مريم : ياخي هايل نعم؟ وين م نروح لاحقينا
سلامه : ياخي لاعت كبدي خل نروح
مريم : يلا قومي
,
,
راشد : يا محاسن الصدف والله يا سلامه
سلامه : اقولك خوز عن ويهي تاخرت
راشد : ياخي خلج بشوشه شو جي دوم منفسه
نهيان : طالعه على بعض الناس الطيور على اشكالها تقع
مريم : طع منو يرمس عن الأسلوب شكلك نسيت تطلب ويا الطلب أسلوب
نهيان : انا قلت انتي؟
مريم : خوز لاه مب فاضيه لك
نهيان : فجتنا فج مب فاضيه لك ومب فاضيه لك تحسسني عندها اشغال الدنيا
مريم : ان شاءالله أكون مشغوله بس م انشغل ف ويهك
نهيان : الله والشغل عاد ماعندج ما عند يدتي
مريم : الله يحفظها شكلها مبتشله فيك
نهيان : لا تسولفين
مريم : اذلف م اسولف من ثمك
راشد : انتو بس تتواقعون شو ؟
نهيان : ع أساس سلامه تتغزل فيك تراهن نفس الطينه
سلامه : شرايك تحترم نفسك؟
نهيان : يلا يلا ما بنشغل فيكم بروح انا بتي انت؟
راشد : متى بشوفج سلامه
سلامه : ياخي انت شو تبا مني؟ خلاص فج عني
مريم : يلا مشينا تاخرنا عن الدكتور
,,,
راشد : ياخي اول مره اشوف وحده راسها جي يابس مستغرب
نهيان : ما فهمت وضح اكثر
راشد : ياخي انت تعرف اني ايب راس البنت من ثاني يوم واضيفها سناب بس هاي ياخي راسها طابوقه
نهيان : طالعه على خويتها تراهن نفس الشي
راشد : ياخي دشت مخي الا ايب راسها
نهيان : اقولك ودر عنك اخر انت الي بتحبها وبتتوهق
راشد : ياخي ويين كلها كم كلمه حلوه وبيب راسها وبعدين بقلعها
نهيان : ياخي من متى جي وصخ انت؟
راشد : يلا عاد ياخي ادري انه مريم دشت مخك ترا
نهيان : والله ولا دريت عن هواء دارها هي واسلوبها الخايس
راشد : مدام جي بنتراهن على موترك اذا يبت راسها تعطيني إياه اذا م يبته اعطيك قيمته
نهيان : هههاييي بس تم
راشد : يلا مشينا تاخرنا على دكتور
,,,
دخلوا القاعه ..
نهيان : يلا خذ حتى نفس القاعه
,,
مريم : يا راسي شو يابهم
سلامه : ياختي لوعه وربي
مريم : ركزي الدكتور بيحضر
الدكتور : مريم الظاهري
مريم : نعم
الدكتور : نهيان القبيسي
نهيان : نعم
الدكتور : راشد القبيسي
راشد : نعم
الدكتور : سلامه المزورعي
سلامه : نعم دكتور
الخ,,,
نهيان : طلعت ظاهريه هههههه
راشد : طلعت تحب اللومي هاايي
الدكتور : راشد نهيان هدوء
مريم : حتى الدكتور مبتلش
سلامه : شش سكتي خل نركز
خلصت اول محاضرتين وطلعو بريك
فلاش باك :
ميثه : ياخي شما احبه احبه وربي احس ما اروم أبا أقوله
شما : قولي له امبيه شو تترين أصلا هذاك اليوم شفته هو وراشد واقفين يرمسون بنتين اعتقد ويانا ف السنه الأولى
ميثه : ياخي شو منو هاذيلا بعد شهل كريهات
شما : تدرين كيف البنات حوله انتي بنت عمه واولى به روحي قولي له
ميثه : شكله جي بدق له وبقوله يقابلني بهذاك المكان
شما : روحي فيه قبل لا يشلنه عنج
ميثه : يخسن ههايي
شما : يلا دقي
ميثه : يلا زين
,,,
ميثه : الو هلا نهيان شحالك
نهيان : اهلين ميثه بخير وانتي
ميثه : بخير طيبه اسمع بقولك شي
نهيان : قولي اسمعج
ميثه : مب هني أبا اشوفك ف مكان
نهيان : تمام وين
ميثه : حديقة الجامعة
نهيان : زين يلا ياينج
ميثه : اترياك
,,,,
راشد : هاي ميثاني شو تبا منك
نهيان : مادري عنها بروح اشوف شو تبا اسبقني انت بخلص منها وبييك
راشد : يلا زين
,,,,
نهيان : هلا ميثه شو بغيتي
ميثه : شفيك مستعيل اييلس انزين
نهيان : ترا عنديه محاضره
ميثه : انزين أبا اقولك بس أتمنى يعني م تفهمني غلط لو سمحت يعني
نهيان : تفضلي اسمعج
ميثه : نهيان تعرف انا من زمان نحن ويا بعض من الطفوله وجي
نهيان : هي نعم اعرف
فلاش باك عن مريم :
مريم : اقولك خوز من يدامي بروح
نايف : اصبري انزين بس ابي رقمج شفيج جي
مريم : ي خوي م تستحي ع ويهك شو ؟ شو تتحراني خوز خلني اطوف
نايف : اونج عنيده جي يعني؟ م بخوز لين م تعطيني
مريم : قسم بالله لو م خزت لا اصارخ وافضحك
نايف : صرخي اعرف كيف اسكتج
مريم : ياخي انقلع عني صدق انك مش متربي
نايف : يالس ارمسج بحترام لا تغلطين
مريم : كل ها تسميه احترام؟
,,,
نهيان سمع صوت مريم وهي تهاوش نايف قريب منهم .

ميثه : يعني انا نهيان وايد..
قاطع كلامها..
نهيان : لحظه ميثه صخي شوي تسمعين الي اسمعه؟
ميثه : ما اسمع شي شفيك قاطعتني
نهيان : هذا صوت مريم
ميثه : منو هاي مريم ؟؟
نهيان : اسمحي لي ميثه لازم اروح
وهو يركض,,
ميثه : نهيان نهيان شفيك تعال
نهيان : اسمحي لي (بصوت عالي)
،،،،
نايف : يعني م بتعطيني صح ؟
مريم : قلت لك خوز عني
نايف مسك ايدها ,,
مريم : هد ايدي ياللي متستحي هدنيي
نايف : تعالي تعالي وياي
ركض نهيان على نايف ورفسه عل ارض
نهيان : انت شو من بشر؟ تربية خدم الأخ؟
نايف : انت منو؟ شو يخصك أصلا؟؟
نهيان : عيال الكلب كثرانين هالايام اشوف
نايف : تسب منو انت؟
نهيان : في ولد كلب غيرك هنيه؟
نايف : انا اعرف كيف اربيك
قام نايف يضرب نهيان ونهيان يرد له الضربه لين م دخلت مريم بينهم تبا تفرقهم ورفسها نايف عل ارض ,,
مريم : اخخ بطني شفيك انت معتوه؟؟
نهيان : مريم انتي بخير؟؟
راشد : شو صايرر هني شسالفه شفيك نهيان
نهيان : ازقر سلامه بسرعه مريم راسها ينزف,, مريم مريم تسمعيني
اغمى ع مريم من الطيحه القويه ,,
راشد : سلامه الحقي مريم اغمى عليها سريع تعالي
سلامه : خير؟؟,,, وينها مريم وينهاا
راشد : تعالي سريع
سلامه : يايه
شلو مريم وودوها المستشفى وفحصوها طلع شق بسيط ف راسها..
مريم : اخخ راسي م اشوف يدامي انا وين
سلامه : يا روحي انتي شو صار فيج منو سوا بج جي
مريم : ياختي سالفه طويله المهم وين نهيان هو بخير؟
سلامه : شو تبين به هي بخير هو الي يابج هني
مريم : اشكريه عني تكفين م قصر الريال
سلامه : شو صاير في شو ما قصر
مريم : ساعدني لما الي ف دفعتنا نايف كان يبا رقمي ولمسني الحيوان
سلامه : يعل ايده الكسر يا ربي,,, صبري بزقره,,,, نهيان نهيان مريم تبا تكلمك
نهيان : يلا ياينها
مريم : هلا نهيان شحالك عساك طيب
نهيان : بخير انا انتي كيف راسج
مريم : مشكور نهيان ما تقصر صدق معرف كيف اشكرك
نهيان : طلعتي تعرفين تشكرين احيدج دوم تواقعين
مريم : يلا عاد خل عنك
نهيان : العفو م سوينا شي
مريم : مشكور م تقصر
فلاش باك عند ميثه :
ميثه : ياخي هاي من وين طلعت لنا الي اسمها مريم قسم بالله تقهر
شما : ياخي مادري ما بلعتها هي وخويتها سلامه مدري سلمى
ميثه : يعني تخيلي سحب عليه ما كملت كلامي وراح يساعدها مادري شفيها
شما : عادي يا عيني ان شاءالله غير يوم احسن تنفردون ويا بعض وما تخرب عليكم هاي
ميثه : ان شاءالله
عند راشد ونهيان :
راشد : اقولك انا احيدك م ادانيها والحين اونك فزعت لها شو تبا بالبنت انت وفوقها تضاربت عشانها
نهيان : يا ريال لو انت بدالي جان سويت جي الهرم كان يتحرش ف بنت الناس قدامك
راشد : بعد صح بس يعني قلت انك ما تدانيها يعني يا في بالي مستحيل تساعدها
نهيان : قلنا اني خايس بس مب لهل درجه عاد
راشد : عاد انا م قلت انك خايس
نهيان : أقول لا تكثر كلام مشينا المحاضره بنتاخر
,,,
مريم : ياختي راسي يعورني تحسين بروم اركز فالمحاضره
سلامه : وابوي عليج الحين بتييلس تفلم علينا مشينا مشينا هالمحاضره مهمه ههههه
مريم : ويا هالراس المربع امشي امشي اونه تفلم
سلامه : احبج
مريم : غصبن عنج حبيبتي
,,,
الدكتور : كالعاده نهيان و راشد متاخرين شو عندكم
نهيان : دكتور تبا يوفي
الدكتور: اقعد اقعد مكانك
راشد : اسفين دكتور كنا ناخذ كوفي ورادين بس زحمه
الدكتور : ماشي مشكله اقعدوا
نهيان : فاضي تييلس تبرر له برايه يابوي
راشد : شو عنده الي ما يخاف
نهيان : اوص
,,,,