بهاج وصل المستشفي ونزل يركض: طوااارررييي
دخلوها ومن طلع الدكتور منقهر: ايش هاذا العنف الي تعرضت له البنت متعرضه لجروح في ضهرها قويه ويدينها وجسمها كله متورم من الضرب وفيه اثار ونزفت اذا صحت مانقدر نطلعها لازم نجيب محقق يحقق معها
بهاج مسك راسه: يعني حالتها كيف
الدكتور: ماتقدر تحط ضهرها علي السرير يالله ثبتنها
بهاج عرف ان امه السبب وخاف ان ملاذ تتكلم ويروحون فستين داهيه

سلمان مسكو العيال ولا يبغون يتركونه وكلهم فوق راسه يهدونه
سلمان ناضرهم وصرخ: والله مااخليها والله ماتروح ساهل والله وشوفوني حلفت ب ايات الله مااخليها وانا ولد فهد هين هين ضربتها ب السوط لو انها ايش!! حيوان عندها تسوي فيها كذا مرض امهاااااا وش خلت لللغريب
احمد انقهر وراح ل امه : هاهه يمه وش فادك الضرب الي طلع كلام شجاع كذب وسلمان خطب ملاذ من بهاج وجدي وملاذ دخلت خلف وطلعت وش وجهك من بنتك يوم ضلمتيها وضربتيها وانتي تدرينها ضعيفه ماتقدر تدافع عن نفسها !! كيف سطيتي تضربينها
ام بهاج سكتت بصدمه وضيق : هي السببب مالي دخل انا لو تكلمت ودافعت عن نفسها واكثر من مره اشوفها تتكلم عنه واكيد بينهم شي تباها تطيح وجهك انت واخوك !!!
ملاك جالسه تبكي وشيم منقهره : يمههه بنتتتك كيف تشكين فيهااا تضربينهاااا ليهه يمههه
ام بهاج جلست بدم بارد : والله ان بينهم شي والله مايتزوجها

الجد جالس ومتنكد كيف صدق اخس انسان وهو يعرف دشرت عيال صالح صدقهم علي سلمان ومد يده عليه وقدام الكل!!

شوق دخلت : ياجد اسمع ابي فلوس بروح اشتري من البقاله
الجد ناضرها ومنجد هاذي الانسانه في عااالم ثاني الناس تذابح وتهاوش وهي تبي تشتري : منجدتس انتي؟ شايفه احد فاضي مشاكلنا من كثرها فوق روسنا وانتي تبين تاكلين !!؟
شوق : يعني يعني تبيني ابكي عائلتنا من وانا بزره وانتم تتهاوشون وتتذابحون شي عايدي جداً جدي منجد انت ماتعودت علي المشاكل والذبح والضرب والحرق انا صرت اشوفها شي طبيعي وروتيني
الجد اقتنع؛ امسكي ٢٠٠ وجيبي للبيت كلهم عيال وبنات علساس يهدون
شوق لبست عبايتها وطلعت لحالها سلمى تبكي هي والبنات علشان كذا ماقدرت تاخذها

في المستشفي )))
بهاج بعد ماطلع المحقق من عند ملاذ دخل وشافها منسدحه وتنفز ركض لها بخوف: ملااااذ
ملاذ رفعت يدها تحسبه بيضربها
بهاج باس راسها: تنكسر يدي يارب تنكسر اذا مديتها عليك لاتخافين ياخوك انتي شريفه وانا مصدقك
ملاذ بكت: تعبتتت يبهاج تعبتت اكثر وحده انتم كلكم تشوفونها تستحمل عصبيه امي من واحنا صغار انا واقول امي هاذي واستحمل كلام حتي ماينقال قالته لي وانا ماسويت شي وضربتني
رجفت وبكت زياده : يوم تضربني شفت في عيونها الكرهه مستحيل توقف معاي وتقول لااا هاذي بنتي ماتسويها
بهاج حضنها : هانت ياخوك امك وش تبيني اسوي مقدر اقول لها شي وابتسم ، وبتتزوجين سلوممم حبيب قلبتس وتفرحين
ملاذ ناضرته بصدمه
بهاج ضحك: تراء من وانتم بزران واضح تحبون بعض واعرف ان مابينكم حركات واعرف ان الي بينكم حب صادق وان سلمان مو ضاحك عليك وبيتزوجك واعرف انك شريفه ومحد لمسك وكلام شجاع يعرف وين يحطه .اعرف كل شيي واثق فيك انتي من لحمى ودمي كيف مااثق فيك ؟؟؟
ملاذ حضنته: اثار الضرب؟؟ الي يضحك تعرف ايش؟ ان امي شوهتني

شوق دخلت البقاله: بابا هنود انا في شيل هادا كلو بقاله وانتا شيل ٢٠٠﷼ واذا مافي كفي فلوس انتا شيل اكياس انا ونروح عند بابا عجوز يعطي انتا مليون ريال
العامل يعرف شوق وهبالها لئن بقالته جنب مزرعتهم ويعرف حتي الجد وكلهم : انا اعرف انتا فيه ماجنون وعلي بابا كبير
شوق شهقت : انا علي بابا طيب اسمع عندي عرض يعجب انتا
العامل : فيه يعجب انا اعطي بقاله كلو انتا واشيل كياس بيت
شوق مسكت الضحكه: تعرف مارلينا شغاله حقتنا ؟ ازوج انتا هيا تراء مره حلوه مزززه درجه اولي
العامل ابتسم: يالله شيل انتا علشان ودي اكياس بيت واتزوج هادا شقاله
شوق اخذت اكياس كثيره والعامل سجلها بأسم الجد وشال الاكياس
شوق دخلت الحوش: خلاص شكراً
العامل ناضرها: ومارلينا!!
شوق شهقت: اخطبها من جدي ، اخذت الاكياس ومشت توزع عليهم وكانت متحجبه علشان طلق مايهاوشها
مشت ل سراج واحمد وتركي: جدي قال اشتري لهم ف خذو يارببب هرار يقطع بطونكم ا
سراج شهق : ليه !! حيوانه انتي
شوق كشت فوجيهم : علشان الشمس ورايحه اجيب لكم
احمد فتح الايسكريم : خفي علينا يالسديس

شوق طنشتهم ومشت عند نواف ومدت ايسكريم مانجو
نواف ابتسم لئن محد يعرف انه يحب المانجو الي شوق : شكراا
شوق طنشته ومشت

سطام واقف يطالع بطن غرام : يويلي منجد يحرمه بطنك يتحرك ولا انا مجنون ؟ لايكون الاكل اختلط مع ورعي !!!
غرام مسكت راسها من غبائه: انت ورع صغير بفهم بالله عليك بكره اجاوب علي اسئلت ولدك ولا علي اسئلتك سطام تكفى اسكت
سطام كان يناضر بطنها : اههه منتضر اليوم الي اشيله وابوسه ويقولي صدام
غرام ضحكت : الي بيقول لك صدام خلف مو ولدك مدي بنتك  يقولون بابا
سطام ابتسم: وش رايتس نروح البر
غرام ابتسمت وكانت بتتكلم
شوق نطت بينهم : امسكو جبت لكم من البقاله يغربان الحب
سطام هز راسه : يامن شراله من حلاله عله افهقي ( بعدي) عن وجهي
شوق شمقت: من تزوجت القرده ذي وانت مستكبر تراء يمكن تولد وتموت لاتفرح
غرام وسعت عيونها وناضرت سطام
سطام ركض وراء شوق وشوق انحاشت تضحك

الجد جالس ودخل عليه ابو شجاع: امسحها بوجهي ياسعد والله مايصير غير الي انت تبيه ابشر
الجد كان هو وابو شجاع اصدقاء وعشرت عمر ومستحيل يزعل منه: لا يااصالح اخوان احنا مانزعل من مشاكل ورعان

دخل بهاج وملاذ معاه ، وقف بهاج السياره وساعد ملاذ
سلمان ركض ووقف قدامها وناضرها ولااهتم ل بهاج ولائي احد وبخوف عليها : كيفتس وش جاتس لاتقولين تعورني وش يوجعتس ؟ تونسين شي منه مناك ؟ بهاج وديتها ايات مستشفي ؟ وش قال لها الدكتور ؟ ملاذ يعورك شي خف الوجع ؟!!
بهاج ؛ بخير الحمدالله لاتخوفها واخطبها تراني ودي ادبغك كيف تكلمها كذا مايجوز
سلمان ناضره : علساس ماكنت تكلم ملاك
ملاك انحرجت
بهاج سكت وفيه ضحكه
سلمان ناضر ملاذ: فيتس شي يوجعتس شي والله لحرق الي يمد يده عليتس وانا ولد فهد
بهاج بصدمه: سلمااااان !!
سلمان طنشه: ملاذ تكلمي
ملاذ ناضرته بدموع من شافت خوفه عليها
سلمان صد وحط يدينه علي راسه :  مااااحبببب دموعتس ماحبهااا لاتبكين والله لاااهد المزرعه عليهم والله العضيم
ملاذ بكت زياده ودخلت ماقدرت تتلكم وبهاج موجود
سلمان صرخ عند مدخل الحريم : اعرف ان الكل بيسمعني ورب المصحف لو اشوف وحده بس تتكلم ولا تخطي علي ملاذ ماتشوف خير

طلق صحى وطالعها جالسه بهدوء استغرب: وش فيتس مارحتي
عنود ناضرته بكرهه وطنشته
طلق انقهر من نضراتها واضح انها كرهه : حتي انا اكرهتس ومادانيتس يمعقده وماني مسوي لتس عرس خلاص خطبه تكفي
عنود ناضرته ووقفت ومشت بتطلع
طلق مسكها مع معصمها وسحبها : هوب هوب وين رايحه ؟ بدون عبايه وبدون اذني يبزره؟ انقلعي داخل بس وان شفتس تجرحين في يدك ورجولتس والله لهفك بكف والباب بطلع واقفله ولاتحسبيني رجال عمتس حمود مسويه رقيقه ماتتحملين الضرب نسينا حمود؟؟؟
عنود انقهرت ودفعته
طلق ماتحرك شبر من دفعتها وناضرها وضحك
طنشته ومشت جلست منقهره
طلق طلع وضحك: لاتحمليني اصير حمود واقطع العقال علي ضهرتس اسمعي الكلام واهجدي ، قفل الباب
عنود لفت الغرفه تدور شي حاد ماحصلت الي المرايه وفكرت تكسرها بس خافت من طلق وجلست

سراج واقف: العيد بقي عنه يومين وش خلصتو اي ولا شي اكيدد لاشرينا ولا شي مابوه ملابس
نواف ضحك: فصلنا ثياب واحمد فصل علي مقاس ثوبك ذاء
سراج حضن احمد: والله اني احبن ذا الولددد
عمر جاء يمشي ومعاه فارس
احمد اشر لفارس : هلا والله ب النسيب
سراج ناضر عمر : سحبتن علي يورع
عمر ضحك : لا انتي الي سحبتن علي الي طلق وينوه ؟
طلق جاهم يمشي من بعيد: هلا واللههه
عمر سلم عليه وهمس: كيفها ؟ تركت العاده؟
طلق هز راسه بتمثيل الحزن : لاوالله والله ان قلبي تقطع عليها بعد قلبي
عمر سكتت وكملو سوالف

ملاذ دخلت وشافت امها ومشت بتسلم عليها
ام بهاج صدتت وطلعت غرفتها
ملاذ سكتت بضيق وجلست
ملاك والبنات تجمعو عليها يسألوها كيف صحتها وليه وخ... وكملو سواليف

غرام وسطام>>
غرام جلست هي وسطام في البر
سطام ضحك : العيد جاي ماتبين تقولين لي قصيده تغزلي تغزلي تراء كل البنات حاسدينك علي
غرام ضحكت اكثر : اهه بطني فطست ضحك صح انك حلو بس محد ميت عليك الي الخبله الي قدامك
سطام : اسلمي
غرام قالت :
          لـك ف الــحشاء مـكـان عن الـناس زايـد
             وابـتـسامـتـك للقلب هي يوم العيد

          لا تلومني دام حبك في داخلي زايد
          و العيد شوفتك ي اجمل من العيد .

سلمان ارسل خلف ينادي ملاذ مو متطن عليها
ملاذ تحجبت وطلعت ناضرته بهدوء
سلمان بتوتر وخوف عليها : اسئلتس بالله تريحين قلبي فيتس شي ولا لا يوجعتس شي تكفين ريحيني والله كن ماء مغلي منكب علي تكفين ريحيني
ملاذ ناضرته بحب وعيونه الي تنطق وتقول اييي انااا احبكك انتي واكيد بخاف عليك : لاتشيل هم والله مافيني شي مير وجع خفيف وراح هه شوفني مافيني شيي وربي
سلمان صغر عيونه: اكيد!!
ملاذ: ايييي
سلمان ابتسم: وش رايتس خطبتنا وعرسنا بدري  ابي اعيد معاتس ابيك كل اعيادي وسروري وكل نبضات قلبي وكل اشواقي ومحبتي لك انت
ملاذ ابتسمت ودخلت : الي تبيه ياضي عيوني وفرحه سنيني

خلف زعلان وجالس في الركن
سهى جته تمشي خليفففف وش فيك زعووول
خلف : ماحبتم ( مااحبكم) لئنتم حونات مله ليه حابسيني هنا ماني نونو انا رزال (رجال)
سهى: يالله اطلعك امش معاي
خلف نط وحضن سهى: انتي حوه (حلوه ) مله احبت (احبك )
سهى ضحكت ومشت معاه للحوش ؛ انطلق ايها الشبل الصغير
خلف ركض يضحك لمجلس الريجيل
سهى استغربت عمر مو فيه : وين راح ذا
عمر طلع من ورها: وراتس
سهى نطت : يمااا فجعتني عمر خفت
عمر ضحك: بسم الله علي قلبتس الا ماشفتي العنود ؟
سهى هزت راسها : لا نايمه هي وزوجها اتوقع
عمر استغرب يوم كامل ماشافها
سهى ابتسمت : وينك من امس ؟
عمر : والله كنت مع فارس والعيال وانشغلت ويوم فضيت جيت الحوش وماشفتس

طلق دخل وناضرها ضامه رجولها ومحط راسها ونايمه ، مشي لها وجلس جنبها يلعب بشعرها
عنود حست فيه ومالها خلق تصحى وتسمع كلامه الي ب النسبه لها سكاكين وعلي جرحها
طلق حب يعدل جلستها او نومتها وسحب رجولها بشويش وانصدم من كميت الجروح واثار حرق نزل راسها وانسدح جنبها يطالع وجها ويلعب بشعرها بهدوء
عنود توترت وغطت وجها ب اللحاف
طلق عرف انها صحت : معقده واعيه ؟
عنود رفعت اللحاف ووقفت واشرت بمعني لاتنام جنبي
طلق ضحك بستهزاء: فوق ماانك معقده ومريضه نفسيه ومشوهه نفسك جسدياً صماء ياربييي انااا وش بلاني فيهااا !
عنود طنشته وحاولت تفتح الباب بس حصلته مقفل
طلق : والله ماتطلعين من هنا بس تسلمين علي اخوتس يمعقده وتنامين واذا رجعنا الديره باخذ اخر بيت فيها علشان احبسك يمريضه
عنود انقهرت من كلامه ودخلت الحمام وقفلت الباب وكسرت المرايه
طلق فز يدق الباب بخوف: افتحيييي بنتتت !! خلاااص افتحي والله مااقولك شييي افتحيييى
عنود صرخت لااراديا ومو اي صرخه صرخت بقوه لدرجه طلق ارتعب هي ماتتكلم كيف ؟؟
عنود ضربت ب يدها علي المرايه وانكسرت وجلست علي الارض تقطع في يدهاا وهي تبكي بقهر تراكمات من وهي صغيره وتسكت وشافت امها وابوها يموتون قدامها وديم وانضربت هي وعمر ضرب من حمود ويوم قالت هانت يجي طلق يزيدها
طلق خاف وماقدر يتحرك : تكفين افتحي
عنود صرخت : لااااااااا لاااااء
طلق كسر الباب وركض لها من شاف يديها تنزف
عنود دفعته وبتأتأهه : ب عععددد ع عنييييي

( ادري البارت مو طويللل وادري انو تأخرت عن الموعد بس الي متاكده منه بينال اعجابكم 🤭🤭..
قرااءه ممتعه
حفزوني نجمه كومنت 💓💓