— سلامه ؟
— راشد؟؟
— انته شو تسوي هني؟؟
— اعتقد المفروض انا اسالج هالسؤال؟ شو تسوين هني وليش مع هالشخص !
التفت نايف على راشد بحده وقال :
— هي هي وش الي مع ذا الشخص اقول احترم نفسك بس !!
— محد عق لك عظم وقالك ارمس صح؟
— راشد !! شفيك على الريال شو الي يالس تقوله!!
شد راشد سلامه من الكرسي بكل قوة وضغط على ايدها :
— هدني!! شو فيكك شو هالخبال يدام الناس هدنييي
— اترك البنت ولا بنادي الامن لك يالهمجي
— والله لو ما سكت يا انت اني لا امسكك واحك ويهك ف ارض المحل
— وبكل عين وقحه يهدد؟؟ من بصفتك انت عشان تجي تقلط معانا؟
— مالك شغل التفت لشغلك احسن لك !
— راشد هد ايدي خل نتفاهم مع الحلق هدنييي شفييككك!!!
— لمي ثمج انتي
— منو انت عششان تسكتني ها؟؟؟
سمع نهيان صراخهم الي شال الدنيا دخل المحل بسرعه يشوف شو الي صاير وتفاجئ من موقف راشد :
— راشد !! شفيكك ليش ماسك البنت يدام الناس شو الناس اطالعكم شو فيك؟؟
— نهيان الله يخليك لا تدخل
— شو الي لا تدخل ارجع لعقلك تبا تفضحنا يدام الناس؟؟؟
سحب نهيان راشد بكل قوه عشان يوخر عن سلامه وقال :
— راشد اعقل ارجع حق عقلك شفيك؟؟
— ما تشوف الي اشوفه؟؟؟ يالسه معا وتتقهوى وتضحك وانا لا جيتها نفست !!
— نفست؟؟ اسال نفسك انا ليش انفس اذا شفتك لعل وعسى تلقى اجابه
— اسكتي سلامه مابي يطلع مني كلام يزعلج فاهمه!!!
— امش امش راشد الله يخليك لا تفضحنا يدام الناس الناس هني كلهم يعرفونا تكفى يا ولد العم في وجهي شيبانك تكفى !!
طلعو راشد ونهيان من المحل وطغى سلطان الحزن على قلب راشد من بعد ما كانت الارض ما تشله من كثر الفرحه كيف بيتخطى؟ كيف يقدر ينسى الي شافه؟؟
— شفت؟؟قلت لك انها ما تباني ولا تطيقعني يا نهيان ما تباني البنت
— راشد انت شفت تصرفاتك؟ شفت كيف مسكتها ورصيت على ايدها يدام الخلق فضحت البنت انت !! لو حتى كانت تحبك صدقني بعد هاليوم بتكرهك ولا بطالع ويهك حتى !
— نهيان تكفى لا تزيدين الي فيني يكفيني تكفى
— الي تشوفه يا راشد بس الله يخليك لا تتهور وتفضحنا خلك عاقل ورزين تصرف بعقلانيه يا اخوي
رجعو نهيان وراشد للبيت ودخل راشد غرفته وكان يدور سريره عشان بس يقدر يخفف عن نفسه بالنوم
— ليش؟ ليش يا سلامه؟؟ شو ناقصني انا؟ شو الي تشوفينه بالثانيين ما تشوفينه فيني ؟؟ اهه يا سلامه ليتني اعرف لج بس

عند نهيان ومريم

— الو ؟ مريم؟
— هي مريم عسى ما شر ش صاير داق هالوقت؟
— ماشي بس قالت لج سلامه؟
— هي نهيان قالت لي ش صار وانا صراحه مصدومه من راشد ما توقعت توصل به المواصيل جي يسوي فيها!!
— ترا يحبها
— ادري انه يحبها بس اي حب هذا؟ وين الحب ما اشوفه!! اصلا شو مفهمومه للحب هذا؟
— اقولج داق لج اطمن على الوضع مب داق عشان اطولين لسانج وتذمين اربيعي !! ما شاش راس راشد الا لانه صدق يحبها وتضايق لما شافها يالسه مع نايف!! اي حد يحب بيسوي مثله
— وانت؟ اذا حبيت بتسوي مثله يعني؟ الواحد يفكر بعقلانيه شوي مو يتصرف من راسه ويودينا بستين داهيه فكر شوي!!!
— تدرين شو؟ الشرهه مب عليج يلا بسكر
— اذلف انا اقول
— !! هاي شوو قسم بالله اسلوبها هالزق مستحيل يتغير كريهه
— غبي

اليوم الثاني توجهو كلهم للجامعه وما كان راشد يعرف كيف بيواجهه سلامه بعد الي سوا حس بغلطه وبنفس الوقت محترق من الي شافه تشوش تفكير وقلب راشد ما قدر يفكر بأتفهه الاشياء الي كان يشوفها مصدر تسليه له !
— مادري كيف بواجها
— ع اساس انها بترمسك يعني؟ هذا ويهي لو ما لبستك
— انت شفيك ها؟؟
— ماشي قاعد اقول الصدق
— انا اعور راسي وياك ليش امش امش

**
— حرفيا يا رب ما اشوفه يا مريم لانه وربي لو شفته ما بمسك نفسي
— اقول نهدا شوي انسي السالفه وانتي تدرين انه يحبج وانتي بعد بكامل درايتج انه سوا هالشي لانه غار ف خلي عنج الدراما ولا تكونين جبانه وواجهيه
— لو انتي مكاني بتحسين
— هي بحس اكيد وبسوي نفس الي قلته كبري عقلج مب ياهل انتي
شافها نايف من بعيد وحب يعدل موقفه معاها قرب منها وقال :
— سلام عليكم
— وعليكم السلام نايف
— سلامه انا اء اء
— ادري خلاص مب لازم تقول الامور طيبه
— اتمنى ما تتاخذين مني موقف يا سلامه تكفين مو قصدي اني احرجك او ....
— نايف !! خلاص
— طيب المعذره منك استاذنك
— ربي يحفظك
— شفيج على الولد؟ ترا ياي يعتذر
— خلاص مريم انا كارهه نفسي وربي مابا اشوف حد
— الله يهديج يا سلامه على الي تسوينه ف عمرج
خلصو سلامه ومريم محاضراتهم باوقات مختلفه عن بعض لكن:
— يا ويلي مريم!! نسيت غرض ف القاعه تكفين انتظري بروح ايبه واييج زين!
— ياخي انا بروح السكن تعبانه وربي
— خلاص زين روحي بحلقج
**
— اقولك بروح ايب الاغراض من القاعه وبيي
— زين يلا بينا عيل
— شو بينا بتروح شو؟
— هي يا ريال تعبان برد ارقد
— زين يلا بينا
دخلو راشد وسلامه ف نفس الوقت لنفس القاعه :
— صمت ..
— صمت..
— س س سلامه
— نعم راشد
— انا شسمه اناا اء
وفجاء!! سمعو صوت الباب يتسكر بقفل !
— الباب!!
— الباب!!
— ر راشدد حاول تفتحه تكفى
— قاعد احاوللل حووو نحن هنيييي يا هيييي انت افتح الباب !!!
تلاقت عيونهم ويا بعض وعليها علامات الرعب والف علامه استفهام!!
يتبع ...