سلام عليكم اسمي مريم تبون اخبركم شي عني؟ خلوني أقول اني عشت طفولة شوي قاسية من طرف الاهل والأصدقاء وبعد ما توفى ابوي اعتقد انه اكتملت كأبتي م بقول انه امي م تهتم فيني لكن أحيانا احس انه عاله عليها من كثر م انه اغلب الوقت تكون م تسوي لي سالفة خلوني أقول لكم عن صديقتي سلامه وهاذي الي احمد ربي عليها مليون مره من طيبة قلب لطيب اصل واخلاق وأسلوب سلامه صديقتي من الطفولة تقريبا عاشت الي عشته او بالعربي شافت الي عشته و دوم تحاول تسعدني بشتى الطرق وانا كذلك م اعتقد اني قصرت ف حقها الله يحفظها لي من كل شر انا توني خلصت ثانوي وان شاءالله باقي لي شهر انا وسلامه ونروح نفس الجامعة تستقر حياتنا ف سكن الجامعة وعل وعسى اوفر لي مصروف وشغل يعزني عن مذلة امي لي .
سلامه : الو مريم وينج تأخرتي تراج اخلصي علينا بنتأخر
مريم : يا بنت اصبري شوي قاعده اجهز الشنطة ما فيج صبر
سلامه : ننن خلصي خلصي بس
مريم : انطمي أقول روحي السياره بييج
سلامه : م تستاهل تودعينها ترا
مريم : سلامه عاد مو لهل درجة
سلامه : ها الصدق يلا بترياج
مريم : يلا
مريم : امي نحن بنحرك الحين
ام مريم : اوك تفضلي
مريم : انتبهي على نفسج امي
ام مريم : لا تكثرين كلام مع السلامه
مريم (والدمعه بعينها) : الله يسلمج ودعتج الله
سلامه : شو فيج ؟
مريم : مافيني شي
سلامه : قلت لج انها ما تستاهل
مريم : خلاص سلامه برايها اهم شي الي عليه وتخطاني العيب
سلامه : يا روح سلامه انتي
وتوكلن سلامه ومريم ف طريقهن لسكن الجامعة .
مريم : اقولج سلو خلنا نمر الواحه يا ختي ميته يوع
سلامه : يلا قربنا حبيبي بننزل ناكل ونتوكل
مريم : على حسابي من الحين اقولج
سلامه : جب جب عن البربره على حسابي انا
مريم : مدام جي النص بالنص
سلامه : نظامج ههههههههههههههههههه
مريم : ههههههههههههههههههههههههههههه
نزلت مريم الواحه تشتري اكل وراحت سلامه تصلي الضحى .
مريم : ثنين وافل لو سمحت واثنين نورمال كوفي
راعي المطعم : تمام شويات يكون الطلب جاهز
عند نهيان :
نهيان : ياخي اقلك ما قربنا بموت يوع يا ريال
راشد : الحين سؤال انت لما تاكل وين يروح الاكل اهبل شو تونا ماكلين
نهيان : اقلك لا يكون باكل ع حسابك معرف منو ياكلك على حسابه يالهرم
راشد : انزين لا تصيح علينا قربنا من الواحه
نهيان : أقول سوق وانت ساكت
راشد : انزين اسمع ياخي بقولك شي ياخي جفت وحده امس وانا رايح القريه ياخي شق وربي
نهيان : سير لاه فاضي حق سوالفك انا شو بروحي يوعان
راشد : انزل انزل وصلنا ويا هالراس
نهيان : بروح اطلب ترياني
راشد : أصلا بنزل اصلي يلا روح
نهيان : انزين شو تبا اصبر
راشد : عادي أي شي
نهيان : يلا زين
دخل نهيان الكوفي يطلب .
نهيان : سلام عليكم اخوي شحالك
راعي الكوفي : وعليكم السلام امر اخوي
نهيان : اثنين وايت ايس موكا واثنين وافل لا هنت
كانت مريم حاطه راسها ع طاوله من التعب وحاطه سماعه .
راعي الكوفي : تامر شويات وبجهز
نهيان : مشكور كم حسابك
وحاسب نهيان ولف يبا يروح الا ينتبه ع مريم وهي على الطاولة .
نهيان : خلصت الإمكان تنام هني هاي
راح نهيان يستلم الطلب وشل الاكياس يبا يطلع وفجاء تقوم مريم ف ويهه وتنكب القهوه عليها
مريم : ياخي م تشوف يدامك عفست ثيابي اوف منك
نهيان : انا م اشوف ولا انتي الي م تدرين وين الله حاطنج؟
مريم : خلاص روح مب فاضيه لك
نهيان : سموحه منج
مريم : ع أساس السموحه تنشف ثيابي
نهيان : حوو رمسي عدل مب اصغر عيالج انا احمدي ربج اعتذرت
مريم : من قال اني ابي اعتذارك ؟
نهيان : الشره مب عليج على الي يعتذر لج زولي انا أقول
مريم : اوك يلا توكل
راشد : ايي شو هالحشره شفيك محتشر انت
نهيان : ياخي هاي صبيت عليها القهوه بالغلط واعتذرت ومصره على اسلوبها الخايس
مريم : واضح منو أسلوبه خايس
يت سلامه .
سلامه : شفيج مرامي شو صاير هني
مريم : ماشي حبيبي خل اشل الطلب بنروح
نهيان : أقول اشتري حق خويتج أسلوب
سلامه : اقولك احترم نفسك عسب لا امصخرك يدام الناس
نهيان : مشاءالله نفس الأسلوب سبحان الله
راشد : نهيان صل ع نبي وخل نروح
مريم : سلامي مشينا عيني مافيني على مشاكل
سلامه : برايهم بحاسب وبييج
راشد : ياخي شفيك جي تصارخ فضحتنا تراك
نهيان : ياخي شفت اسلوبهن
راشد : تراك صاب الكوفي عليها تتوقع ترمسك بأسلوب حلو؟
نهيان : مشينا ياخي انسدت نفسي
راشد : يلا أصلا تاخرنا على الجامعه
مشوا كلهم في نص الطريق ولنفس الجامعة ووصلو وبدوا ينزلون الأغراض
مريم : سلامي تعالي نزلي الأغراض وياي
سلامه : يلا زين بروح انزلهم وانتي رتبي داخل
(عند راشد ونهيان)
نهيان : ياخي اقولك ابوي حجز لنا جناح يسار الجامعة بس ضيعته
راشد : هي قالي عمي اصبر بدقله
نهيان : تمام
نهيان وهو يطالع الناس والطلاب ينزلون الأغراض انتبه على مريم واقفه بروحها...يتبع