၁၉၈၉ခုနှစ် ၊ ဒီဇင်ဘာလ

ဘုန်းမြတ်ထည်

မနက်သုံးနာရီခန့်ဟု ထင်၏။ သို့ပေမယ့် အိမ်တစ်အိမ်လုံး မီးထိန်ထိန်လင်းနေပြီဖြစ်သည်။ အိမ်နောက်ဘေးက ကွက်လက်ထဲတွင် အသက်၄၀ကျော်၅၀ဦးလေးကြီးတွေ ၁၀ယောက်၁၅ယောက်လောက်ရှိမည်ထင်၏။ ဒန်အိုးအကြီးကြီးတွေ ပေါင်းအိုးကြီးတွေနဲ့ အလုပ်ရှုပ်နေကြတဲ့ စားဖိုမှူးကြီးတွေဖြစ်သည်။ ဟိုဘက် အခန်းထဲမှာတော့ ကျွန်တော့မဟေသီဟာ အလှပြင်သမားနဲ့ မိတ်ကပ် လိမ်းခြယ်နေလောက်ပြီ။

ကျွန်တော် အိမ်နောက်ဘက်သို့ ကော်ဖီထုတ်အကြီးတစ်ထုတ်ကိုယူကာ ထွက်လာခဲ့သည်။ ငါးနှပ်နံ့နှင့် ဝက်သားနံ့က မနက်ခင်းလာသူတွေကို သွားရည်ကျစေမှာ အသေအချာပင်။

"ဦးရီးတို့ ကော်ဖီသောက်ကြအုံးဗျ"

"ဟ သတို့သားက သတို့သမီးအလှပြင်နေတာကို သွားငေးရမှာလေ"

ခေါင်းမွေးဖြူချင်နေတဲ့ ဦးရီးရွှေက ကျွန်တော့်ကို လှမ်း၍စသည်။ ထင်းမီးရောင်အောက်မှာ သူ့မျက်နှာက ကျွန်တော့အတွက် ဂုဏ်ယူပေးနေတာ သိသာလှ၏။

"နောက်များကျရင် ကျွန်တော်က တစ်သတ်လုံးကြည့်ရမှာဗျ။ အခုက ဦးရီးရွှေတို့အတွက် ကော်ဖီလာပေးတာ"

"သွား သွား။ မင်းလည်း ပြင်ဆင်လိုက်အုံး။ မင်္ဂလာဆွမ်းကပ်ရမယ့် အချိန်က နီးပြီမလား"

"ဟုတ်ကဲ့ဗျာ။ ဒီနယ်မှာ ကျွန်တော့်မင်္ဂလာဆောင် ထမင်း၊ဟင်းက အကောင်းဆုံးဖြစ်နေမှာ ယုံတယ်ဗျ"

"စိတ်ချ‌ မောင်ရေ။ ဂတိပေးတယ်"

ဦးတိုးက သေချာတယ်ဆိုတဲ့ အထာနဲ့ ကျွန်တော့်ကို လှမ်းပြောသည်။

ပြီးနောက် ကျွန်တော် အိမ်ထဲပြန်‌ဝင်လာခဲ့သည်။ အိမ်ထဲတွင် မင်္ဂလာကိစ္စနဲ့ တကြတ်ကြတ်ဖြစ်နေသော်လည်း ကျွန်တော့်ညီမ ဝေ မနိုးသေးပါ။ ပြီးခဲ့တဲ့ ၉လ၁၀လအတွင်း သူ့ကိုယ်သူ ပြန်ပြီးတည်ဆောက်လာရတာမို့ ကျွန်တော် ဝေ့ကို သနားလှပြီ။ မိဘတွေကို အားနာလို့ သူ့ကိုယ်သူ အကောင်းတိုင်းနေပြနေပေမယ့် ဝေ အဆင်မပြေသေးတာကို အစ်ကိုဖြစ်တဲ့ ကျွန်တော်က သေချာသိသည်။ ထို့ကြောင့်လည်း အခု မနှိုးရက်နိုင်ပါ။ မင်္ဂလာပွဲ ဓာတ်ပုံရိုက်တဲ့အချိန် နိုးရင်ပဲ လုံလောက်ပါပြီ။

၅နာရီခွဲလောက်မှာ ကျွန်တော်တို့ မင်္ဂလာဆွမ်းကပ်ကြပါသည်။ အဖေရယ်၊အမေရယ်၊ကျွန်တော်ရယ်၊ ကျွန်တော့်သတို့သမီးရဲ့မိဘနှစ်ပါးရယ်။ အမေက ဝေ့ကို နှိုးဖို့ ပြောသေးပေမယ့် ကျွန်တော် မနှိုးပဲထားခဲ့၏။ အဖေနဲ့အမေက ဝေ့ကို ဒီတိုင်း လူငယ်သဘာဝ ရည်းစားပူမိနေခဲ့တာလို့ပဲ ထင်ခဲ့သည်။ တကယ်တော့ ဝေက အရွယ်နဲ့မလိုက်ဖက်တဲ့ ဒဏ်ရာတွေကို ခံစားနေခဲ့ရပြီဖြစ်သည်။

၆နာရီခွဲတော့ ဖိတ်ထားတဲ့ မိတ်ဆွေတွေ တဖွဲဖွဲ ရောက်လာကြ၏။ ကျွန်တော်တို့ ထမင်းဝိုင်းတွေကို လိုက်ပြီး ဧည့်ခံကြသည်။

အမေ ကျွန်တော့်ဆီကို ပြာပြာသလဲရောက်လာတာ ၇နာရီကျော်ကျော်လောက်ဖြစ်မယ်ထင်၏။ ဝေ့ကို ရှာမတွေ့လို့ ရုတ်ရုတ်သဲသဲဖြစ်ကုန်သည်။ အစကတော့ ဒီတိုင်း လူရှုပ်နေလို့ အမေတို့ ရှာမတွေ့ခဲ့တာလို့ပဲ ထင်ခဲ့ပါသည်။ တကယ်က ဝေဟာ အိမ်မှာမရှိတော့။

"ယောက်ျားနောက်လိုက်တာတော့ မဖြစ်တန်ကောင်းပါဘူးနော်"

အမေက စိုးရိမ်တကြီးဆိုရှာသည်။

"မဟုတ်ပါဘူး အမေ။ မဟုတ်ပါဘူး။ ညီမလေးက ဒီလိုမလုပ်ပါဘူး။"

ဒါကတော့ သေချာသည်။ ခိုင်အင်ကြင်းဆိုတဲ့တစ်ယောက်နဲ့တင် ဝေက လောကကြီးကို ကြောက်သွားပြီ။

မင်္ဂလာဆောင် လူစဲသွားတဲ့အထိ ဝေ့ကို ရှာမတွေ့။ ဒီမြို့အနားတစ်ဝိုက်ကို လူလွှတ်ပြီးလည်း ရှာသော်လည်း မတွေ့တော့။

အဲ့ဒီတော့ အဖေက ပခုက္ကူကိုဆင်းရှာမည်။ ကျွန်တော်ကတော့ မန္တလေးကို သွားရှာဖို့ ဆုံးဖြတ်လိုက်သည်။ ဖြစ်နိုင်ချေအများဆုံးက အဲ့ဒီ မန္တလေးမှာပဲ ဖြစ်လိမ့်မည်။

ဒါပေမယ့် ကျွန်တော့်ယူဆချက် မှားခဲ့သည်။ မန္တလေးက ကားကွင်းတွေလည်း နှံ့နေပြီဖြစ်သည်။ ဝေတက်ခဲ့တဲ့ကျောင်းကိုတောင် ကျွန်တော်ရောက်ခဲ့ပြီ။ သို့ပေမယ့် ဝေနဲ့တူတဲ့ အရိပ်အယောင်ပင် မတွေ့ခဲ့ရ။ နောက်ဆုံးတော့ ဘယ်တော့မှ ခြေမချဘူးလို့ ဆုံးဖြတ်ထားတဲ့ ခြံဝန်းထဲကို နောက်တစ်ကြိမ်ခြေချဖို့ ဖြစ်လာခဲ့သည်။ ဒါဟာ နောက်ဆုံးမျှော်လင့်ချက်ပါပဲ။

သို့‌သော် ဒီနေ့မှ မြေးဦးရပြီဆိုပြီး အပျော်ကြီးပျော်နေကြတဲ့ ခိုင်အင်ကြင်းရဲ့မိဘနှစ်ပါးနဲ့ ကလေးအဖေဖြစ်ပြီဆိုပြီး ဂုဏ်ယူမဆုံးဖြစ်နေတဲ့ ကိုစိုးမောင်ကိုပဲ ကျွန်တော်တွေ့ခဲ့ရသည်။ ခိုင်အင်ကြင်းဆိုတဲ့မိန်းမရဲ့မျက်နှာကိုတောင် ကျွန်တော်မတွေ့ခဲ့ရပါ။

ကျွန်တော့်မိဘ၊ ဒါမှမဟုတ် ဝေ့မိဘတွေ သောကပွားနေချိန်မှာ ဝေသိပ်ချစ်ရတဲ့ ခိုင်အင်ကြင်းတို့မိသားစုကတော့ ကမ္ဘာ့အပျော်ဆုံးလူသားတွေ ဖြစ်နေခဲ့၏။ ကျွန်တော့်ရဲ့ အသည်းနာရခြင်းတွေဟာ အဆုံးမရှိတော့။

အဲ့ဒီရက်နောက်ကစလို့ ကျွန်တော်တို့ ဝေ့ကို တစ်ဘဝစာ ဆုံးရှုံးရပြီဆိုတာ လက်ခံခဲ့ရသည်။ အဖေနဲ့အမေဟာလည်း ယူကျုံးမရ။ ဝမ်းနည်းပက်လက်။ ဒါတွေဟာ ခိုင်အင်ကြင်းဆိုတဲ့မိန်းမဆီကနေ မြစ်ဖျားခံလာတဲ့ ပူဆွေးသောကရောက်မှုတွေ။ ကျွန်တော့်မိသားစုရဲ့ လောင်မြိုက်မှုတွေ။ ဒါကိုတော့ဖြင့် ကျွန်တော်ပဲသိပါတော့သည်။

.....

ခိုင်အင်ကြင်း

ဆောင်းတွင်းကြီး အေးလိုက်တာ။ ကျွန်မ အားအင်တွေ ကုန်ခမ်းသွားပြီ။ အစကတည်းကမှ လူက မထူမထောင်မို့ မီးဖွားခြင်းဆိုတဲ့အရာက ခိုင့်အတွက် သိပ်ကို ခက်ခဲခဲ့ပါသည်။ ခက်ခဲရတဲ့ အဓိက အကြောင်းအရာကတော့ ဒီရင်သွေးဟာ ခိုင် မချစ်မနှစ်သက်ရတဲ့ လူနဲ့ ရလာတဲ့ ရင်သွေးဖြစ်တာကြောင့် ဖြစ်မယ်ထင်ပါသည်။

"ခိုင် သမီးလေးကို ကြည့်ပါအုံး။ ကိုယ်တို့သမီးလေးက အချောလေးဟ။ ခိုင်နဲ့တူတာ"

တစ်ခုခုဆို အဖြစ်သည်းလွန်းလှတဲ့ ကိုစိုးမောင်ကြောင့် ဆေးရုံအထိလာပြီး မီးဖွားရခြင်းဖြစ်သည်။ လွန်စွာဝမ်းသာနေကြတဲ့ အဖေနဲ့အမေကို မြင်ရပေမယ့်လည်း ခိုင် မပျော်နိုင်ပါလေ။ ကလေးကိုပွေ့ကာ အရူးလိုလာပြနေတဲ့ ကိုစိုးမောင်ဘက်ကို မကောင်းတတ်လို့သာ ခိုင် လှည့်ကြည့်လိုက်ရ၏။

ကလေးက တကယ်လည်းချစ်စရာလေးပင်။ သို့ပေမယ့် ခိုင်ချစ်ရတဲ့ ဝေ့ကိုတော့ မမီပါလေ။ ခိုင် အနားယူဖို့ မျက်လုံးတွေကို မှိတ်ချလိုက်သည်။ အိပ်ပျော်သွားမှ နည်းနည်း သက်သာရာရလိမ့်မည်။ မဟုတ်ရင် ခိုင့်ဘဝက နောင်တတွေနဲ့ချည်းပဲ နေပျော်စရာမရှိ။ အနားယူချင်နေတဲ့ ခိုင်ရဲ့ အမူအရာကြောင့် ဖေဖေနဲ့ ကိုစိုးမောင်က အခန်းပြင်ထွက်သွားသည်။ အခန်းထဲ မေမေနဲ့ သူနာပြုဆရာမလေးသာ ကျန်ခဲ့သည်။

သွေးသားရင်းဖြစ်တဲ့ လူသားတစ်‌‌ယောက် ဘဝထဲရောက်လာပေမယ့် ခိုင် သိပ်တော့လည်း မပျော်နိုင်ခဲ့ပါ။ ဒါကို မေမေကလည်းသိသည်။ မျက်လုံးတွေမှိတ်ထားတဲ့ ခိုင့်ရဲ့ လက်တွေကို ခပ်ဖွဖွ ဆုပ်နှယ်သည်။

"ကလေးရနေပြီတောင် အစွဲအလမ်းက ကြီးနေတုန်းပါပဲလား ခိုင်ရယ်။ ခေါင်းမာလိုက်တာ။"

ပြီးတော့ မေမေက ဆက်၍ပြောသေးသည်။

"မေမေတို့ကြောင့်ပါ။ မေမေတို့ အပြစ်ပါ" တဲ့။

ခိုင် ဘာမှ မတုံ့ပြန်ချင်တာမို့ ဆက်၍သာ မျက်လုံးကို ပိတ်ထားလိုက်သည်။

....

၁၉၉၀ခုနှစ်

ကလေး ရက်တစ်ရာပြည့် ဒန်ပေါက်ကျွေးဖို့ စီစဉ်ကြသည်။ အဲ့ဒီမှာ နာမည်ပေးပွဲရော တွဲပြီးလုပ်မည်တဲ့။

ကိုစိုးမောင်က လူကြီးတွေနဲ့အတူ တိုင်ပင်ပြီး ရွေးထားတဲ့ ကလေးနာမည်တွေကို ခိုင့်ထံ လာပြသည်။ သိပ်ကြီးတော့ အာရုံစိုက်ပြီး မရွေးလိုက်မိပါ။ ဘာလို့ဆို ခိုင့်ရှင်သန်မှုက ဘာမှကို အာရုံစိုက်ဖို့ မျှော်လင့်ချက်မရှိတော့ခြင်းကြောင့်သာ။ ဖေဖေတို့မေမေတို့ကို ကူညီခဲ့ရတယ်ဆိုတဲ့ အတိတ်နဲ့ပဲ ခိုင်အခုထိ ရှင်သန်နေရတာ။ သို့ပေမယ့် ခိုင် ပင်ပန်းလှပါပြီဖြစ်သည်။

"ဒီနာမည်လေးပဲလှပါတယ် ကိုစိုးမောင်"

တန်းစီနေတဲ့ နာမည်တွေထဲက 'ခက်သက်လယ်'ဆိုတဲ့နာမည်ကို ထောက်ပြလိုက်သည်။

"ကိုယ်လည်း အဲ့ဒီတစ်ခုကို သဘောကျနေတာ ခိုင်ရဲ့"

ဒါများ ကျွန်မလာမေးနေသေးတယ်။ သူ့ဟာသူရွေးလိုက်လည်း ခိုင်က စိတ်ဝင်စားနေမှာမဟုတ်။

အဲ့ဒီနောက် ကိုစိုးမောင်က မြို့ထဲက မိတ္တူဆိုင်ကို ထွက်သွားခဲ့သည်။ မနက်ဖြန်အတွက် သူ့သမီးနာမည်ကို ဗီနိုင်းအကြီးကြီး ဆွဲမယ်ဆိုပဲ။ လုပ်ပေါ့လေ။ ကျွန်မကတော့ ဘာကိုမှ သိပ်ပြီး အာရုံမရလိုက်ပါ။

မိတ္တူဆိုင်က ခပ်ရှားရှား။ အဲ့ဒါကြောင့် မြို့ထဲအထိ သွားရခြင်းပင်။ ကြာလေ ကောင်းလေပါပဲ။

...

ဖေဖေနဲ့ ကိုစိုးမောင်ဆိုတဲ့လူရဲ့ အသိတွေက ခပ်များများရယ်ပါ။ ကလေးရက်တစ်ရာပြည့်နဲ့တောင်မတူတော့။ အလှူပွဲသကဲ့သို့ပင်ဖြစ်နေ၏။ အိမ်ရှေ့မှာလည်း "သမီးလေး ခက်သက်လယ် (ရက်တစ်ရာပြည့်)" ဆိုတဲ့ ဗီနိုင်းအကြီးကြီးကို ချိတ်ထားသေး၏။ တစ်အိမ်လုံးကပျော်နေကြသည်။ ခိုင်ကတော့ ဪ ငါမွေးထားတဲ့ ငါ့သမီးလေးပေါ့ ဆိုတဲ့ ကြည်နူးမှုလေး နည်းနည်းကလွဲရင် ဘာမှမပို။

ခိုင့် သူငယ်ချင်း သန္တာလည်း ရောက်လာပါသည်။ သန္တာကလည်း မန္တလေးကပင်။ သို့ပေမယ့် မကွေးမှာ အလုပ်ဝင်နေခြင်းဖြစ်၏။ ဝေ့အကြောင်းတွေကို ခိုင် တစ်လတစ်ခါ တယ်လီဖုန်းဆက်ပြီးမေးရတဲ့သူပင်။ ဒီလတော့ သန္တာ့ဆီက ဖုန်းမရခဲ့။ သူရောက်လာတော့ ခိုင် မေးဖို့ အဆင်သင့်သွားသည်။

"သန္တာ။ အစောကြီးရောက်လာတာပဲ။ ဒန်ပေါက်စားလိုက်ပါအုံး"

သန္တာ့ကို တခြားလူတွေစားနေတဲ့ဝိုင်းတွေမှာ မစားစေဘဲ အိမ် ထမင်းစားခန်းထဲကိုပဲ ခိုင်ခေါ်လာခဲ့လိုက်သည်။ အဲ့ဒီမှာမှ ခိုင်တို့ စကားအေးအေးဆေးဆေး ပြောနိုင်မည်လေ။

"သန္တာ ဝေ့အကြောင်း ဘာများသိခဲ့ရသလဲဟင်။"

သန္တာ ဒန်ပေါက်စား၍ပင်မပြီးသေး။ ဒါကို ကျွန်မလည်း အားမနာနိုင်ပါ။ သိချင်ရာကို မေးရသည်။

ခိုင့်အမေးကို ကြားတော့ ဇွန်း၊ခရင်းကိုင်ထားတဲ့ သန္တာ့လက်တွေ ရပ်တန့်သွားသည်။ ပုံမှန်လည်း ခိုင် ဒီလို အလောတကြီး မေးနေကျပါ။

"သန္တာ၊ ငါမေးတာကို ဖြေအုံးလေ"

"နင်တို့ ဝေးခဲ့တာလည်း ကြာပါပြီ။ ဝေနဲ့ပတ်သက်ပြီး သိပ်ပြီးမခံစားပါနဲ့တော့"

သန္တာဟာ မဆီမဆိုင်တွေ သိပ်ပြောနေသည်။

"ငါမေးတာ ဝေ့အကြောင်းလေ။ သူကျန်းကျန်းမာမာရှိရဲ့လား။ ကောင်းကောင်းရှင်သန်နေရဲ့လား"

"ဝေက မရှိတော့ဘူး ခိုင်။ နင် မေ့လိုက်တော့"

"သူ လက်ထပ်သွားတာလား"

လက်ထပ်သွားတယ်ဆိုရင်လည်း ခိုင် ခွင့်လွှတ်နိုင်ပါသည်။ ခိုင်တောင် သူ့ကို မညှာတာဘဲ မှန်တယ်ထင်ရာကို ရွေးခဲ့တာပဲ။ သူ့မှာ လုပ်ပိုင်ခွင့်အပြည့်ရှိပါ၏။ သူကျန်းမာနေရင်ပဲ အဆင်ပြေပါပြီ။

"မဟုတ်ဘူး ခိုင်။ မဟုတ်ဘူး။ ဝေက လက်ထပ်သွားတာမဟုတ်ဘူး။ လောကကြီးကို ထားသွားတာ။ သူသိတဲ့ လူတွေအားလုံးကို ထားသွားတာ"

ဘုရားရေ။ ဒီလိုဆိုရင်တော့ဖြင့် ခိုင် ခွင့်မပြုနိုင်ပါ။ ဝေက ဘာကိစ္စနဲ့ အားလုံးကို ထားသွားရမှာလဲ။

"မဖြစ်နိုင်ပါဘူး"

"လွန်ခဲ့တဲ့ သုံးလကျော်လောက်ကပဲခိုင်။ သူ့အစ်ကိုဘုန်းမြတ်ထည် မင်္ဂလာဆောင်တဲ့နေ့ကပဲ သူထွက်သွားတာ။ နင် ခက်သက်လယ်လေးကို မွေးတဲ့နေ့နဲ့ တစ်ရက်တည်း။"

သန္တာ့သတင်း မှားပါစေ။ တကယ်မဟုတ်ပါစေနဲ့။ တကယ်သာဆို ခိုင်ရူးရလိမ့်မည်။ ဝေ ထွက်သွားတာ တကယ်ဆိုရင် ခိုင့် ပယောဂကြောင့်ပဲဖြစ်မည်။ ဟင့်အင်း။ အဲ့ဒီလို ဖြစ်လို့မရပါ။ ခိုင် ဖြစ်ခွင့်မပေးနိုင်ပါ။ ဝေ လောကကြီးက ထွက်မသွားရ။ လုံးဝ ထွက်သွားလို့မရ။

ကျွန်မပါးပေါ်မှာ မျက်ရည်ပူပူတွေ စီးကျလာ၏။ လူမသိ၊သူမသိ ခိုးခိုးကျခဲ့ရတဲ့ မျက်ရည်ပူတွေဟာ အခုတော့ သန္တာ့ရှေ့မှာ အတားအဆီးမရှိ စီးကျလေသည်။ အမြင်အာရုံတွေ ဝေဝါးလာသည်။ သန္တာ့ကို မမြင်ရတော့။ သန္တာ့ရဲ့ စိုးရိမ်တကြီး အသံကိုတော့ ကြားရသေးသည်။ သန္တာက ဖေဖေနဲ့မေမေရဲ့နာမည်ကို အော်ခေါ်နေခြင်းပင်။ ခိုင့်နာမည်ကိုလည်း တတွတ်တွတ်ရေရွတ်နေ၏။ ပြီးတော့ အမျိုးသားတစ်ယောက် ဝင်လာပြီး ကျွန်မ ခန္ဓာကိုယ်ကို ပွေ့သွားသည်။ အဲ့ဒီနောက် ကျွန်မ ဘာမှ မသိရတော့။ ဆေးရုံကို ရောက်သွားတယ်ထင်ရ၏။

....

ဒီဇင်ဘာရဲ့ လရောင်ဟာ ခပ်မှိတ်မှိတ်သာလင်းသည်။ မနက်ဖြန် သမီးလေးခက်သက်လယ် တစ်နှစ်ပြည့်မယ့်နေ့ဖြစ်၏။ တစ်နည်းပြောရရင် ဝေဆုံးတာ တစ်နှစ်ပြည့်မယ့်နေ့ပေါ့။ ဒါပေမယ့် အဲ့ဒီရက်စွဲတွေကို ခိုင် ဖြတ်ကျော်နိုင်စွမ်း မရှိတော့ပါ။ ကိုယ့်ကိုယ့်ကိုယ် စိတ်တိုင်းမကျဖြစ်ရတာတွေ၊ နောင်တတွေကို ခိုင် သည်းမခံနိုင်တော့ပါလေ။

စာရွက်တစ်ရွက်၊ ဘောပင်တစ်ချောင်းကို စာကြည့်စားပွဲပေါ်တင်ကာ တွေးနေတာလည်း အတော်ကြာခဲ့ပါပြီ။ အခုတော့ ခိုင့်ဆုံးဖြတ်ချက်တွေ ပြတ်သားပါပြီ။ ထို့ကြောင့် ဘောပင်ကိုကိုင်ပြီး လက်တွေကို အနည်းငယ် လှုပ်ရှားလိုက်မိသည်။ ကိုစိုးမောင် အိမ်မှာမရှိ။ ခရီးနှစ်ရက်ထွက်သွား၏။ ဒါ့ကြောင့် အခန်းထဲမှာ ကျွန်မတစ်ယောက်တည်း။ ကလေးက ပုခက်ထဲမှာအိပ်နေပြီဖြစ်သည်။

မေမေ ....
ဒီနာမ်စားကိုရေရွတ်တာ ခိုင့်အတွက် နောက်ဆုံးပါပဲ။ နောက်ဆုံးအထိ လိမ္မာမပေးနိုင်လို့ ခိုင်တောင်းပန်ပါတယ်။ ဖေဖေ၊မေမေနဲ့ သမီးလေးက ခိုင်အသက်ဆက်ရှင်နေဖို့ မလုံလောက်ခဲ့တဲ့အတွက်လည်း ခိုင် မေမေ့ကို ထပ်ပြီး တောင်းပန်ပါတယ်။ ဝေ့ သတင်းကိုလည်း သန္တာဆီကတစ်ဆင့် ကြားပြီးပြီဖြစ်မှာပါ။ ပြီးတော့ ခိုင်နဲ့ဝေ့အကြောင်းကိုမေမေသိတယ်ဆိုတာလည်း ခိုင်သိပါတယ်။ ခိုင် နောင်တတွေနဲ့ ဆက်ပြီးမရှင်သန်ချင်တော့ဘူး။ တမလွန်မှာပဲဖြစ်ဖြစ် ဝေ့ကိုလိုက်ပြီး စောင့်ရှောက်ပေးဖို့ ခိုင် ဆုံးဖြတ်လိုက်ပါပြီ။ ဒီစာကို မေမေတစ်ယောက်ထဲပဲ ဖတ်မယ်လို့လည်း ခိုင် ယုံကြည်ပါတယ်။ သမီးလေးကိုလည်း မေမေတို့ အကောင်းဆုံးပြုစုပျိုးထောင်ပေးမှာကိုလည်း ခိုင်ယုံကြည်ပါတယ်။ သမီးကို ခွင့်လွှတ်ပါ မေမေ...

                  ဖေဖေ၊မေမေနဲ့ သမီးလေးတို့ကိုချစ်တဲ့
                    ခိုင်

စာရွက်ကို သေသေချာချောခေါက်လို့ ထိုင်နေရာက ထလိုက်သည်။

ပုခက်ထဲမှာ အပူအပင်ကင်းကင်းနဲ့အိပ်ပျော်နေတဲ့ သမီးလေးဟာ ခိုင်ထွက်သွားတော့မှာသိလို့ထင်ပါ၏။ ပိုပြီးတော့ ချစ်စရာကောင်းနေခဲ့သည်။ မျက်နှာသွယ်သွယ်လေးနဲ့ အရွယ်ရောက်ရင် ဂုဏ်သတင်းမွှေးမယ့် မိန်းကလေးမျိုး။ သမီးလေး ခက်သက်လယ်ကိုတော့ဖြင့် ခိုင့်လို အဖြစ်ဆိုးမျိုးနဲ့ မကြုံစေချင်ပါ။

ပုခက်ဘောင်ကို ကျော်ပြီး သမီးလေးရဲ့ နဖူးကို ဖိကပ်ကာ နမ်းလိုက်၏။

ပြီးတော့ ဖေဖေနဲ့မေမေတို့ရဲ့ အခန်းထဲကို ဝင်ပြီး အိပ်မောကျနေကြတဲ့ မိဘနှစ်ပါးကို ခိုင် ကန်တော့သည်။ နောက်များကျ ခိုင့်လိုသမီးမျိုးနဲ့ မကြုံရပါစေနဲ့ပေါ့။ အရာရာကိုပစ်ပြီး တမလွန်ကချစ်သူ့နောက်ကို လိုက်သွားတဲ့ သမီးမျိုးနဲ့ ဖေဖေတို့ မေမေတို့ မဆုံကြပါစေနဲ့။

ကန်တော့ပြီးတော့ ကုတင်ဘေးကိုသွားကာ မေမေ့ခေါင်းအုံးအောက်မှာ စောစောကရေးထားတဲ့ စာကိုအသာထားလိုက်သည်။

အဲ့ဒီနောက်တော့ ခိုင်တစ်ယောက် အိမ်ထဲကနေ တိတ်တဆိတ်ထွက်လာခဲ့၏။ ခြံအပြင်ရောက်တော့ ခြံတံခါးကို သတိထားပြီးပိတ်ရသည်။

သိပ်ပြီးတော့လည်း စိတ်ထဲလေးမနေတော့ပါ။

နောင်တတွေ အဆုံးသတ်တော့မည်.....
စိတ်မကျေနပ်မှုတွေ အဆုံးသတ်တော့မည်....
ချစ်ရတဲ့ဝေ့နောက်ကို လိုက်သွားရတော့ည်....

ကျွန်မခေါင်းထဲ ဒါပဲရှိပါတော့၏။

September 14 , 2022 ,  Wednesday

ZawG

၁၉၈၉ခုႏွစ္ ၊ ဒီဇင္ဘာလ

ဘုန္းျမတ္ထည္

မနက္သုံးနာရီခန႔္ဟု ထင္၏။ သို႔ေပမယ့္ အိမ္တစ္အိမ္လုံး မီးထိန္ထိန္လင္းေနၿပီျဖစ္သည္။ အိမ္ေနာက္ေဘးက ကြက္လက္ထဲတြင္ အသက္၄၀ေက်ာ္၅၀ဦးေလးႀကီးေတြ ၁၀ေယာက္၁၅ေယာက္ေလာက္ရွိမည္ထင္၏။ ဒန္အိုးအႀကီးႀကီးေတြ ေပါင္းအိုးႀကီးေတြနဲ႕ အလုပ္ရႈပ္ေနၾကတဲ့ စားဖိုမႉးႀကီးေတြေပါ့။ ဟိုဘက္ အခန္းထဲမွာေတာ့ ကြၽန္ေတာ့မေဟသီဟာ အလွျပင္သမားနဲ႕ မိတ္ကပ္ လိမ္းျခယ္ေနေလာက္ၿပီေပါ့။

ကြၽန္ေတာ္ အိမ္ေနာက္ဘက္ကို ေကာ္ဖီထုတ္အႀကီးတစ္ထုတ္ကိုယူကာ ထြက္လာခဲ့သည္။ ငါးႏွပ္နံ႕ႏွင့္ ဝက္သားနံ႕က မနက္ခင္းလာသူေတြကို သြားရည္က်ေစမွာ အေသအခ်ာပင္။

"ဦးရီးတို႔ ေကာ္ဖီေသာက္ၾကအုံးဗ်"

"ဟ သတို႔သားက သတို႔သမီးအလွျပင္ေနတာကို သြားေငးရမွာေလ"

ေခါင္းေမြးျဖဴခ်င္ေနတဲ့ ဦးရီးေ႐ႊက ကြၽန္ေတာ့ကို လွမ္း၍စသည္။ ထင္းမီးေရာင္ေအာက္မွာ သူ႕မ်က္ႏွာက ကြၽန္ေတာ့အတြက္ ဂုဏ္ယူေပးေနတာ သိသာလွ၏။

"ေနာက္မ်ားက်ရင္ ကြၽန္ေတာ္က တစ္သတ္လုံးၾကည့္ရမွာဗ်။ အခုက ဦးရီးေ႐ႊတို႔အတြက္ ေကာ္ဖီလာေပးတာ"

"သြား သြား။ မင္းလည္း ျပင္ဆင္လိုက္အုံး။ မဂၤလာဆြမ္းကပ္ရမယ့္ အခ်ိန္က နီးၿပီမလား"

"ဟုတ္ကဲ့ဗ်ာ။ ဒီနယ္မွာ ကြၽန္ေတာ့္မဂၤလာေဆာင္ ထမင္း၊ဟင္းက အေကာင္းဆုံးျဖစ္ေနမွာ ယုံတယ္ဗ်"

"စိတ္ခ် ေမာင္ေရ။ ဂတိေပးတယ္"

ဦးတိုးက ေသခ်ာတယ္ဆိုတဲ့ အထာနဲ႕ ကြၽန္ေတာ့္ကို လွမ္းေျပာသည္။

ၿပီးေနာက္ ကြၽန္ေတာ္ အိမ္ထဲျပန္ဝင္လာခဲ့သည္။ အိမ္ထဲတြင္ မဂၤလာကိစၥနဲ႕ တၾကတ္ၾကတ္ျဖစ္ေနေသာ္လည္း ကြၽန္ေတာ့္ညီမ ေဝ မနိုးေသးပါ။ ၿပီးခဲ့တဲ့ ၉လ၁၀လအတြင္း သူ႕ကိုယ္သူ ျပန္ၿပီးတည္ေဆာက္လာရတာမို႔ ကြၽန္ေတာ္ ေဝ့ကို သနားလွၿပီ။ မိဘေတြကို အားနာလို႔ သူ႕ကိုယ္သူ အေကာင္းတိုင္းေနျပေနေပမယ့္ ေဝ အဆင္မေျပေသးတာကို အစ္ကိုျဖစ္တဲ့ ကြၽန္ေတာ္က ေသခ်ာသိသည္။ ဒါ့ေၾကာင့္လည္း အခု မႏွိုးရက္နိုင္ပါ။ မဂၤလာပြဲ ဓာတ္ပုံရိုက္တဲ့အခ်ိန္ နိုးရင္ပဲ လုံေလာက္ပါၿပီ။

၅နာရီခြဲေလာက္မွာ ကြၽန္ေတာ္တို႔ မလၤာဆြမ္းကပ္ၾကတယ္။ အေဖရယ္၊အေမရယ္၊ကြၽန္ေတာ္ရယ္၊ ကြၽန္ေတာ့္သတို႔သမီးရဲ႕မိဘႏွစ္ပါးရယ္။ အေမက ေဝ့ကို ႏွိုးဖို႔ ေျပာေသးေပမယ့္ ကြၽန္ေတာ္ မႏွိုးပဲထားခဲ့တယ္။ အေဖနဲ႕အေမက ေဝ့ကို ဒီတိုင္း လူငယ္သဘာဝ ရည္းစားပူမိေနခဲ့တာလို႔ပဲ ထင္ခဲ့တာ။ တကယ္ေတာ့ ေဝက အ႐ြယ္နဲ႕မလိုက္ဖက္တဲ့ ဒဏ္ရာေတြကို ခံစားေနခဲ့ရၿပီ။

၆နာရီခြဲေတာ့ ဖိတ္ထားတဲ့ မိတ္ေဆြေတြ ေရာက္လာၾကၿပီ။ ကြၽန္ေတာ္တို႔ ထမင္းဝိုင္းေတြကို လိုက္ၿပီး ဧည့္ခံတယ္။

အေမ ကြၽန္ေတာ့္ဆီကို ျပာျပာသလဲေရာက္လာတာ
၇နာရီကျော်ကျော်လောက်ဖြစ်မယ်ထင်တယ်။ ေဝ့ကို ရွာမေတြ႕လို႔တဲ့။ အစကေတာ့ ဒီတိုင္း လူရႈပ္ေနလို႔ အေမတို႔ ရွာမေတြ႕ခဲ့တာလို႔ပဲ ထင္ခဲ့တယ္။ တကယ္က ေဝ အိမ္မွာမရွိေတာ့တာ။

"ေယာက္်ားေနာက္လိုက္တာေတာ့ မျဖစ္တန္ေကာင္းပါဘူးေနာ္"

အေမက စိုးရိမ္တႀကီးဆိုရွာတယ္။

"မဟုတ္ပါဘူး အေမ။ မဟုတ္ပါဘူး။ ညီမေလးက ဒီလိုမလုပ္ပါဘူး။"

ဒါကေတာ့ ေသခ်ာသည္။ ခိုင္အင္ၾကင္းဆိုတဲ့တစ္ေယာက္နဲ႕တင္ ေဝက ေလာကႀကီးကို ေၾကာက္သြားၿပီ။

မဂၤလာေဆာင္ လူစဲသြားတဲ့အထိ ေဝ့ကို ရွာမေတြ႕ဘူး။ ဒီၿမိဳ႕အနားတစ္ဝိုက္ကို လူလႊတ္ၿပီးလည္း ရွာၿပီးၿပီ။

အဲ့ဒီေတာ့ အေဖက ပခုကၠဴကိုဆင္းရွာမယ္ေပါ့။ ကြၽန္ေတာ္ကေတာ့ မႏၱေလးကို သြားရွာဖို႔ ဆုံးျဖတ္လိုက္တယ္။ ျဖစ္နိုင္ေခ်အမ်ားဆုံးက အဲ့ဒီ မႏၱေလးမွာပဲ ျဖစ္လိမ့္မယ္။

ဒါေပမယ့္ ကြၽန္ေတာ့္ယူဆခ်က္ မွားခဲ့တယ္။ မႏၱေလးက ကားကြင္းေတြလည္း ႏွံ႕ေနၿပီ။ ေဝတက္ခဲ့တဲ့ေက်ာင္းကိုေတာင္ ကြၽန္ေတာ္ေရာက္ခဲ့ၿပီ။ ဒါေပမယ့္ ေဝနဲ႕တူတဲ့ အရိပ္အေယာင္ပင္ မေတြ႕ခဲ့ရ။
ေနာက္ဆုံးေတာ့ ဘယ္ေတာ့မွ ေျခမခ်ဘဴးလို႔ ဆုံးျဖတ္ထားတဲ့ ၿခံဝန္းထဲကို ေနာက္တစ္ႀကိမ္ေျခခ်ဖိဳ႕ ျဖစ္လာခဲ့ၿပီ။ ဒါဟာ ေနာက္ဆုံးေမွ်ာ္လင့္ခ်က္ပါပဲ။

ဒီေန႕မွ ေျမးဦးရၿပီဆိုၿပီး အေပ်ာ္ႀကီးေပ်ာ္ေနၾကတဲ့ ခိုင္အင္ၾကင္းရဲ႕မိဘႏွစ္ပါးနဲ႕ ကေလးအေဖျဖစ္ၿပီဆိုၿပီး ဂုဏ္ယူမဆုံးျဖစ္ေနတဲ့ ကိုစိုးေမာင္ကိုပဲ ကြၽန္ေတာ္ေတြ႕ခဲ့ရတယ္။ ခိုင္အင္ၾကင္းဆိုတဲ့မိန္းမရဲ႕မ်က္ႏွာကိုေတာင္ ကြၽန္ေတာ္မေတြ႕ခဲ့ရပါဘူး။

ကြၽန္ေတာ့္မိဘ၊ ဒါမွမဟုတ္ ေဝ့မိဘေတြ ေသာကပြားေနခ်ိန္မွာ ေဝသိပ္ခ်စ္ရတဲ့ ခိုင္အင္ၾကင္းတို႔မိသားစုကေတာ့ ကမၻာ့အေပ်ာ္ဆုံးလူသားေတြ ျဖစ္ေနခဲ့တယ္။ ကြၽန္ေတာ္ အသည္းနာလိုက္တာ။

အဲ့ဒီရက္ေနာက္ကစလို႔ ကြၽန္ေတာ္တို႔ ေဝ့ကို တစ္ဘဝစာ ဆုံးရႈံးရၿပီဆိုတာ လက္ခံခဲ့ရတယ္။ အေဖနဲ႕အေမဟာလည္း ယူက်ဳံးမရ။ ဝမ္းနည္းပက္လက္။ ဒါေတြဟာ ခိုင္အင္ၾကင္းဆိုတဲ့မိန္းမဆီကေန ျမစ္ဖ်ားခံလာတဲ့ ပူေဆြးေသာကေရာက္မႈေတြေပါ့။ ကြၽန္ေတာ့္မိသားစုရဲ႕ ေလာင္ၿမိဳက္မႈေတြေပါ့။ ဒါကိုေတာ့ျဖင့္ ကြၽန္ေတာ္ပဲသိတယ္။

.....

ခိုင္အင္ၾကင္း

ေဆာင္းတြင္းႀကီး ေအးလိုက္တာ။ ကြၽန္မ အားအင္ေတြ ကုန္ခမ္းသြားၿပီ။ အစကတည္းကမွ လူက အထူမေထာင္မို႔ မီးဖြားျခင္းဆိုတဲ့အရာက ခိုင့္အတြက္ သိပ္ကို ခက္ခဲခဲ့တယ္။ ခက္ခဲရတဲ့ အဓိက အေၾကာင္းအရာကေတာ့ ဒီရင္ေသြးဟာ ခိုင္ မခ်စ္မႏွစ္သက္ရတဲ့ လူနဲ႕ ရလာတဲ့ ရင္ေသြးျဖစ္တာေၾကာင့္ ျဖစ္မယ္ထင္တယ္။

"ခိုင္ သမီးေလးကို ၾကည့္ပါအုံး။ ကိုယ္တို႔သမီးေလးက အေခ်ာေလးဟ။ ခိုင္နဲ႕တူတာ"

တစ္ခုခုဆို အျဖစ္သည္းလြန္းလွတဲ့ ကိုစိုးေမာင္ေၾကာင့္ ေဆး႐ုံအထိလာၿပီး မီးဖြားရျခင္းျဖစ္သည္။ လြန္စြာဝမ္းသာေနၾကတဲ့ အေဖနဲ႕အေမကို ျမင္ရေပမယ့္လည္း ခိုင္ မေပ်ာ္နိုင္ပါေလ။ ကေလးကိုေပြ႕ကာ အ႐ူးလိုလာျပေနတဲ့ ကိုစိုးေမာင္ဘက္ကို မေကာင္းတတ္လို႔သာ ခိုင္ လွည့္ၾကည့္လိုက္ရတယ္။

ကေလးက တကယ္လည္းခ်စ္စရာေလးပါ။ ဒါေပမယ့္ ခိုင္ခ်စ္ရတဲ့ ေဝ့ကိုေတာ့ မမီပါေလ။ ခိုင္ အနားယူဖို႔ မ်က္လုံးေတြကို မွိတ္ခ်လိဳက္သည္။ အိပ္ေပ်ာ္သြားမွ နည္းနည္း သက္သာရာရလိမ့္မယ္။ မဟုတ္ရင္ ခိုင္ဘဝက ေနာင္တေတြနဲ႕ခ်ည္းပဲ။ အနားယူခ်င္ေနတဲ့ ခိုင္ရဲ႕ အမူအရာေၾကာင့္ ေဖေဖနဲ႕ ကိုစိုးေမာင္က အခန္းျပင္ထြက္သြားသည္။ အခန္းထဲ ေမေမနဲ႕ သူနာျပဳဆရာမေလးသာ က်န္ခဲ့သည္။

ေသြးသားရင္းျဖစ္တဲ့ လူသားတစ္ေယာက္ ဘဝထဲေရာက္လာေပမယ့္ ခိုင္ သိပ္ေတာ့လည္း မေပ်ာ္နိုင္ခဲ့ပါ။ ဒါကို ေမေမကလည္းသိသည္။ မ်က္လုံးေတြမွိတ္ထားတဲ့ ခိုင့္ရဲ႕ လက္ေတြကို ခပ္ဖြဖြ ဆုပ္ႏွယ္သည္။

"ကေလးရေနၿပီေတာင္ အစြဲအလန္းက ႀကီးေနတုန္းပါပဲလား ခိုင္ရယ္။ ေခါင္းမာလိုက္တာ။"

ၿပီးေတာ့ ေမေမက ဆက္၍ေျပာေသးသည္။

"ေမေမတို႔ေၾကာင့္ပါ။ ေမေမတို႔ အပစ္ပါ" တဲ့။

ခိုင္ ဘာမွ မတုံ႕ျပန္ခ်င္တာမို႔ ဆက္၍သာ မ်က္လုံးကို ပိတ္ထားလိုက္သည္။

....

ကေလး ရက္တစ္ရာျပည့္ ဒန္ေပါက္ေကြၽးဖို႔ စီစဥ္ၾကတယ္။ အဲ့ဒီမွာ နာမည္ေပးပြဲေရာ တြဲၿပီးလုပ္မယ္တဲ့။

ကိုစိုးေမာင္က လူႀကီးေတြနဲ႕အတူ တိုင္ပင္ၿပီး ေ႐ြးထားတဲ့ ကေလးနာမည္ေတြကို ခိုင့္ကို လာျပတယ္။ သိပ္ႀကီးေတာ့ အာ႐ုံစိုက္ၿပီး မေ႐ြးလိုက္မိပါဘူး။ ဘာလို႔ဆို ခိုင့္ရွင္သန္မႈက ဘာမွကို အာ႐ုံစိုက္ဖို႔ ေမွ်ာ္လင့္ခ်က္မရွိေတာ့ဘူး။ ေဖေဖတို႔ေမေမတို႔ကို ကူညီခဲ့ရတယ္ဆိုတဲ့ အတိတ္နဲ႕ပဲ ခိုင္အခုထိ ရွင္သန္ေနရတာ။ ဒါေပမယ့္ ခိုင္ ပင္ပန္းလွပါၿပီ။

"ဒီနာမည္ေလးပဲလွပါတယ္ ကိုစိုးေမာင္"

တန္းစီေနတဲ့ နာမည္ေတြထဲက ခက္သက္လယ္ဆိုတဲ့နာမည္ကို ေထာက္ျပလိုက္တယ္။

"ကိုယ္လည္း အဲ့ဒီတစ္ခုကို သေဘာက်ေနတာ ခိုင္ရဲ႕"

ဒါမ်ား ကြၽန္မလာေမးေနေသးတယ္။ သူ႕ဟာသူေ႐ြးလိုက္လည္း ခိုင္က စိတ္ဝင္စားေနမွာမဟုတ္ဘူး။

အဲ့ဒီေနာက္ ကိုစိုးေမာင္က ၿမိဳ႕ထဲက မိတၱဴဆိုင္ကို ထြက္သြားတယ္။ မနက္ျဖန္အတြက္ သူ႕သမီးနာမည္ကို ဗီနိုင္းအႀကီးႀကီး ဆြဲမယ္ဆိုပဲ။ လုပ္ေပါ့။ ကြၽန္မကေတာ့ ဘာကိုမွ သိပ္ၿပီး အာ႐ုံမရလိုက္ဘူး။

မိတၱဴဆိုင္က ခပ္ရွားရွားပါ။ အဲ့ဒါေၾကာင့္ ၿမိဳ႕ထဲအထိ သြားရတာ။ ၾကာေလ ေကာင္းေလပဲ။

...

ေဖေဖနဲ႕ ကိုစိုးေမာင္ဆိုတဲ့လူရဲ႕ အသိေတြက ခပ္မ်ားမ်ားရယ္။ ကေလးရက္တစ္ရာျပည့္နဲ႕ေတာင္မတူဘူး။ အလႉပြဲက်ေနတာပဲ။ အိမ္ေရွ႕မွာလည္း "သမီးေလး ခက္သက္လယ္ (ရက္တစ္ရာျပည့္)" ဆိုတဲ့ ဗီနိုင္းအႀကီးႀကီးကို ခ်ိတ္ထားေသးတယ္။ တစ္အိမ္လုံးကေပ်ာ္ေနၾကတာပဲ။ ခိုင္ကေတာ့ ဪ ငါေမြးထားတဲ့ ငါ့သမီးေလးေပါ့ ဆိုတဲ့ ၾကည္ႏူးမႈေလး နည္းနည္းကလြဲရင္ ဘာမွမပိုဘူး။

ခိုင့္ သူငယ္ခ်င္း သႏၱာလည္း ေရာက္လာပါတယ္။ သႏၱာကလည္း မႏၱေလးကပဲ။ ဒါေပမယ့္ မေကြးမွာ အလုပ္ဝင္ေနတာ။ ေဝ့အေၾကာင္းေတြကို တစ္လတစ္ခါ တယ္လီဖုန္းဆက္ၿပီးေမးရတဲ့သူေပါ့။ ဒီလေတာ့ သႏၱာ့ဆီက ဖုန္းမရဘူး။ သူေရာက္လာေတာ့လည္း ေမးလို႔ရသြားတာေပါ့။

"သႏၱာ။ အေစာႀကီးေရာက္လာတာပဲ။ ဒန္ေပါက္စားလိုက္ပါအုံး"

သႏၱာ့ကို တျခားလူေတြစားေနတဲ့ဝိုင္းေတြမွာ မစားေစဘဲ အိမ္ ထမင္းစားခန္းထဲကိုပဲ ခိုင္ေခၚလာခဲ့တယ္။ အဲ့ဒီမွာမွ ခိုင္တို႔ စကားေအးေအးေဆးေဆး ေျပာနိုင္မည္ေလ။

"သႏၱာ ေဝ့အေၾကာင္း ဘာမ်ားသိခဲ့ရသလဲဟင္။"

သႏၱာ ဒန္ေပါက္စား၍ပင္မၿပီးေသး။ ဒါကို ကြၽန္မလည္း အားမနာနိုင္ပါ။ သိခ်င္ရာကို ေမးရသည္။

ခိုင့္အေမးကို ၾကားေတာ့ ဇြန္း၊ခရင္းကိုင္ထားတဲ့ သႏၱာ့လက္ေတြ ရပ္တန႔္သြားသည္။ ပုံမွန္လည္း ခိုင္ ဒီလို အေလာတႀကီး ေမးေနၾကပါ။

"သႏၱာ၊ ငါ့ေမးတာကို ေျဖအုံးေလ"

"နင္တို႔ ေဝးခဲ့တာလည္း ၾကာပါၿပီ။ ေဝ့နဲ႕ပတ္သက္ၿပီး သိပ္ၿပီးမခံသားပါနဲ႕ေတာ့"

သႏၱာဟာ မတီမဆိုင္ေတြ ေျပာေနသည္။

"ငါေမးတာ ေဝ့အေၾကာင္းေလ။ သူက်န္းက်န္းမာမာရွိရဲ႕လား။ ေကာင္းေကာင္းရွင္သန္ေနရဲ႕လား"

"ေဝက မရွိေတာ့ဘူး ခိုင္။ နင္ ေမ့လိုက္ေတာ့"

"သူ လက္ထပ္သြားတာလား"

လက္ထပ္သြားတယ္ဆိုရင္လည္း ခိုင္ ခြင့္လႊတ္နိုင္ပါတယ္။ ခိုင္ေတာင္ သူ႕ကို မညွာတာဘဲ မွန္တယ္ထင္ရာကို ေ႐ြးခဲ့တာပဲ။ သူ႕မွာ လုပ္ပိုင္ခြင့္အျပည့္ရွိပါတယ္။ သူက်န္းမာေနရင္ပဲ အဆင္ေျပပါၿပီ။

"မဟုတ္ဘူး ခိုင္။ မဟုတ္ဘူး။ ေဝက လက္ထပ္သြားတာမဟုတ္ဘူး။ ေလာကႀကီးကို ထားသြားတာ။ သူသိတဲ့ လူေတြအားလုံးကို ထားသြားတာ"

ဒီလိုဆိုရင္ေတာ့ ခိုင္ ခြင့္မျပဳနိုင္ပါဘူး။ ေဝက ဘာကိစၥနဲ႕ အားလုံးကို ထားသြားရမွာလဲ။

"မျဖစ္နိုင္ပါဘူး"

"လြန္ခဲ့တဲ့ သုံးလေက်ာ္ေလာက္ကပဲခိုင္။ သူ႕အစ္ကိုဘုန္းျမတ္ထည္ မဂၤလာေဆာင္တဲ့ေန႕ကပဲ သူထြက္သြားတာ။ နင္ ခက္သက္လယ္ေလးကို ေမြးတဲ့ေန႕နဲ႕ တစ္ရက္တည္း။"

သႏၱာ့သတင္း မွားပါေစ။ တကယ္မဟုတ္ပါေစနဲ႕။ တကယ္သာဆို ခိုင္႐ူးရလိမ့္မယ္။ ေဝ ထြက္သြားတာ တကယ္ဆိုရင္ ခိုင့္ ပေယာဂေၾကာင့္ပဲ။ ဟင့္အင္း။ အဲ့ဒီလို ျဖစ္လို႔မရဘူး။ ခိုင္ ျဖစ္ခြင့္မေပးနိုင္ဘူး။ ေဝ ေလာကႀကီးက ထြက္မသြားရဘူး။
ကြၽန္မပါးေပၚမွာ မ်က္ရည္ပူပူေတြ စီးက်လာတယ္။ လူမသိ၊သူမသိ ခိုးခိုးက်ခဲ့ရတဲ့ မ်က္ရည္ပူေတြဟာ အခုေတာ့ သႏၱာ့ေရွ႕မွာ အတားအဆီးမရွိ စီးက်တယ္။ အျမင္အာ႐ုံေတြ ေဝဝါးလာတယ္။ သႏၱာ့ကို မျမင္ရေတာ့ဘူး။ သႏၱာ့ရဲ႕ စိုးရိမ္တႀကီး အသံကိုေတာ့ ၾကားရေသးတယ္။ ေဖေဖနဲ႕ေမေမရဲ႕နာမည္ကို ေအာ္ေခၚေနတာ။ ခိုင့္နာမည္ကိုလည္း တတြတ္တြတ္ေရ႐ြတ္ေနတယ္။ ၿပီးေတာ့ အမ်ိဳးသားတစ္ေယာက္ ဝင္လာၿပီး ကြၽန္မ ခႏၶာကိုယ္ကို ေပြ႕သြားတယ္။ အဲ့ဒီေနာက္ ကြၽန္မ ဘာမွ မသိရေတာ့ဘူး။ ေဆး႐ုံကို ေရာက္သြားတယ္ထင္တာပဲ။

...

၁၉၉၀

ဒီဇင္ဘာရဲ႕ လေရာင္ဟာ ခပ္မွိတ္မွိတ္။
မနက္ျဖန္ သမီးေလးခက္သက္လယ္ တစ္ႏွစ္ျပည့္မယ့္ေန႕။ တစ္နည္းေျပာရရင္ ေဝဆုံးတာ တစ္ႏွစ္ျပည့္မယ့္ေန႕ေပါ့။ ဒါေပမယ့္ ခိုင္ အဲ့ဒီရက္စြဲေတြကို ခိုင္ ျဖတ္ေက်ာ္နိုင္စြမ္း မရွိေတာ့ဘူး။ ကိုယ့္ကိုယ့္ကိုယ္ စိတ္တိုင္းမက်ျဖစ္ရတာေတြ၊ ေနာင္တေတြကို ခိုင္ သည္းမခံနိုင္ေတာ့ဘူး။

စာ႐ြက္တစ္႐ြက္၊ ေဘာပင္တစ္ေခ်ာင္းကို စာၾကည့္စားပြဲေပၚတင္ကာ ေတြးေနတာလည္း အေတာ္ၾကာပါၿပီ။ အခုေတာ့ ခိုင့္ဆုံးျဖတ္ခ်က္ေတြ ျပတ္သားပါၿပီ။ ဒါ့ေၾကာင့္ ေဘာပင္ကိုကိုင္ၿပီး လက္ေတြကို အနည္းငယ္ လႈပ္ရွားလိုက္တယ္။ ကိုစိုးေမာင္ အိမ္မွာမရွိဘူး။ ခရီးႏွစ္ရက္ထြက္သြားတယ္။ ဒါ့ေၾကာင့္ အခန္းထဲမွာ ကြၽန္မတစ္ေယာက္တည္း။ ကေလးက ပုခက္ထဲမွာအိပ္ေနၿပီ။

ေမေမ ....ဒီနာမ္စားကိုေရ႐ြတ္တာ ခိုင့္အတြက္ ေနာက္ဆုံးပါပဲ။ ေနာက္ဆုံးအထိ လိမၼာမေပးနိုင္လို႔ ခိုင္ေတာင္းပန္ပါတယ္။ ေဖေဖ၊ေမေမနဲ႕ သမီးေလးက ခိုင္အသက္ဆက္ရွင္ေနဖို႔ မလုံေလာက္ခဲ့တဲ့အတြက္လည္း ခိုင္ ေမေမ့ကို ထပ္ၿပီး ေတာင္းပန္ပါတယ္။ ေဝ့ သတင္းကိုလည္း သႏၱာဆီကတစ္ဆင့္ ၾကားၿပီးၿပီျဖစ္မွာပါ။ ၿပီးေတာ့ ခိုင္နဲ႕ေဝ့အေၾကာင္းကိုေမေမသိတယ္ဆိုတာလည္း ခိုင္သိပါတယ္။ ခိုင္ ေနာင္တေတြနဲ႕ ဆက္ၿပီးမရွင္သန္ခ်င္ေတာ့ဘူး။ တမလြန္မွာပဲျဖစ္ျဖစ္ ေဝ့ကိုလိုက္ၿပီး ေစာင့္ေရွာက္ေပးဖို႔ ခိုင္ ဆုံးျဖတ္လိုက္ပါၿပီ။ ဒီစာကို ေမေမတစ္ေယာက္ထဲပဲ ဖတ္မယ္လို႔လည္း ခိုင္ ယုံၾကည္ပါတယ္။ သမီးေလးကိုလည္း ေမေမတို႔ အေကာင္းဆုံးျပဳစုပ်ိဳးေထာင္ေပးမွာကိုလည္း ခိုင္ယုံၾကည္ပါတယ္။ သမီးကို ခြင့္လႊတ္ပါ ေမေမ...

               ေဖေဖ၊ေမေမနဲ႕ သမီးေလးတို႔ကိုခ်စ္တဲ့
                    ခိုင္

စာ႐ြက္ကို ေသေသခ်ာေခ်ာေခါက္လို႔ ထိုင္ေနရာက ထလိုက္တယ္။

ပုခက္ထဲမွာ အပူအပင္ကင္းကင္းနဲ႕အိပ္ေပ်ာ္ေနတဲ့ သမီးေဘးဟာ ခိုင္ထြက္သြားေတာ့မွာသိလို႔ထင္ပါတယ္။ ပိုၿပီးေတာ့ ခ်စ္စရာေကာင္းေနတယ္။ မ်က္ႏွာသြယ္သြယ္ေလးနဲ႕ အ႐ြယ္ေရာက္ရင္ ဂုဏ္သတင္းေမႊးမယ့္ မိန္းကေလးမ်ိဳး။ သမီးေလး ခက္သက္လယ္ကိုေတာ့ျဖင့္ ခိုင့္လို အျဖစ္ဆိုးမ်ိဳးနဲ႕ မႀကဳံေစခ်င္ပါဘူး။

ပုခက္ေဘာင္ကို ေက်ာ္ၿပီး သမီးေလးရဲ႕ နဖူးကို ဖိကပ္ကာ နမ္းလိုက္တယ္။ ေဘာင္ေတြက ခပ္နိမ့္နိမ့္ပါပဲ။

ၿပီးေတာ့ ေဖေဖနဲ႕ေမေမတို႔ရဲ႕ အခန္းထဲကို ဝင္ၿပီး အိပ္ေမာက်ေနၾကတဲ့ မိဘႏွစ္ပါးကို ကန္ေတာ့တယ္။ ေနာက္မ်ားက် ခိုင့္လိုသမီးမ်ိဳးနဲ႕ မႀကဳံရပါေစနဲ႕ေပါ့။ အရာရာကိုပစ္ၿပီး တမလြန္ကခ်စ္သူ႕ေနာက္ကို လိုက္သြားတဲ့ သမီးမ်ိဳးနဲ႕ေလ။

ကန္ေတာ့ၿပီးေတာ့ ကုတင္ေဘးကိုသြားကာ ေမေမ့ေခါင္းအုံးေအာက္မွာ ေစာေစာကေရးထားတဲ့ စာကိုအသာထားလိုက္တယ္။

အဲ့ဒီေနာက္ေတာ့ ခိုင္ အိမ္ထဲကေန တိတ္တဆိတ္ထြက္လာခဲ့တယ္။ ၿခံအျပင္ေရာက္ေတာ့ ၿခံတံခါးကို သတိထားၿပီးပိတ္တယ္။

သိပ္ၿပီးေတာ့လည္း စိတ္ထဲေလးမေနပါဘူး။

ေနာင္တေတြ အဆုံးသတ္ေတာ့မယ္.....
စိတ္မေက်နပ္မႈေတြ အဆုံးသတ္ေတာ့မယ္....
ခ်စ္ရတဲ့ေဝ့ေနာက္ကို လိုက္သြားရေတာ့မယ္....

ကြၽန္မေခါင္းထဲ ဒါပဲရွိေတာ့တယ္။

September 14 , 2022 ,  Wednesday