Lo lang leh hlol mai lom

__________________

♡ The President Secret♡
Chapter- 17

Author pov,

Zing chaw ei lai in pu Duhawma chuan "Vawin zan pawh I haw har leh dawn a mo?" tiin a fapa naupang ber chu a zawt a, "Imm har ang, ka thianpa ka awmpui leh lawk dawn a" tiin tha deuhin alo chhang a, chutia hmai chhana a pa dawt a hrilh chu a in thiam lo ve reng mai.

A bike nalh leh changkang zet chu la chhuakin a hna lam a pan a, a phur em* mai lehnghal a, a phur chhan ber pawh ban a ngahhlelh vang ani, zan atang a ngahhlelh ber chu a hna ban hun ani.

Nathan pov,

Nileng mai chuan ka buai a, ban ah kan inhmuh leh dawn tho vangin Harry nen pawh kan inbe lo, ani pawh a buai ve tho anih ka ring, chuti nilo se chu a message a awm ang.

Thil pawh ei chhuak loin ka secretary office a ei turin ka inpek tir a, mak a tih hmel viau, mahse a awm lutuk ka  office chhung bik ah hi chuan tui ti loh chu ei leh in engmah ken luh ka remti ngai lo tlat ani, client pawimawh engang pawh awm mahse meeting room dang ah ka kalpui mai thin, mahse tun hun rei lo te atang khan a danglam, ka office chhunga ka dan siam ngei ka bawhchhia a, tun hun reilo te chhung khan ka hun kalta zawng* a ka tih ngai miah loh leh tih ka inrin ngai loh tam tak ka ti a, keiman ka nuna boundary cross loh tur ka lo siam ve zawng* kha zawimuangin ka cross mai niloin boundary tam tak ka hlip bawk.

Ka nuna dan ka lo siam leh ka awmdan tur a ka ruahman tam tak hun reilo chhung hian awlsam takin Harry hian a bawhchhia a, mahse chhete mah in ka huat phah hauh lo, kei ngei pawh hian a awmzia ka hrelo.

Kan pahnih hian mize hrang hlak kan ni, a mizia pakhat te ah mah hian ka type a awm lo, mahse chuti chung chuan ka ngaihtuah na tang hian ka lachhuak thei lo, ka nun leh ka chhungril ah hian ka chhungte takngial pawh an leng ngai lo , kum tamtak chhung ka chhungte hian ka nun ah rawn luh tumin an bei a, mahse an thei lo, keimah leh khawvel laka bang min daidan tu hi a chhah em a, tuman an la su kiang lo, mahse ani alo lang a, kum tamtak chhung ka chhungte leh ka hnaiha awm ten an lo tum tawh chu hun reilo te chhungin a ti thei, khawvel nena min daidan tu bang chah zet chu ani hian engmah lo ang maiin a tichhia a, ka chhungril a feelings ka nei ve tih pawh ka hriat loh tam tak min feel tir ani.

A bul ah chuan engkim hi a zangkhai bik em*, ka pian tirh ata hi tu bulah mah listener emo talker ka ni ngai lo a, keimah tawp hi ka tawk a midang mamawh ka nei ngai a, mahse alo lang a a thusawi ho te* a te tham ber pawh ka beng ah chuan thil hriat nuam ber an ni veka, a bulah chuan tawng nuam ka ti a engtik lai pawn ka be reng peih a, sawi tur hrelo chungin kavthiam ang* in ti* vawrh ve ka tum thin, tawng leh mi biak nuam ka ti lo  chungin.

Thil ka hriat theih tirh atang phat in ka rilru zawng* ka pekna chu ka zirlai ani thin, zir n zawh hnu ah ka company, ka hnathawh ani a, hei bak hian ka nunah hmun an chang ngai lo, a aia ngaih pawimawh zawk tih ka nei ngai hek lo, mahse tunah zana a bula hun ka hman theih nan ka thawh tur zawng* deuhthaw thil ei hman lo khawpin ka thawk a, engnge ka chungah hian thleng ka hrelo.

Ban a hun chuan ka tih tur ka zo fel hman vek tawh a, ban hun a pelh deuh tawh vangin Harry chu ka zu text a, alo chhang ve nghal vat a, 'Overtime a thawk an awm a, ka rawn la chho mai thei lo, hna kan thawk der lawk phawt ang' atih chuan ka ning nghal em* ringawt, khang hun chhung kha keimah in zing dar 2 thleng te company ah ka thawk thin a, mahse ka lung a leng ngai hauh lo, ka lung a leng thei tih hi tunah hian ka hre chiah, a hma in he office chhungah hian kim lo riau a inhriat na ka nei ngai lo, a vawi khat na ni.

Minute 15 vel a ral leh chuan ka computer screen ah Harry ka awmna floor corridor a a kal lai a rawn lang a, thawh a khawngka bula va hmuah mai ka tum chu a chezia chuan min ti tawp dat a, a tihdan ngai tein a bag akin eitur a keng bawr deuh luah a, mahse ka mit la tu tak chu a hawi kual zuk* chu ni, a hnung a sir a kil leh a bul vel hmun chu a melh kual zawk* hlom a, light a in on vek tawh loh vangin a eng chiai* chauh ani.

Ka room a rawn thlen dawn chuan ka tho vat a, mahse ka thlen hmain a rawn lut hman thung, min hmuh chuan tawng na hun min siamsak miah lo hian "Vawin ah U Mafak in kan company ah hian zan rei ah thawm an hre thin a tia" dawt, thawm hre tur pawn zan rei ah keimah bak tumah an awm ngai lo, mahse chhang lo chuan ka ngaithla a, "Mahse mo lift hmang loin keiin ka rawn chho a, thawm leh thla ka rawn zawng a, engmah ka hre in ka hmu lo re*" a chips ken chu thutna ah chuan a theh thla a, ka dawnkan lam a en a, chumi hnuah min rawn en leh a, mithmul kan ak chung hian "Hna ila ngah viau em?" tiin min zawt a, ka lu ka thin velah chuan phur zet hian min en a, ka lam ah a rawn tawlh hrut* a, ka coat hmawr rawn pawt zeuh* hian mi rawn en a, a mithmul a kan ak* bawk a, engmah a sawi lo nen a tirah chuan ka hrethiam mai lo mahse---- lawk lawk ka awih thei lo hepa hi--

Teuhlo mai, engtin nge ka duh a rin zawk re* ni, thlahrang finfiah tur chuan ka upa tawh mah* bakah nitin ka awmna hmun hi ka hrang lo tih ka chiang ve em.

"Aih ani tawp mai, min tilui duh suh, chu ai chuan i thil rawn ken te saw kan ei zawk dawn nia" ka ti nghal a, mahse a beidawng mai lo, ka coat hmawr chu a la pawt seuh* reng tho, mahse hei kher hi chu ka tihpui lovang.

Author pov,

Harry chu corridor phei ah chuan a kal den* a, a hawi leh zuk* thin bawk a, a hung ah beidawng hmel zetin Nathan chuan a zui ve zel a, eng vangin nge hetiang thil atthlak lutuk atih tih a inhrelo mahse Harry an a ngen ngawih* vangin aih tih kha a harsat tlat ani.

A hma ah Harry chuan zawn nei tih hriat takin a hawi kual dun* a, step a an chhuk lai te chuan dim te hian a pen thla zel a, Nathan chuan a hnung lam atangin a chetzia chu a en a, Harry nge amah chu mawl a hrelo, Harry chutianga a che chu nge Harry-a thlahrang a zawnpui chu.

"Zan chhiar sen loh he building ah hian keimah in hna ka thawk thin, engmah awm lo" Harry en chuan ati a, "Lo tawng suh, I office chhungah bak I awm ngai loh kha, a pawnah pawh a awm ani thei" pakhat in alo ti hlak a, "Engnge mo ka tih tak le?" ama hriat tawk tur in Nathan chu a phun sap a, a lu chu dawm vang* a, "Lo kal vat* rawh, ka hnung ah kal zel ta che, bo I hlau lo mi, alo awm tak* chuan a man daih mai tur che sin" tiin Harry chu vin deuh in a rawn phun ser* a, chu tah ngat phei chuan Nathan bei chu dawng chikim hian a dawng ngawih* tawh, mahse ngawi reng chuan a zui ve leh hna* a, hnial en ah pawh a en tawh lo, zui tawp mai chu tha ber in a hre tawh.

_______________

"Harry, director in a room ah a ko che" tiin Harry chu an rawn au lang* a, "Awle, ka lo kal nghal" tiin a au let ve leh vat a, thla 1 lai Nathan nen an inzui atangin a liam ve ta, thu duh ve* an nih vangin han inbakkaih zeuh an nei ve thin ngei mai mahse chu chuan a lo berah darkar 1 pawh a daih ngai lo thung, week days ah nitin an inhmu a, break lai in an mahni spot bik 'step' ah an theih chang apiangin thil an ei dun a, a khat tawkin office ban ah an awmdun thin bawk a, han in kiss in boruak sosang ve hman viau thin mahse a vawr tawp erawh bottom nih an duh loh ve* vangin an la thleng lo thung, mahse chu chuan an inkar a tihchhiat phah chuang hauh lo.

Pu Jonney-a office kawngka chu a kik dat* a, "Lo lut rawh" atih velah chuan a lut ve nghal a, thutna tur a kawhhmuh ah chuan a thu vat bawk a, Pu Jonney chuan hun khawhral lem lo hian "Tun Friday a party lo awm tur ah hian department director te hian staff pakhat theuh kan hruai thei a" atih chuan Harry chuan a sawi tur chu a hrethiam nghal vek, a hlim lutuk vang in ama mal chu a han sik vak a, "I product design hmasa ber hi kan tlangzarh atanga chhiar in tun ah  hian company pum ah product hralh chhuah tam ber nihna ala hauh a, kar khat em pawh kan tlangzarh atang in ala liam lo lehnghal, chu chuan company ah hlawkna nasa tak a thlen a, nangmah mai niloin kan department leh keima hmingthatna ngei pawh ani a, chuvang chuan heta kal hi chu I phu berin ka hria" ati ta chiah reng a.

"Mahse ka la junior sia" Harry chuan ati a, phurin kal chak viau mahse an department ah a naupang bera ani ai phu an awmin a hria ni, "I kal loh chuan kan department atangin keimah chiah ka kal ang" Pu Jonney chuan ati ta tlat a, chuti na na na chu tiin Harry pawh chuan a pawm a, a lawmzia chu a hmel ah pawh chuan a lang thei.

A chhuah velah chuan tudang niloin Nathan chu text in ava hrilh hmasa bera a phu reng nge phu reng lo tih te chu a zawt bawk a, mahse chhanna a dawn hma chuan a phone chu dah leh rihin a thutna lam ah pheiin Mafaki chu hrilh turin a kal vat a, ava hrilh chiah chu Mafaki chu ani Harry ai mah chuan a phur emo tih mai tur khawp ani, a in dress dan tur te chu Pinterest ah a han en sak nghal vat* a.

He party hi a pawimawh em vang pakhat ani a, India mai nilo Asia ram puma network company lar leh hmingthang tak* te kal khawmna runpui an ni a, tun hi a vawikhat nana Mizoram a neih ani nghe*, an company in top a hauh ve miau atin ni.

Harry an Nathan party a kal dawn thu vel a hrilh chuan Nathan chuan alo lawmpui khawp mai phone atanga a hrilh miau vangin han inlawmpui vak ngaihna awm lo thung.

An inbiak hnu rei vak lo ah chuan Harry te department secretary pakhat chuan Harry bulah chuan "President in biak che a duh a, I han chho vat dawn nia" a rawn ti a, minute khat pawh nghak lo hian Harry chu tho nghal vat a, hnathawk dangvte chuan Harry product vel ah Nathan in a ve duh ang ah an lo ring thiam ve nghal mai a, pangai ve reng ah an ngai.

Nathan secretary ala awm miau vangin Harry chuan a mawiah kawngka chu a kik a, "Imm" tih ri a hriat chuan a lut vat a, kawngka a pel chiah chu a nui lut nghal var* mai, Nathan chu dawhkan hma ah lo dingin a ban pahnih chu Harry lam ah chuan a phar a, rang zetin Harry pawh chuan ava kuah vat a, "Ka lawmpui lutuk che" ati sap a, a rilru chhungril ber atanga sawi ani bawk.

Nathan hian a bialpa anih vang chauh niloin a hnathawh vangin Harry hi a chhuang takzet, ala naupang ngaihtuah in Harry an khatiang ngaihtuah na a nei thei kha mak ati tawp thei lo,  product an tlangzarh atang in kar khat pawh ala ni em loa, top product list ah a chuang nghal thei a, Nathan chuan a thinlung zawng' in a lawmpui ani.

"Party vang chauh lo pawn, top list a product a awm vang pawn pangai deuhin min la lawmpui lo ania" Harry chuan lungawi lo fe hian ati a, nia kar tluan in an buai em a, lawm na hun pawh an la nei lo, Harry te department chuan an lawm tawh ngei a, mahse Harry lak atangin pangai taka in lawmpuina a phut ve tlat.

"Sawi rawh i duh* ka lei ang che" Nathan in atih chuan alo ner nang a, "Pawisa in a lei theih aia tam ka phut" ati a, Nathan chuan Harry en chung hian a mit a kan zeuh a, "Ka lo top ang a, plzz vawikhat chiah nimai" Harry an atih chuan Nathan hmai chu a dur nghal khup a, Harry chu a chawi kang lawp a, a office sofa ban ah chuan a nghat a, Harry beng zawn ah chuan a zuk kun hniam a "I duh engkim sawi rawh, I ta ani nghal ang" Harry mawng chu zuk vuanin a lam ah a hui hnai a, zawi sap hian a beng bulah chuan "Mahse chu kher chu ka pek theihloh che thil tlem te zinga tel ani" ati a, Harry mawng chu a vuan nghet sauh a.

"Mi-- Mi an lo kal nga sin-- mola" ti bah nawk* hian Harry chuan Nathan chu a nem san a, sofa ban atang chuan a tho vat a, Nathan pawh chu a en tha ngam tawh lo, hawi kual rulh* in a nghawng te chu a han khawih a, khaw lum miah silo chuan lum hi ati em* bawk a, a beng sen vek a hmuh chuan Nathan chu a khi suk a.

_______________________________________

Guys ka chau thlot😔
Kar hmasa leh tun kar tluan chu ka chhungte dawrah ka pui a 7am-6pm ani sia, ka rawn up hman thlot lo ni.
Phone ka la nei bawk silo hi lei nan inkhawl ve ka duh sia, nau te phone tawm reng mai zawng aninawm ve deuh, karleh pawn hi ka la kal tluan ka ring a, ka regular loh deuh pawn min lo hrethiam ru aw, a tawi deuh pawn.

Book te hi ka zuar a, min lo dawr ve teu, min support na tha ber ani

Ig: booknetic__shelf

Lo order chur* teu