بهاج كان واقف براء وثوبه كله دم التفت علي صوت بيت جده وصراخ الحريم وركض بتجاه البيت
تفاجئ ب ملاك تركض
ملاك ماكانت مهتمه ولا شافته وماكنت متحجبه حتي عبايه ماعليها 
دخلت البيت وطلعت الابر وخرجت وشافت بهاج وثوبه كله دم واغمي عليها من الرعب وهول الموقف

بهاج توتر وماعرف وش يسوي وااخوانها كلهم في المستشفي
لفها بشماغه ومشي فيها لبيت جده
دخل : ياااهل البيت طريق طريق
الجده شهقت : ياويلي ويلاه
بهاج : ياجده مافي شي يذكر كيف تخلونها تطلع وهي بهاذا الوضع؟
دخلت شيم تركض : الابرر بسرعه
بهاج عطاها شيم
شيم دخلت وحطت الابر وام بهاج ضربتها في يد حلا
حلا هدته نوعاً ما

في المستشفي ،،
العيال والجد وابو سلمان واقفين في الانتضار علي اعصابهم
طلق بصراخ: ايش ذا بفهم انا وش الي قاعد يصير
ابو طلق: طلق
طلق بعصبيه : حيوان اهو يوم انك ترفع السلاااح في وجهه بفهم انا فهموني ياعالم
نواف علي الارض يرجف ويبكي
سهم هادي ويهز رجله

طلع الدكتور : اهل المصاب
ابو طلق : احنا
الدكتور : الرصاصه مره خطيره عليه ولو تحركت شبر واحد فقدناه بس ماشاء الله قوي وتحمل معنا والحين بخير بس ماصحى
نواف وقف وضحك بهستريا وحضن سطام واحمد
ابوسلمان : عانوه بخير وش الدرما ذي
طلق بغضب : احلف اي بالله احلف
ابوسلمان : ياسعيد امسك ولدك لااثورها في راسه
طلق ضحك : جلمود وربي
سهم : بروح البيت اشوفهم اكيد خافو
ابو سلمان: مشينا كلنا وشوله ننتضر
الجد بعصبيه : قسم عضم بااايات الله لو تتكلم زياده لانك ولدي ولا اعرفك وغاضب عليك ليوم الدين
ابو سلمان بقهر فضيع : عساه لايقوم قل امين ومشي طالع من "المستشفي
نواف نزل راسه بنحراج من ابوه وسكت ج
الجد بحسره : والله مدري وش اسوي فيه شايب الشيب غزاء راسه وهاذي تصرفاته
طلق ضحك: جبروته يقهر
سهم بهدو: طلقققق ولا كلمه زياده تراه ابوي لاتخلينا نعلط علي بعض
ابو طلق : الحمداالله عدت علي خير بروح اسئلهم متي يطلعونه

بيت الجد >>
ملاك صحت وجلست ساكنه ولانزلت منها دمعه وحده
حلا نايمه بتأثير الابر
خديجه بستفزاز: وش له الدرما ذي كلها والله ان اليوم عيد ب نسبه لي
ملاك من بين اسنانها : امسكوها لااذبحهاا !!
شوق بطفش : خديجه وزفت ماني فايقه لك انطمي
خديجه بتحدي: وانا صادقه اليوم عيد والعيد الثاني يوم اسمع خبر وفاته
وقفت ملاك بجنون وعصبيه واتجهت ل خديجه وسحبتها من شعرها وبداءت تضربها : الفزعهه يبنت سعيد
شوق وقفت وشمرت ب اكمامها : انا بنت سعيد صدز احتزمممييي
ملاك وشوق نطو علي خديجه وضربوها ضرب لاله الي الله
ام طلق مسويه نفسها ماتشوف هي وام بهاج
الجده وقفت: ولعنه ولعنه فكيها ياملاك
ملاك بصراخ وهي تخرمش خديجه: انا اخت سلمان صدز تتمنين الموت لخوي واسكت لتس تخسين
شوق شدت شعر خديجه : وانا تتحزم فيني بنت عمي واقول لا تعقبين
دخل ابو سلمان علي الصراخ
ملاك انتبه له وخلت خديجه تشد شعرها وفكت شعر خديجه
وشوق طاحت علي الارض تمثل الاغماء
ملاك : اههه شعرييي
خديجه ماانتبه ل ابوسلمان : اطئ علي رقبتك انتي واخوك الحرمه
ام طلق صرخت : بنتتتتييييييي
ابوسلمان بعصبيه: خديجههه
خديجه فكت شعر ملاك والتفت ل ابوسلمان : هي هي الي بداءت
ماكملت كلامها الي وكف من حاتم (ابو سلمان)
ام طلق ارتخت لشوق : بنتتيييي شوق شوق
شوق همست : تمثيلل تمثيل ماعليس
ام طلق : حسبي الله عليس
حاتم بصراخ: البيت الان وشوي. لك حساب خاص والله لعلمك من يطئ علي رقبت الثاني
خديجه طلعت بدموع براء البيت
حاتم بحنيه : اوجعتك يابوك
ملاك هزت راسها : لا ، جلست بهدوء
الجده بعصبيه : وش فيه سلمان تكلم صح الي سمعناه
ابوسلمان : ايه مافيه شي وهاذ يصير علي الي يعارضني ، خرج من البيت

تسريع الاحداث (بعد مرور يوم )

في المستشفي >>>
نواف وسهم والعيال كلهم مجتمعين بعد ماقالو لهم ان سلمان صحى ويبي يخرج
نواف دخل الغرفه
سلمان عدل جلسته : طلعوني لاافصل الاجهز واطلع
بهاج : سلوم اركد وش نطلعك تراه مو حمى او سخونه تبي تطلع كذاء رصاصه في كتفك واليوم توك تصحى وتبي تطلع ؟
سلمان : كلامي وقلته وربي لااكسر الابره في يدي الحين واقوم لو ماتخلونهم يشيلوها
سهم : طيب بروح اكلم الدكتور
دخل الجد وابتسم : اليوم بخير بشرني عنك ياولدي
سلمان : بخير ياجد
الجد : يقولون انك رافض تجلس في المستشفي
سلمان : الي سمعتوه ماعندي غيره كلام
دخل سهم والدكتور وفصلو الاجهزه عن سلمان
نواف جاء بيساعد سلمان ويلبسه الثوب
سلمان صد واخذ الثوب : ماني عاجز
تنهد نواف : وكتفك
سلمان لبس الثوب وهو يحاول قد مايقدر مايضعف للالم
نواف بصوت يرجف : المشي مراح تمشي لحالك
سلمان رفع راسه بصدمه من صوت نواف : نواااف
تلثم نواف : انا قلت لك
بهاج : ياخي لاتكابر وخلنا نساعدك

سلمان وقف بألم بمساعده العيال ودفعوه ب العربيه للسياره

بيت الجد >>
البنات مجتمعين
حلا هاديه ك العاده وشيم تسولف عليها وتضحك
ملاك وشوق وملاذ وتهاني وسلمى (عمتهم )
سلمى بحماس : ابيس تقولين لي وش الي صار امس وصدز خديجه ضربتكن
ملاذ ضحكت : فاتك امس وش صار
شوق : ايي بالله ياان ضربناء خديجه ضرب
سلمى بطفش: جعلكن الي ماني بقايله وش الي صار تكلمن
شوق شرحت لها بذمه وضمير
سلمى انفجرت تضحك : ياوجد حالي عليس ياخديجه اكيد ابوك ماخالها امس ومسح بوجها التراب
ملاذ : تأكديي من امس لا لها حس ولا خبر حتي البنات نامو هنا
ملاك تنهدت : سلوم ياويلي عليه يبنات
ملاذ بستغراب: وشوله عمى يصوب علي ولده الكبير ؟
ملاك بعجز: مدري مدري ابوي يضربه يهينه يهاوشه اما يطلق عليه رصاص ليه سلمان شيخ القبيله وشوله تسذاء
سلمى : ابوك ماندري وش السواه معاه

دخلت الجده : وش  فيس انتي وهي متجمعات هنيا تحشون في خلق ربي
سلمى اخذت الفصفص وكملت تفصفص : لا يمه حرام عليس احنا بس نقيمهم ونتحسر علي حضوضنا
الجده ضربت سلمى ب العصايه بخفيف : ولعنه مايحتاجون تقيمس ويعتبر حش بخلق الله قومي سوي قهوتس بيجون اخوانس وابوك بسرعه
سلمى وقفت تتحلطم : وهذولي ليه مايقومون شمعني انا
شوق نزلت فنجال الشاهي : والله ياعمري البيت بيتس مالي علاقه
ملاذ:صحيح
ملاك : انا تعبانه نفسياً
تهاني : انا لحد يكلمني معرف اسوي قهوه
شيم : انا اسولف مع حلا ماني فاضيه
حلا : انا اسمع سوالفها برضو مو فاضيه

الجده : صادزه شوق البيت بيتس(ك)

الباب دق
الجده : ويحده منكن تقوم تفتحه
كلهم ناضرو ملاك
ملاك وقفت : حسيبكن الله ،،، راحت عنذ الباب : مين
احمد وسطام: احنا
ملاك مسكت راسها : شتبون
سطام واحمد : امهاتنا
ملاك همست: اطفال وش يبون في امهاتهم
احمد : تراء سمعناك
ملاك : طيب بفتح الباب وانتم خذو خمس دقايق وادخلو ، فتحت الباب وانحاشت : بناتت تعالو قسم الحريم العيال بيدخلون

( وننتهي من بارت٤ انتضرو الباراتات الجايه ،، يبنات اعيد واكرر اعطوني رايكم في الروايه وابي منكم تحفيز بنجمه وكومننتتت ضروري وان شاءالله تعجبكم وانتضرو الباراتات القادمه بتكون دسمه ))

الكاتبه : هيام ✍🏻