خلوني أكون صريح وياكم انا الي هو نهيان القبيسي انا مستحيل اتزوج وحده مثل مريوم يعني اعتقد في فكره زرعوها ف راسي اهلي الي هي انت بتتزوج من مستوانا عشان كذي قضيت عمري كله بس اغازل واواعد بدون أي ذرة حب انصدمتو؟ انه في جزء من شخصيتي لعوب  مافي أي سبب يخليني اصير كذا يعني انا عشت حياتي مدلل امي وابوي والي ابي يجيني بس كان فيني شي واحد اني م اثق بالبنات يعني اثق ببليس ولا اثق بالبنات أمممم يعني هالشي مو لازم يعني اقص عالبنات بالعكس أكون صريح ويا البنت من البدايه اني م احبها وانها صديقتي لا اكثر لكن كل البنات الي مرو علي نفس الشي كلهم طمع بالفلوس والمواتر وخلنا نقول لاني جميل بعد عشان جي من زمان م قمت اثق بالبنات ما اكذب عليكم انا ما مريت بقصه حب بس كنت اشوف ربعي كيف يتضايقون وتضيق صدروهم ومره قالي واحد من ربعي مو ناوي تحب ولا بس ناوي اتم من بنت لبنت؟ قلت لا لا يا رجال م اثق بالبنات صدمني بجمله هزت كياني في هذيج اللحظه والي هي ( بيجي يوم بتطيح وحده ف قلبك وبتحزن وايد) طنشت الجمله م اعرتها اهتمام وايد وانا الحين اضطريت اسوي هالشي والي هي خطه الخطيبة المزيفه مع البنت الي لطالما كرهتها من اول لقاء لنا والعكس صحيح حتى اهيه كرهتني لكن ليش وشو الي خلاني اختارها من بد البنات الي عندي ؟ لحد يسالني

**

نهيان : امشي اركبي

مريم : شو اركبي وين بنروح بعد؟

نهيان : اركبي قلت انا هني الامر الناهي

مريم : رمسني عدل احسن لك !!

نهيان : اركبي أقول

ركبت مريم الموتر ..

نهيان : بنروح المول

مريم : انا فاضية لك شو ؟ الحين وقت طلعات الوقت متأخر أبا ارد البيت

نهيان : انا شو قلت؟ انا هني الامر الناهي !!

مريم : الامر الناهي على عمرك رجعني البيت

نهيان : بنروح نشتري ملابس حق باجر

مريم : ليش شو فيه باجر؟ خير ان شاءالله؟

نهيان : باجر بوديج تقابلين اهلي

مريم : اللهم صبرج يا روحي كيف بتحمل هالكذب كله حق شهرين ... انزين انا احب البس مخور ماحب شي غيره

نهيان : سامحينا مجبوره تلبسين درسات هالمره لانه اهلي عصريين بزياده

مريم : ايي زين خير ان شاءالله

ومن محل لمحل هي ونهيان لين م وصلول اخر محل ..

مريم : تراني هلكت قسم بالله ما يعيبك شي ؟؟ بعدين الأسعار نار هني شو تبا بهم

نهيان : بتدفعين من جيبج؟ لا صح ؟ خلاص البسي انتي ساكته

العامله : استاز نهيان عندنا هذا الفستان امس وصلنا من كلوكشن فرنسي عاوزه تجربه المدام؟

مريم : لا لا شكرا ماب....

نهيان : هي هي تبا عطيها

دخلت مريم تجرب الفستان الي كلمه روعه شوي عليه وطلعت من غرفه التبديل..

مريم : ها ؟ اوكيه ؟ ولالا

نهيان ( وهو قاعد يتاملها)؟....

مريم : الوو ارمسك انا اوكيه ولالا

نهيان : اء ايي لا ايءء حلوه وايد

مريم : ها ؟ ارمس عدل م فهمت

نهيان : هي هي حلو بنشله

العامله : حاضر الحين اجهزه

مريم ( شهقت من السعر) 6 الف درهم ؟؟؟ حقق شوو؟؟

نهيان : اقصري حسج بس روحي السياره

مريم : على سلح بس بنرجعه بعدين

نهيان : ع كيف منو؟

مريم :ع كيفي

نهيان : مدامج خطيبتي الحين انسي حياة الفقر وما يخصج بشي

مريم : حياة الفقر؟

نهيان : أي كم الحساب قلت لي؟

العامله : 6 الف درهم حضرتك

نهيان : أي تفضلي

طلعو نهيان ومريم وكانت مريم ميته من اليوع بس ساكته وفجاء معدتها طلعت صوت

نهيان : ههههههههههههههههههه انزين قولي انج يوعانه

مريم : تعال بروح اكل بموت يوع

نهيان : يلا تعالي تعالي يا خطيبتي

مريم : تخسي

نهيان : ههههههههههههههههههههههههههههه

يلسو مريم ونهيان ياكلون لين م شبعو

مريم : حمدالله اف كنت بموت يوعع

نهيان : عافيه

مريم : يعافيك

نهيان : مب حقج انزين أقول حق المزه الي وراج

مريم لفت وراها : بسالك انت ياي هني تغازل ولا تاكل؟

نهيان : المغازل يعني كيف اقولج يعني هو مفيد للصحة عرفتي ؟ يعني مثلا شرات اليوغا مفيده للصحة فهمتي كيف؟

مريم : ها؟ مفيد للصحة ؟ اها جي جوك

نهيان : هي يعني اذا انا مقدر اغازل البنات الي مثلج عشان جي ادبر عمري وياها

مريم : ش قصدك البنات امثالي

نهيان ( وهو يقرب من ويهها) : البنات الي مثلج ما انخلقن للمغازلة... البنات الي مثلج انخلقن للحب ..

مريم : ......( ساكته وتطالعه)

نهيان : وانا الحب يضر صحتي فهمتي كيف ؟

مريم : ها ؟ اء هي اء يلا نقوم تأخر الوقت

**

مشت مريم وهي ريلها مو قادره تشلها لانه تغطى عليها سلطان التوتر وقضى على جميع حواسها من كلام نهيان الي كان يخترق قلبها وكانه يبا يدخل لكن مريم تمنعه ما تبا يدخل ولا حتى يمسها لانه تعرف اضراره ونهاياته تمالكت نفسها وقالت ..

مريم ( ف داخلها) : ارجعي لوعيج مريم هالانسان زير بنات واكيد قال هالكلام حق مليون وحده غيرج

نهيان ( ف داخله ) : هي والله يا مريم انتي م انخلقتي للمغازل انما للحب لكن بعيد عني الحب ولا حتى يقرب لي

عم الهدوء بالسيارة ووصلو بيت مريم ..

مريم : يلا مع السلامه

نهيان : مريم

مريم : ها

نهيان : انتبهي لج

مريم ( ها؟) : هي اوكيه ان شاءالله

يتبعع...