Lo lang leh hlol, min lo ngai hlom tih ka hria lom🌚

______________________

♡The President Secret♡
Chapter-7

Author pov,

A luh chuan Nathan chuan kawngka bula switch chu a on ri khep a, chumi vel ah room thim mup ah chuan light phakhat hi a rawn eng che* a, hlau duh tan chuan in chhung chu a hlauhawm ve thei fu maithei ni.

Nathan chuan hmanhmawh lem lo tak hian chu mite te chu ava pan a, an bula bucket a tui lo tling puau sa chu la in chu mite pali chu a theh nghal pap* a, rei lo ah chumi te pawh chu an rawn meng diar* a, a tu amah chu tawng mai nachang hrelo chuan an awmna hmun te chu zirchiang in an en kual hrek* hlom a, an chetla lai chu Nathan chuan chiang takin alo zirchiang hlom a.

"Khawiah nge min hruai, khawilai nge he hmun hi!!" an zinga pakhat chuan a rawn ti nghal hlak* a, "Engvang hrep chuan nge min phuar a!" tiin a chhunzawm nghal a, a thiante pawh chuan chhuah tur leh a chak loh tur thu te chu rawn aupui hlom a, Nathan lah chuan engatan mah ngai lo ang hrimin ngawi reng chuan an mahni chu a en kar hlom a.

Muangchang chuan an lam chu a pan a, an hmaa chair lo awm ah chuan thuthla in damdiai chuan a bawp a khawkherh a, a ngainep lutuk te chu an tam chuan thinrim thlak tak ani.

"Nangni khawlai sazu pali hian ka mit inti kham a" tiin an pali chuan a en kar hlom a, an ni erawh an bo vat* hle thung, vawikhat mah an la hmu lo miau a, a pawi an sawi awm an hre silo, "Chuan ka mit tih kham hi in duh miah lo ang"

"Tunge mo inih phiangsen le!!! Hriat pawh kan hre ngai lo che!!" an zinga pakhat chuan tal deuh vak pah chuan ati a, "I theihnghilh tawh ani mahse. Nimin a thil thleng kha kan hrilh nawn leh dawn cheu mi niang" Nathan in a tih takah chuan rindan an nei thiam ta nghal a, rang zet hian "Nimin thil thleng kha chu hriatsual palh anih kha, naupang khawih kan tum tak* pawh nilo, kan fiam kual vel mai* nih kha" tiin a rawn insawithiam nghal vat a.

Nathan chuan chek tlak* hian a lu a thing a, "Ka hrilh ang che u, kha school naupang chunga in thil tih emo tih tur kha enga tan mah ka tilo. Ka tan tangkai na pakhat mah a nei lo" tiin a tho a, a piaha tiang hrawl zet lo intung chu laiin muangchang chuan a endik a, "Ke lehlam leh kut lehlam tiro kha!" tiin a nui suk a.

Pawn kawngka bula lo ngaithla tu chu inchhung atanga thawm rawn ri chhuak vang chuan a tum loh deuhin a khap leh fawk* thin a, a phu leh zuk* thin bawk a, kawngka bula alo din zum zat lai chuan mipa pakhat amah aia sang tur deuh hi alo kal a, gym kal thin tih hriat takin a taksa lah chu a in phut mawi tawk em* bawk, chutia alo ding a hmuh chuan a rawn pan vat a, "I tha em?" tiin a rawn zawt nghal a, "Imm, tha e ala zo loa" alo ti a, chupa chuan a hmaa mi chu en in "Tan ka lo awm ang, car ah lo va kal rawh" tiin a hmui ah tak chuan ava kiss a, ani pawh chu hnial lem lo chuan car lam pan in a phei ve nghal a.

_________________

Dar 11 vel ah chuan Harry dawmdawi in kawngka chu an rawn kik a, Harry chuan Nathan anih ring in "Chhun ah ati sia" tiin a mah chuan a phun sap a, a chhan pawh awm chuang lo a phur em* lehnghal.

Kawngka a inhawn chiah chuan Nathan ni loin a bialnu Cathy zawk chu alo lut a, Harry an Cathy a hmuh chuan alo nui ve var a, mahse ami rin leh beisei tak chu ani lo, Cathy a hmu chu lawm hle tur ani tih a inhria mahse chutia Cathy ni loa Nathan zawk hmuh a phut tlat mai chu amah pawh a in hre thiam lo.

"I sawi lawk silo a" tiin Harry chuan alo ti a, Cathy chuan net nang hian "I lawm vak lo chiang, ka haw leh mai ang" ati fiamthu a, Harry khum bula thutna ah chuan a thuthla nghal a.

"Chutiang ani lo tih te chu I hria lom" Harry chuan ati a, "Khawnge I chhungte hi?" hawi kual chung chuan Cathy chuan a zawt a, Harry chuan "Naupang pawh ka nih loh hi, awmpui reng ka ngai hleinem, zan ah an lo kal chauh dawn" alo ti zung* a, Cathy eitur lo ken te chu a hai rak* hlom a.

Darkar te a liam chuan Harry pawh chu a tawng leh barh* tawh a, damloh la na lo ber pawl a ni hial maithei ni. Mahse kawngka alo rik hlek apiang chuan rang zet hian a hawi vat zel a, mahse a mi chan tak chu a rawn lut fuh thei ngai reng* lo, damdawi thlak tur nurse emo, rawn check tu tur doctor emo a U Mercy (a awmna damdawiin ah nurse hna thawk in a awm) an ni zel a, tilang duh miah silo chuan a thinrim ve tun mai.

Tlai dar 5 ah inkan hun a tawp dawn vangin a hma deuh chuan Cathy chu a haw a, minute 5 vel chiah a awm tawh tiah pawh chuan Harry chuan beiseina nen kawngkhar chu a thling reng a, chiang taka a rawn kal tur thu a sawi avang khan sawi loa a lo kal loh tawp chu a ring phal lo ani.

Zan a u Sanga nena chaw an ei lai chuan a a u chuan "Cathy hi chu a fel ve ka ti, mi hi a zah der thiam sia, mahse min nel tho bawk sia, ka nu phei hi chuan a duh nia" chaw thial tuam* pah chuan ati a, Harry lah chuan a phone notification a chan reng avang chuan alo hre lo, a phone chu a bih leh ngur* thin a.

"Nau a min ngaithla em?" Sanga chuan a rawn ti hluk a, Harry chu harh zawkin "Engmo I sawi?" a rawn ti hu a, "I bialnu chungchang anih chu ka sawi I bialnu" tiin Sanga chuan Harry sam chu ava tuai thuak a, Harry lah chuan chutianga in naupang chei chu lo duhlo nasa lutuk "Ninawmmm!!! Tikhan ka sam ti ziah suh" ati bui* a.

Zan dar 11 vel a rik chuan alo chau ve bawk nen Sanga chu thutthleng sei ah chuan a muhil fe tawh a, "Min awmpui tur ve si, nge mut daih a, mipa ve si mu hma lutuk mai" a u en chung chuan ati a, khum ah chuan a let a let a, venflon an la vuah vang leh a ke an la cher ve luk vang chuan a duh ang pawn a awm thei lo.

11:30 a rik dawn pawh chuan Harry chuan a phone kawih a, a bul lawk ah Sanga alo hnar kuk* tawh bawk a, "Va bengchheng tak!" ti hlukin Harry chuan puan chuan a u muhil tui em* chu a hmai ava khuh sak a, Sanga lah a harh chuang lem hlei loa.

"Nge maw zawh mai* te chu ka thih phah dawn pawh nilo" tiin a tawp ah chuan Harry chuan Nathan chu va text ta nge* a,

'Ilo kal leh silo a' tih tawp chu ava thawn a,

nghah rei ngai loin minute 2 vel ah chuan "Ka buai leh thut a" tih mai te hi Nathan atang chuan a dawng let a.

'Lo sawi leh awm che nia' tih a type mek lai chuan

'Engnge I awm tawh' tih chu a dawng hmasa a

Nui deuh puh* chuan 'Tha lutuk naktuk ah pawh ka chhuak thei nghal ang, doctor in phal se chuan' tiin ava chhang a

A hnathawh na dawhkan a thu chung in Nathan chuan a phone chu a en a, nidang a a tih ngai miah loh leh a tih a rin ngai miah loin Harry message a hmuh apiang chuan a nui suk* zel a, amah pawh chuan mak ati, mahse a indang zo bawk silo, "Tun ang ah te chuan I bialnu te zet kha va be ta che" tiin amah chu a phun sep a.

'Naktuk I buai dawn em' tiin Harry bawk chuan a thawn leh a.

'Buai ang, ka schedule a full vek' tiin Nathan chuan ava chhang a

Harry an a type mek lai chuan Nathan bawk chuan 'Mahse awmpui tur I neih loh chuan ka hman maithei' tih chu a thawn a.

Harry chuan message a dawn vel ah chuan a type lai chu delete in phur deuh hian, 'Tumah min awmpui tur an awmlo' ti chu rang zetin ava thawn a.

Nathan chuan nui leh suk hian a type a, mahse thil hrechhuak zuk ni awm tak hian "A kut ana mo tia" tiin amah chu inhrilh a, type tawh lo chuan Harry chu a call in ava call a, message lo chang mek tih tak ah Harry chuan alo pic vat a, "I kut ana mo tia" thil dang sawi hma chuan Nathan chuan ati a, Harry chuan ngaihdan fe hian "Ho tuk, dam vek tawh" alo ti et a.

"Dam lo si iva mu har ve" Nathan in a tih chuan Harry chuan a pum dawn vang* chung hian "Ka ril a tam lutuk a" ati bai* a.

"Riahpui I nei lo mi?"

"Nei e, a u, mahse a zanlai deih tawh"

"Kaitho mai la" Nathan in a tih chuan Harry chuan a u chu en in a ner nang a

"Ani kaihthawh tum chu tlang chawisan tum ang ani" tiin a chhang a, Nathan chu tawng lo chuan a ngawi reng a, phone atang chuan a thawm erawh a ring hle thung

"Engnge itih vak* a?" tiin Harry chuan a zawt a, chhana erawh a dawng lo thung.

"Heyy!! Ila awm em?" Harry an a zawh leh chuan call chu a in cut hmak a, Harry chuan ang huau hian phone chu en a, thinrim deuh chuan "Zawnga chu a dah dawn te chuan sawi ve tur lom le!!" ati hluk* a, a bengchheng viau e tilo chuan Sanga lah chu ala harh thei der lo, a mu nghet lutuk thin hrelo tan phei chuan ngaihthat loh natham ani ve ang.

Zing dar 1 leh minute 20 vel chuan Harry te kawngka chu kik tu awm tih hriat takin a rawn ri rak* a, alo chhing sek hman bawksi nen chuan Harry chu thinrim takin a rum nghut a, a ril a tam bawksi, kawngkik chu Sanga ava hawn mai ringin a mu lui tlat a, pakhat lah a hnar kuk* mai bawksi, "Ka va ning e aw!!" ti hlukin Harry chu thoin kawngka chu ava hawng a, dawmdawiin chawki dar chu kawngka bul ah chuan lo ding ran in polythene dumin thil hi alo khai a "Hei I ta tur an lo dah a" phak chep chuan a rawn ti a, a ham bai* a, muttho hlim kaihthawh ang mai ani.

Harry chuan bo zet hian "Engmah ka chah loa" alo ti hu, chawki dar pa chuan a thil khai chu chauh hmel fe hian ava pe a, "Mipa pakhat in ita tur atia alo dah lom, ka mut a chhuak lutuk, la mai rawh" tiin a let leh nal* a.

.
Harry chuan a thil khai a en chuan a khi ver* a, "Zawnga chu aw" tiin khawngka chu kharin a khumah chuan a let a, a phone chu laiin Nathan a call nghal vat a, vawi thum vel a ring chuan Nathan chuan a lo la nghal vat a, "Motor ka khalh mek ania" a rawn ti nghal a, "Nangmah tiro?" tia a zawh chuan a lehlama mi khan "Engmo?" alo ti let a.

"Eitur awm ho hi, ini chiang lutuk, I rawn dah mi?"

"I sawi awmzia ka hrelo, mahse eitur i dawn chuan ei vat la mu rawh a tlai tawh" tiin Nathan chuan call chu a cut nghal a. "Ani chiang e, a rawn dah ngam te chuan amah ani tih sawi ve mai tur nia" ti nuah* in Harry chuan eitur ho chu a ei a.

Skip,,,

'Eitur I mix dan atang reng hian mi pangai chu ini lo alom' tih text Nathan atanga a dawn chuan Harry chuan

'Kha chu ala ho zawk, Oreo leh ketchup ka ei pawlh thin' tih chu minute pawh a ral hma chuan a thawn let vat a, a thil hrilh vanga Nathan hmel awmdan tur a ngaihtuah pah bawk a, a nui deuh vur* mai

'Ewwwww, tenawm e'
'Indian constitution hi chhiar chian leh ka ngai, chu thil kher chu dan phal loh anih theih nachin a tam tlat' tih chu Nathan chuan a va thawn let a, a hmuh velah chuan Harry chuan fiamthu pawh a thiam ve thawh nih hi ati rilru a.

Thla khat lai chu Harry damdawiin chhuah tangin a liam leh tawh a, thla khat chhung khan nitin deuh thaw phone ah zan rei tak* thleng an inbe thin a, a tir ah chuan Nathan zawk hi chuan tawng tlem tih takah tawngkam hnih khat lek* bakin chhan ngaihna a hre ngai lo kha nia, mahse tunah chuan a message apiang sentence khat tal ani ve tawh thin.office lam ah lah a hma aiin Nathan Technical department ah a ka l ngun a, hna ho te* ava pe reng bawk a, meeting lah department dang ho aiin a neih pui tam zawk bawk a.

"Heyy!! Harry ka biak che chu I hria em" tiin Cathy chuan Harry phone ena a khi suk* thin a hmuh chuan ava ko a, Harry lah chuan a hre maithei bawk silo.

"Harry Lalrinpui" tia a hmingpum ngata a kawh tak ah chuan Harry pawh chu harh deuh zawka, a phone hum mek chu a kekawr ipte a dah in Cathy chu inthaim loh hmel tak hian ava en a, "Ka tihpalh I sawi ka hre hman--" atih zawh hma chuan Cathy chuan lo pawtchat in, "Min ngaihsak miah lo, kan luh tangin ka mit ah pawh min la en mang loa, I phone ah chiah I rilru I pe a, hetiang tur te chuan min hruai chhuah loh lo* tur che lom" thinrim rilru na deuh tak chuan ati a, restaurant a awm an nih vangin a awki erawh a ring lo thung.

"Ka tihpalh lutuk ka hna ania" a thusawi vang chuan amah pawh chu a in thiam lo, eitur chungchang chu khawiahmah hna ani lo tlat ani.

"Hna nei ve tho ka nia, i buai tih pawh ka hria, mahse kar tawp kan chhuah piangin tiang hian I awm ziah, keipawh ka buai lutuk ve tho, tunah pawh hna zawh loh tamtak ka la nei, mahse I tan hun ka insiam ve hram* asin, hman viau ka ni bik lo. A hmaa kan chhuah in kan awmdun apiangin ka full attention ka pek ang chiah chein nangpawn min pe a, mahse tun hai ah hian inthlak a awm" a chawl dat a, a mittui tlak loh nan a insum hram* ani, mipui awmkhawm na anih mai bak ah Harry hma ah chuan chak lo taka lan a duh lo hul hual, "I inthlak chhan hi ka rilrua awm mek hi anih loh hram ka beisei, a chhan chu ka Harry hriat thin kha chu tiang mi chu ani lo" tiin a chhuahsan a, Harry chuan va umzui a, thil sawipui a duh mahse dikna a neiin a inhre bawk silo.

Harry chu a khumah chuan a thu ngawi reng a, Cathy thilsawi zawng* chu a ngaihtuah let a, a thusawi zawng* kha a dik vek, thinrim emo lungawi lo pawh nise thiam loh na anei lo, dikna zawng* ani vek zawk ani.

A hmaa zantin biak a chak em* thin lai te, a ni hman dan engkim hrilh a phur theih em* thin te kha a inthlak tawh, chutiang chuan a awm tawh lo. A hmaa Cathy biak a chak ang aia nasa khan Nathan zantin biak a chak a, nitin office khatah an thawk dun chungin a ni hun hman dan zawng* Nathan hrilh a sawipui a chak a, thil nuihzathlak tak* en se Nathan nena ena nuih dun a chak a, thil tui tak ei se Nathan in ei ve se ati a, a hun awl Nathan bulah hman a duh a, chung zawng* chu Nathan ni loin Cathy zawk tur ani tih a hria, a ngaihtuah na leh a awmdan chu a hrethiam lo takzet.

"Engnge ka awmzia hi" tiin a lu chu dawn vang* in a kun a, a feelings chu a hria mahse a pawm duh lo ani.

Mipa ve tak ani a, a taksah pawh hleitling tak ani, sports lah a thei em* a, school leh college ah pawh hmeichhe ho um rawn ani ve thin kha ania, mipa chu melh chu sawi loh ngaihtuah tak ngial pawh ala ngaihtuah chhin ngai lo.

Han luhlul ve viau thin mahse a chhungte ti mualpho zawngin vawikhat mah a awm ngai loa, mi chhungten an fate bula entawn tur mi an sawi thin ani zawk thin. A chhungte pawn an chhuang a, zirna lam ah leh sports lam ah thleng pawh a filawr ani, chutianga mipa pangai tak chuan engtin nge a mipatpui bulah feelings a neih theih tih a mah leh amah a inzawt a, a ngaihtuah zawng ringawt pawn amah chu a inten ani.

A chhungte tana mualpho na thlentu tur ani tih a ngaihtuah ringawt pawn Harry chu tawp up* a, bak ah ama feelings chu a hrethiam lo takzet,a hma zawngin hmeichhia bakin a mit an la ngai silo, a inngaihtuah thui telh* a, zawhna tam tak amah ah chuan a khat ani, a tawpah chuan thingthi in a tawngtai ta ringawt a, a theihtawp in Pathian lakah ngaihdam te a dil a,a mittui a parawl hial bawka.

_______________________________________

Buai mai bak ah ka regu theih lohna chhan pakhat chu phone hi ka la nei loa, chhungte hman loh hun chang reng* in ka awm a, phone khawih theih hun a tlem a lo buai bawk phei chuan a regu hleih theih thlot loh ani, zing dar 5 vel ah te thoin ka ziak thin a, a thui pawh a thui vak thei lo😭