Exam kan zoooo 🤧

Bl story hi ka tui laklawh lutuk a, addict a awl lutuk alo ziak ve leh tawp mai.

______________

♡ The President Secret♡
Chapter-1

"Ka peih lo ka ti ka tih chu" a room kawngka hawng thuai a, khuma thut thlak pah chuan Harry chuan ati hlak hlak a, thinrim em* in a hnungah apa in a rawn zui lut ve bawk. "Hun tha tak anih hi mole, college ka kal duh itia, 12 i zawh pawn kan kaltir che a, i zawh tawh hi eng fa ko nge la zir i la tum a?" apa chuan aw ka dim lem lo tak hian a rawn ti a, Harry erawh a khum ah thuin hnuai lam a bih run a.

"Hre rawh tun ang hun tha hi chu i hmu leh tawh lo ang, interview ringawt ah I tling nghal ania, kum 22 lek ah officer te hlawh ang zat i hlawh thei dawn asin. Engang pawn zir zawm la hei ai hun tha hi chu i hmu leh tawh lo ang" tiin a chhunzawm leh pang* a. Harry nu pawh a rawn lut vat a, a pasal thinrim leh a fapa lungawilo hmel a hmuh chuan "Nimin ah an results a chhuak ve chauh a, kar 2 lai inngaihtuah na hun ala awm hi, hun pe ve lawk ang" boruak tih zangkhai tum tak chuan a han ti a.

"Kan duatsual zo tawh nih hi, tun ang hna tha hnar leh tur si te chu, school leh college a 1st na nih reng kha engnge a hlawk na?" ti hlakin room chu a chhuahsan a. Anu chu a fapa bulah chuan a zuk thu a,a kuta chelh sak chung chuan, "Bawihte, ipa thu hi awih rawh, i tan a tha lo a duh ngai lo ania. Bak ah a thawhna tho ania, hlawh a tha bawk a, chu mai bak ah India ah pawh top 5 an lan zat* zel hi" atih chuan Harry chu thaw hak a, "Nu nangpawn i hriat kha ka tet te tangin profesor nih ka chak thin zia chu. Ka tet te tangin tum neia zir turin min ti a, tum neiin ka zir a theihtawp ka chhuah bawk, ka hlawhtling ve tep tawh a, bansan turin min ti leh a" a khumah chuan a let a, tih vak ngaihna a hre tawhlo, zir chhunzawm duh viau mahse pawisa a nei silo, a ute han pun dawn se apa berin a phal loh chuan an ti lui ngam dawn silo, a beidawng chu a thaw leh hak thin.

Alo muhil ani chek ang chu a harh leh meuh chuan dar 3:30 alo ri tep tawh a, dar zat a han en chiah chuan rang deuhin a in perh tho a, "A thinrim leh dawn lutuk" ti sap in a drower a hawng a,a hmuh hmasak sak chu ha a, kekawr dum tight lem lo, t-shirt var leh jacket dum hi a ha a, converse a bun leh chiah bawk a, a sang a, ngo hluak ni si loin a ngaw deuh veng a, a pian a dik bawksi, hmeichhia tam tak mit latu ani reng ani. A bike chahbi chu ala a, a chhungte biakna pawh ngaithla lo chuan a chhuak a, apa ang deuh hlak* chu a la hrepha.

Restaurant changkang ve tak pawnah chuan hmeichhe pakhat kawrvar ha hi alo ding reng a, hnuai lam enin a phiephawk chuan chhuat chu a thai a thai a. A Lian lo a, fit 5 a tling tawk ang tih vel ani, mahse a Kim ve biai thung, hmel fiah deuh, te fel at an tih ang kha ni. Harry-an a hmuh chuan a nui suk a, va pan hnaiin "Tihpalh" tih pahin a kut pahnih chuan a beng a khawih a "I hre khawp ang" titau aw zet hian restaurant chhungah chuan a lut a "Ka pa nen kan inti thiam lo lom" ti bai* in Harry chuan a zui lut a, an inthlem nasa bawk a, an haw lam chuan an nui dun leh vur* tawh.

Harry pov,

Ka haw chuan ka inbual nghal a, ka zawh chuan khumah thuin ka result te chu ka en a 1st tih vek ka hmuh chuan za lo deuh in ka nui a, ka thawhrimna zawng* kha a thlawn tih ka hriat hian ka rilru na thar thin. Pakhatna nih reng pawh I duh I nih leh theih dawn loh chuan engnge awmzia awm chuang?

Ka nuin chaw ei tura min rawn koh chuan ka kal ve mai a, dawhkan ka thlen chuan ka ute 2 leh ka pa pawh an lo thu fel diam tawh. "Ka naute hna nei tawh tur chu khawmo ka lo en chhin" kan upa ber u Sangzualan atih chuan chek hlakin "Naute min ti ziah suh" ti pahin ka thu thla a, ka u chiah u Duhsaka chu alo nui suk thung. "Ka inla tlangval e te chu ti re* suh, ka nau duat I nih kha ka nau duat" tih pahin ka thlengah arsa bawp 2 a rawn dah a, nidang ah pawh atih dan fo ani.

Kan ei lai chuan ka hna tur leh ka vanneih zpia sawiin ka chhungte chu an ti* char* a, ka ngaihsak ve lemlo thung. "A tam tawh lutuk" tih leh kan upa ber dawttu leh hmeichhe neihchhun Mercy chuan thleng lain min rawn zawm ve nghal a, "I inthlak phawt dawn lo mi?" ka nun atih chuan chhang ri lem lovin a lu a thing a, a ei dan tang chuan a tam ve hle tih hriat, "Muang changin" tih pahin soup ka pe a,a u thil ei ka hmuh tawh hi chuan keimah zawk hi ka lo puar vek zel.

Harry Lalrinpuia ka ni a, Kum 22 mi ka ni, lehkha thiamthei nilo mah ila, ka zir peih a, ka titha thin viau bawk. Ka thinte chuan ka graduate vela hna tha tak ka hmu nghal mai hi vannei minti em* a, mahse ka inti ve lem lo thung.

Unau 4 niin a naupang ber ka ni a, ka ute hi kum zawn veka piang an ni bawk, kum 6 hnuah ka piang ve a, naupang ber ka nih mai bakah ka fal bik em vang hian min duat em*, a pa hi a khirh deuh ti mai ni, mahse min hmangaih leh ka tana tha a duhzia erawh ka hre thung. Pathian zarah kan unau hian san lamah a pa kan chhun a, u Duhsaka hi 6'3 niin kei leh U Sanga erawh 6 vel kan ni, a te ber u Mercy pawh 5'7 vel a nia a, hmeichhia ah chuan a sang pawl ani. Ka ute hian hna an thawk vek tawh a, ka pain a thawk bawka, ka nu lahin keimahni Mart a nghak bawka, khawsak ah chuan kan harsa lem lo.

______________

Hriat loh laiin hun a liam ve zung* a, naktuk maiah hian hna ka tan ve tawh dawn a ni. Peih in phur viau lo mah ila, written vel ngai miah loa interview ah ringawt ka lut nghal thei hi chu mak ka ti, interview lai kha tlin tum loa ti kha ka nia. Ka ngaihtuah chian chuan ka vannei ve reng. Ka theihna leh ka result that vang ani tih ka chiang a, a chhan chu ka pa hi Financial director lai ni mahse a thuneihna hmang sual duh mi Ani lo tih ka hria a,a thu duh viau mahse dikna ngaisang mi ania, keini pawh min zirtir dan ani.

Ka kawr haktur ka en lai vel tak chuan U Mercy a rawn lut a, a form ala hak danah a room a kal loin ka room a rawn pan tih ka hre mai. Ka bul set ah chuan lo thuin "I mut tawh ka ring a" tiin khuma ka kawr dah hnawk vel chu a khawih nghal thuak* a, "Damdawiin rim I nam" tiin ka tawlh hla deuh a, ei loh hmel deuha min en chung hian, "Naktuk I haktur en ang" tiin ka wardrobe lam a pan nghal a, hmeichhe awmchhun tih takah lungkham hi a neih loh hmel bik ngawih*.

Ka room duhtawk a a suasam hnu chuan a chhuak a, 11 alo pel leh deih tawh, ka mu mai thei bawk silo chuan ka laptop phawrhin Google search bar ah chuan ka thawhna tur company chu ka search a, ka rin phakbak ani, Mizoram ah chuan network agency/company hei chiah hi a awm a chuti chung chuan India ah Kum 5 chhung nawt a zawnin top 5 an hauh char* a, Asia chhungah lah nise Kum 3 chhungin a zawnin top 20 an la lang char* bawk, a company naupan ngaihtuah chuan tun dinhmun an thleng hi thil mak tak ani.

Ka en chiang tulh* a, ka pa hnathawh ka lo ngaihsak lohzia ka hre chiang tulh* mai, network agency chiah emo ka tih laiin products hrang* an nei tih ka hriat belh leh a, an door security, cctv ect te phei chu India chhung mai nilo, Asia pumah pakhatna a hauh ani. Ka pa hian a hnathawh leh a thawhna alo chhuan em* chhan hi ka hre chiah mai.

An department hrang* te ka en a, financial, technical, management, designing etc hrang* ka hmuh chuan ka mawlzia ka herchhuak, eng department ah ber nge ka awmdawn tih ka hre reng* lo. Ka peih loh em vangin kar hmasaa ka paiin ka hriat tur pawimawh document leh file min pek kha ka la hawng reng* hleinem.

Chek hlakin ka va tho a, dawhkan ah ka pa kalsan dan ngai* in alo la awm, la nghal in khum lamah chuan ka pheipui leh a, technical department ah programmer angin ka awmdawn alo ni. Min lak chhan hi ka acedemic record vang chiah ani lo, ka I.T record vang pawh ani tel. 12 ka zawh Khan tiang vel intihsiakna ah hian India pumah 6th na ka hauh ve tawh tlat, chumi certificate chu ka file ah khan an hmu nih dawn hi, ka en chiang tulh* a, ka phur ve telh* mai.

Ka alarm ri ral* ri ah chuan ka harh a, ka inbual fai vel hnuin inhnuai lam panin ka chhuk a, ka chhuk chiah chu chawka tanga thil rimtui tak rawn chhuak vang chuan ka ding dat a, ka hnim vang* hnuin chawka lamah chuan ka phei a. "I u sualzia hi enteh" ka nu chuan purun kheh mawlh* pah chuan alo ti a, u Sanga chuan gas bulah chuan kan(fry) ni awm tak hi alo chawk hliau* a, a rim atang ringawt pawh chuan a tui dawn tih a chiang. U Sanga hi chef ani a, ama pualin restaurant lian leh changtlung tak pawh a nei nghe*, eng dawr ah pawh kal ve thin mah ila a u siam ai tui hi chu ka la ei lo.

"Fair lo thei e, Duhsaka nen hna kan hmuh pawn chaw takngial pawh I chhum peih loa" u Mercy chuan chawhmeh tem pah chuan a rawn ti phei niah* a, a u hi thilsiam thiam viau mahse inah chuan chawka lam chu anu te kutah a dah tawp thin, ei siam nuam ti hle mahse nileng in chawka ah a awm a, in lama awl ve a tum hi ka dem lo, keipawh ni ila ka peih dawn lo nasa.

Ka nu leh pa an buai thin em vangin ka tet te tang u Sanga hian min awm a, ka u mai bak ah ka thian,ka nu leh pa nih a fawm thin, a chang chuan ka nu ai pawh hian ka ngaina thin, ka hlau bawk. Ani pawh hian min duat fal bik em*, ka bulah chuan ri phawr* in min fiam char* mahse midang bulah chuan a zia a dang hlak ka nuin a ti thin.

Chaw kan ei lai chuan an vai maiin awmdan tur min hrilh chamchi hlom a, Kan chhungkua a tawng tamlo ber u Duhsaka pawn, "Va che phawr* lo la, I fimkhur lo sia,iva che buai nge" ati ve thlap a, amah top hi 'action speaks louder than words' hrilhfiah na nia, sawi* loin ati top mai thin, sentence 1 aia tam a sawi ve tawh chuan a tul hle tihna ni mai.

Thu tha tinreng min fah zawh hnu chuan inthlak turin inchungah ka chho va, ka phone ka en chuan ka bialnu Chathy tang fuihna message tam tak ka dawng a, nileng in mood chu a fuh leh khawp ang.

Ka chhuk chu kawngka bulah ka pa alo ding vang a, min hmuh chuan min chhuang hle tih a mitmeng tangin ka hmu thei. "Kal ila" atih chuan bangbo ang reng tak hian ka en ha a, "Vawiin chu ka rualin kal la, naktuk tangin nangmah in I kal dawn nia" atih chuan hnial lem lo in a rual chuan ka kal a.

Kan thlen chuan receptionist in ka awmna tur te min kawhhmuh nghal zung* a, Kum 10 chuang teh meuh ka pa hi a thawh tawh vangin vawi 3 vel chu ka kal ve tawh a, mahse ka kal apiang in a hmun hi a pui ka tihna ala reh thei chuang lo.

Ka department ka thlen chuan department director chuan min lo chhawn nghal vat a, a boruak chu ka rin ai deih in a zangkhai phian mai. Ka seat ka thlen chuan ka thawhpui tur niawm tak* te chuan min rawn bia a, an ngainatawm hlom em* lehnghal. Ka floor chu ka en kual a, kan company hi chhawng 10 zet ani a, keini hi chhawng 9 naah Kan awm ani, midang department ngaihtuah chuan kan tam lemlo khawp mai, en thuak chuan 20 vel kan ang, ka pa te department kha chu 36 vel ni taiin ka hria, mahse Mizoram pawn ah pawh headquarters dang pathum ngawt ala awm a, India pawnah pakhat ala awm bawk a, chutiang ngaihtuah chuan pui tak ani.

Dar 12:15 vel ah thil ei turin min rawn sawm a, an ruala kal loin an kal hnu deuh ah chuan ka chhuk ve a, company canteen a lun em vangin kan bula coffee dawr ah chuan ka kal a, ka duh te ka lam zawh chuan ka nghak a, an rawn peihfel hnu chuan phur deuhin ka va ban a, chutah ka let leh tur lam chiah chu mi pakhat nen hian kan insu deuh chawrh a, "Fuck" ring silo mahse vin tak sia tih hlak pah chuan ka en a, suit dum ha sa tha ve Tak mipakhat hian ka mitah tak min lo en ve ran a, a bula ding chuan "I tha em?" tih pahin a romol ken chuan ka hmaa ding pa chu a hru deuh thuak* a, ka coffee ka tihbuak tih ka hre chiah. Ani lah chuan khawih duhlo ni awm fahran hian a coat chu phelhin a pe a "Paih rawh" ati deuh hmuk bawk, ka lo en hu ringawt, a chet dan vel tang chuan mi hausa leh neinung tak ani tih a hriat reng mai.

"Ngaihdam min dil dawn te anih loh chuan kalsan rawh" min en ran chung chuan ati a, engmah ngaihtuah hmasa lo chuan "Tihpa.." ka ti hman zuai a, in ngaihtuah chhuak leh vatin, "Eng vangin nge ngaihdam ka dil bik ngawt ang che, min rawn su a, ka coffee pawh a buak vek hi" ka tive ngat a."Mama I tawngkam kha fimkhur rawh" a bula ding pa chuan a rawn ti a, sawi chhunzawm leh a tum lai tak chuan, a boss ni awm tak chuan "Hun khawhral hman ka nilo, car ah min rawn pe mai rawh" tiin inherin a chhuak nghal nal* a,"Zawnga mai* chu" tih pahin keipawh chuan coffee dang lain ka hna lamah ka kir leh a.

Ka kir leh chuan an lo buai nuai* niber hian ka hria, U Mafaki thil awmzia ka zawh chuan, "Kan president a hun ai hmain a rawn let a, in tihfel vat* a ngai" tiin a dawhkan vel chu a tihfai chhunzawm nghal mawlh* a. Kan director Pa Jonney chuan "President in minutes 15 ah programmer leh designing department te nen meeting neih tur ati, lo inpeih nghal vat ru" tiin a office lamah a kal nghal vat a, "President?" tia U Mafaki lam ka en chuan "Company neitu hi mole, Chairman emo CEO vel aiin President tih hi a duh zawk a, chuan kan President dinhmun chelhtu hi chu Head kan tk" alo ti ngal var a.

Kan department tangin mi 10 kan kal a, kal loh ka duh tehlul nen Pa Jonney an kal tura min tih tlat avangin thlan tur dang ka neilo. Ngawi renga kan thut lai chuan kawngka a rawn ri, midang an ding avang chuan ka ding ve a, a rawn kal pa ka hmuh zet chuan ka deuh ho hian ka lo en a, a thutna tura a thut hnu chuan keini pawh kan thu a, kan thut hnu chuan ka theihtawp in ka hmel chu hliah ka tum a, ka coffee tihbuak vang nge a coat chiah nilo in a suit pum chuan a thlak a, mahse amah ani tih ka chiang lutuk. Zinga u Duhsak an "Va che phawr* lo la, I fimkhur lo si a, iva che buai nge" atih kha ka bengah a cham nghal vang* mai.

Zan rei tak thleng ka en a, engtin nge a company neitu leh hmuchhuak tu ber ka en hmaih theih zawk?

_______________________________________

Rawn up ve leh deuh thawr mai, a lo ngaihnawm loh pawn min lo chhiarsak leh hram hram dawn nia.

Hemi book(story aiin book ka ti ta mai) hi duet ani dawn tih ka sawi lawk nghal, mahse second couple tur te chu surprise ani dawn, tuna ka sawi chhan pawh nakin ah ka peih leh loh ka hlau a, tuna in bula ka sawi chuan ziah ngei ngei kha ngai dawn ta.