu ka hawi vat a hmeichhe pakhat kan in rual vel ang tih tur hi alo awm a, kan han en a a sam chu blonde colour ania a hmeltha mai pawh ni loin a vun chu a sen no chek reuh a, a lian lo feet 5 vel aniang mahse a duhawm thung, a inchei dan lah chu a class em* a, en mai pawhin sum ah chuan buaina a nei lo tih a chiang.

"Engtik ah nge ilo kal a?" tiin Nathan chu a ding a, a hmel en mai pawn alo kal chu a beisei lo tih a hriat. Chu nu lah chuan a zawhna pawh chu chhang lo chuan ava kuah nghal chung a, "Ka ngai tawh lutuk che" ati chul a, a ke a per at* reng bawk a la naupang chhia ve hmel tak chu ani.

"I sual si tinge biak pawh min rawn biak ngai miah lo" pangchang aw zet chuan ati a ka ho hian ka lo en reng thung, ka bialpa kuah mek tu hmeichhia hi tunge ani tih ka hre miau lo atin ni, Nathan hian nau hmeichhia nei chu nise ka hria ang, mahse a nei lo tih hi ka chiang unau pianpui chu pakhat chiah anei U Ethan ani, chu* ka kutphah ka hriatchian tluk zet hian ka chiang.

Awm ve reng theih ni hek lo Pa Jonney nen chuan kan chhuak a, chhuahsan ka hreh zia chu sawi ngaihna hi awm lo tunah te hian theih chu nise Nathan office a a bungrua engpawh kha nih ka duh sofa, chair, dawhkan engpawh a ni mai.

Pa Jonney chu tunge anih a hriat leh hriat loh te chhungkua an nih leh nih loh te ka zawt a rilru buai sa nen a thusawi vang chuan a let in ka buai zual "Hana-i nih kha America a president lehkha zir a awm lai khan an chawlh vel ah te an inah khan a thleng thin a, an chhungte hi thian tha lutuk an nia, company a din dawn hian Hana-i pa hi President advisor pawimawh ber ania ani awmlo se chuan tun hi kan company hian a thleng kher lo ang. An chhungkua an lo inhnaih bawk nen a then phei chuan an tet lai tangin Hana-i leh President hi an chhungten innei turin an lo hual lawk tawh an tia, mahse kum 2 liam ta khan Hana-i pa hi a boral chuvang chuan an thulh leh te an ti lom" tih thu hi hre ve ta ula in thla a muang bik miah lo ang, Hana-i leh Nathan lah kha an in close hmel em* lehnghal, kei leh U Ethan tih loh chu tiang anga Nathan ngam tu kha ka la hmu lo.

Nileng chuan rilru ber lo zetin ka awm a hna alo awm ve reng bawk nen ka thinrim hlur mai Nathan lahin a office ka chhuahsan hnua ka message thawn tawh kha ala seen thei miah loa, darkar hnih zet chu Hana-i nen khan a office ah an pahnih in an awm dun tawh a, ka message a seen thei lo bawk nen ka thin chu a rim khawp mai.

Chuan engtin nge kan floor atang daih in an la chhuak lo ve* tih kha in lo ngaihtuah maithei a, awlsam lutuk Nathan room kawt chiaha CCTV kha ka hack a, ka computer atangin chiang takin Nathan room kawt chiah ka hmu thei.

Ka thiltih hi a dik miah lo tih ka hria a mahse ka insum zo thlot lo, tih theih nei reng chunga engmah tilo a rilru nuamlo deuha lo awm kha ka thei thlot lo, tuna ka buaina pakhat ber chu Nathan office chhunga CCTV pathum a a pakhat ber pawh ka hack thei lo hi ni, a security a tha lutuk a rei lo te chhung chuan ka thei tlat lo.

In ka thlen chiah chuan call ka dawng nghal a, Nathan hming ka hmuh chuan ka lawm lo em a a ring khatna chu ka chhang lo room lam ka pan a ka thlen chuan vawihnih lai a ri ral leh thak tawh a, a vawi li na ah chuan ka la ve hram a, mahse keimah ang lo takin ka tawng hmasa lo.

"Hey, ini em?" atih pawh chuan ka chhang lo, a aw ka hriat chiah hian ka thinrim zual nimai in ka hria, office atanga ka haw dawn tep ah an chhuak a, a inbiak dan atangin dinner an ei chhuak dawn ni awm tak ani, chung te pawh chu min hrilh miah lo, CCTV kha hack lo phei ila chuang engmah ka hre dawn miah lo tihna nia, kum chanve dawn kan ni tawh a kan nih hnu hian tiang em* a lungawi lo hian ka la awm lo, ka lawm lo lutuk.

"I buai ami?" ati leh a, a tawng ring lem lo mahse min ngaihtuah na awka ka hrethei, "Aw" ka ti leh tawp a, phone chu kan la dah lo ve* a, "I message leh call kha ka hmu chauh a" ka rin dan vel ani "Vawina mi kha Hana-i nia a tetlai tangin ka hria a ka nau ang chiah nia, America ka awm laiin an inah ka awm zeuh* thin a, nimin khan Mizoram a rawn thleng a, tumah thian dang a nei silo a" ati a, hehi Nathan insawithiam ka hriat vawikhat na ani, vawikhat mah hi tu hnen ah mah ala insawithiam awm ka hrelo, ngaihdam dil phei chu vana rah ang ani.

"Aw ka buai a ka dah" tiin ka dah nghal daih a, achhan chu a aw ka ngaihthlak zel chuan ka tum ai hmain ka nem leh mai ang tih ka hlau, bakah dinner an ei chhuak dun tih pawh kha a sawi miah lo chu chuan min la tilungawi famkim thei lo mahse a theih tawpa insawithiam a tum erawh kha chu a tan pawh thil thar ani in ka hria.

Zan ah chuan naktuk chu office-a kal loin a ina kaltlang turin min ti a achhan ka zawh chuan hna kal loin a in ah kan pahnih chauhin kan awm tur thu a rawn sawi a la titauh tum si chu ka phur khawp mai, kan pahnih chauha a ina awm baka nuam tih ka nei lo.

A tuk a ka va thlen chuan ka thinrim mek tih pawh ka hrechang tawh lo, a inbual zo tih hriat takin a sam ala huh chep a, kawr ha loin pajama dum hlang tawp a ha a, crocs a bun leh tawp a, a simple viau e tilo chuan a attractive em* bawksi heivang tak hi lom hmeichhe dangin an melh hleka ka thik em* nghal thin, a tha em a midang in an duh* a an lo suangtuah hi ka phal lo.

"I rawn thleng har lutuk a, eitur pawn a dai zo tawh" alo ti a, sofa a a t-shirt var dah chu a la a, a ha chu pawi hi ka lo ti khawp a, a thil en kha a hmuhnawm em ani, mipa taksa hi ka taksa tih loh chu hmuhnawm thlir in ka la thlir ngai lo sin mole.

"Nge tah kan tih? Tinge hna kan kal loh?" tia ka zawh chuan awlsam deuh in "Date" alo ti than a, nui lo turin ka lo insum tang* thung, a thuneihna hi hmansual ka duh miah lo mahse tunah tak hi chuan ka boss ani hi ka lawm takzet, tihian project kan khawih dun lai ani bawka tuma bul ah insawifiah ka ngai dawn loa."Nge kan tih dawn?" tia ka zawh chuan "I duh*" ati leh mai a.

"Checkmate" a vawithum na atana Nathan in atih chuan ka naaa vak a, vawithum lai kan khel tawh a, ala chak char* a, ani thei em* lo "Chess chu ka thiam lo lom" ka tih chuan mi rawn nuih suk a, "A hriat mai lom" kan chess khelh lai thlak ralh pah chuan ati a, ka va ngei mai* thin tak.

Darkar thum vel chhung chu a room chhuat ah thuin games hrang* phone a khelh chi leh chi loh te kan khel a nuam tak a ni engmah ngaihtuah dang kan nei loa kan pahnih chauh ani mai. Kan nui dun a, kan han inhnial leh bap* thin bawk a mahse kan hlim tih chu kan hre ve* a, tumah dang kan mamawh tawh lo.

Ka ril a tam avangin choka lam ah kan inzui phei a, "Thil kan siam ang aw" ka tih chuan rang deuh hian "Ngailo" alo ti a, "Noodles vel I lei kha ala tam mai" atih chhunzawm a, amah chuan noodles leh eng eng emo ni chu phawrhin a la a, che lo tura mi tih tlat avangin thu chungin ka lo en a, a chetla vel ringawt te pawh chu hmuhnawm tak ani.

"Sitting room ah lo va nghak ang" tiin kan thil chhuan lai chu kan chhuahsan a, sofa a kan thut thla chuan mi rawn kiss a keipawn ka chhanglet vat a, a malchung ah ka han lawn a, a biang tawn* a vawn ka tum lai tak chuan a kawngka password tu emo ni in a rawn chhu ri a, kan inthlah chiang e "Tunge?" tia ka zawh chuan ka ding fel der tawh a "Ka hrelo, Ethan aniang" alo ti a, a lawm loh hmel kher mai.

"U Nathan I awm em?" tih ri ka hriat chuan ka hlim na zawng* te kha tui fawn in a len bo ang hian a bo fai nghal vek.

Hana-i rawn lut in min hmu chu mak ati deuh ni tur ani mi en vang* a, keipawn engtin nge Nathan door lock a hriat dan kha zawh ka chak khawp mai, "Enge I rawn tih?" Nathan chuan a zawt a, Nathan hi ka hrechiang a midang a biak angin a be lo alom Hana-i tan hian eng emo ni soft spot hi a nei tlat in ka hria.

Hana-i chuan nui sang hian "Company ah ka rawn kal a I awm silo a in ah ka rawn kal" a ei tur rawn khai bawr luk chu Nathan hma ah khai in "Ka ril a tam tawh lutuk hei ang dun ang" ati a, awmve lo ang mai ka ni.

"Vawin chu ka buai ka tih kha ka awmpui hman lo che" Nathan in atih leh pawh chuan "Mahse I bul ah ka awm duh lom Mizorama kal ka duh nachhan pawh nia" ati leh a, Nathan pawh chuan tih vak ngaihna a hriat loh hmel khawp mai.

"Hna kan la thawk a, ei la i kal leh nghal dawn nia" Nathan in atih chuan ka lawm hman tehlul nen Hana-i chuan mi rawn en a, nui deuh sang hian "Vawin chu U Nathan hi ka book dawn a, vawin chu bang hma mai rawh aw" ati a, haw turin min duh tih chu ka hrethiam, Nathan chu ka va en a "Hana" rum deuh tak chuan ati a, Hana-i chuan ngatan mah a ngaih hmel loh.

"Vawin chiah a bak chu ka tibuai tawh miah lo ang che tak*" tiin Hana-i chuan inla naupang chhia zet hian Nathan chu a kawng ah ava kuah leh a, tun ah hi chuan ka bialpa ni loin ama bialpa a ang zawk alom mole, Hana-i ai chuan keimah hi mihrang zawk ni maiin ka inhria, a kuah laia Nathan in a dang miah loh te saw ka na veng* mai, ka sual vang nge chu ka hrelo mahse ka thik tlat a ni.

"Ka lo va haw mai ang" tiin ka kal a, kawngka bula ka bike chabi khai chu ka la a "Harry" Nathan chuan mi rawn au zui mahse ka ding duh chuang lo "Noodles in siam alo?" tih Hana in a zawh ri chu ka hrepha, ka bike ka thlen chuan tinung mai loin ka phone ka phawrh a, Brandon chu voice a va message in "Ka rawn haw mek kan in ah lo awm rawh" tih chu ka va thawn a, ka bike tinung in ka tlan nghal vang* a.

_______________________________________

Test kan lo nei ve reng bawk nen kar khata vawi khat dah pawh hi a harsa deuh thin chu ni 😔