طلعت من المحاضرة كعدت بالسنتر

وإني أتأمل حلقه الخطوبه الي بيدي

صافنه وافكر بالمجهول ما اعرف شينتظرني

ما احس عندي مشاعر لا لليحبني ولا الي قبل كم يوم صار زوجي أمام الله بعقد قران

مشكلتي بارده ولا يوم تفاعلت ويا المشاعر من جنت صغيره مدلله بابا لان اول طفل اله

وكلمات الحب تشبعت بيهن من بابا وماما وبيبي وجدو ومن الكل حتى من كبرت ابن عمي جبير بس يبقى يكلي احبج واموت عليج

ولا يوم حسيت بهذني الكلمات من اي احد ولا راح احس بيهن

زين إذا عرف اني انخطب وعقدت على غيرة شراح يسوي

نوران شبيج اكيد حيتقبل ويسكت شراح يسوي مثلا

اني صرت بأسم غيرة صرت زوجة غيره خلاص ما لازم حتى افكر بي حرام ميصير اخون زوجي حتى لو بخيالي

وإني بنص تفكيري رفعت عيني وإني اشوفه يمشي بتجاهي وعيون شرار من الغضب

يا ربي شسوي كمت على سريع خل اروح ما اريد احجي ويا

هميت جاي ارجع للقاعه. بس ما لحكت جان اسرع

لزمني من ايدي حيل حسيته حتنكسر

اريد افلت ايدي ماكو واباوع اخاف احد يشوفنه

.... اوكفي خل احجي وياج

..... ما عندي اي كلام وياك عوف ايدي

حجه وهو يباوع على البنات الصافنات علينه

..... نوران لا تفضحينه امشي

جرني وإني دفعته من ايدي ومشيت ورى بعد مسافه بيناتنه

راد اصعد بسيارته ما قبلت

.... ولج مو وكت اعنادج وعلي الفحل صاعدت لهنا " ويأشر على خشمه " بالقرآن اجنزج تجنز فوكها انتي ام راهية

.... لا تفضحني كدام جامعه شيكولون من اصعد سيارتك

.... اشك حلكه اليحجي اريد اشوف كو** يفتح حلكه صاعده ويا غريب انتي ابن عمج اني

.... مااا ما اصعد

وانتجيت على سيارة مطنكرة

.... يعني ما تكدرين اله طلعين التيس الي بداخلج

فتح باب الصدر وجراني حيل كعدني وسد الباب حيل

اخذنه لكافتريا بيها كابينات معزولة طول طريق ساكتين وهو يشرب جكاير

.... شتردين تشربين

.... ما اريد شي

.... هو بكيفج ما تردين كاااابتن جيبلنه عصير بارد بهل حر مو متنه

.... اي ست الحسن والدلال شنو هذا القرار المفاجئ من ابوج بفسخ الخطوبه ومرجعين الحلقات ونيشان

.... ولهان خلاص الي بينه انتهى وماكو شي يربطنه

.... لا والله وإني امشي بكيفج وبكيف ابوج شوكت ما عجبكم تفسخون لعبه عد الخلفوكم اني

.... عساس تغشم نفسك ترة شفت صورك الخزي ومستحيل اقبل اتزوجك

رفع رأسه بعد ما جان مدنك ويستمعلي

.... يا صور

.... غشم نفسك كلش متعرف يا صور خطيه

... احجي عدل يا صور

... صورك الويسكي بيد ونسوان بحضنك عرفت يا صور

.... لا والله هاي صور قديمه من جنا بأيران الفين واربعه هاي من جنتي بالمتوسطه والله وحق الحق تبت نوران اني مستحيل ائذيج حتى لو بريشه ما ائذيج من جنت صغيرونه انتظرج تكبرين علمودج حافظة على صلاتي وعفت كلشي بالماضي هسة احنا ولد اليوم رجعت مشيت على طريق مستقيم

.... على العموم هذا مو مهم ولهان القرار انحسم صار ٣ شهور وين جنت أنته

.... شنو قبل شكد وليش محد كلي تستغلوني لان إنذار ليش ما كلفتو نفسكم وخابرتو

.... احنا انطينه خبر العمو وهو كال ما اكولة لان إنذار ما ينزل باقي باسامراء من ينزل عود اكوله

صفن وباوع عليه لجح الحلقه بيدي اني كبل ضميت ايدي وكمت

... عندي محاضرة تأخرت

.... اوكفي بله تعاي بس خل اشوف

ما رديت وبسرعه طلعت صعدت عبريه ورجعت للبيت رأستن

دخلت للاستقبال الهث من كد ركض

نزعت الحذاء جاي انزع بحجابي ماما اجتي

.... ها الله يساعدهم مبينه تعبانه تلهثين من تعب

.... يوم ولهان اجا للجامعه ويكلي ليش فصختو الخطوبه

.... يا وهو هسة يلا درى

.... الظاهر هستوة نازل وعرف

.... بس لا كلتيله انخطبت

.... لا ما كلتله خفت خلي بابا يكولة

..... اي يوم احسن اصلن اني ابد ما ردته الج ابو سوالف مكسرة همزين تلاحكنه الابوج وقنعنه حتى يفسخ ترة اني ادرى بمصلحتج من ابوج ميفيدج غير نجم ابن اختي وأعرفه تكدرين تسيطرين عليه تعرفين رجال هلعشيرة فقرة بس نسوانهم وكحات وانتي بت دلال ومتعوده طلعه طبه براحتج وصديقاتج وعزيماتج هذا ولهان معقد أمه ميخليها تختلط ويا الجيران

هويت راسي بحيرة

... شبيج يوم شو احسج ما قابله

.... لا بس حايرة اني ما اريد اتزوج ولهان صح بس مو بعد وقت ليش ما نأجل لورى تخرج

.... يمعوده بكيفج انتي عروستنه الحلوة دللي بكيفج بس كون غراب البين ما ينك

..... هفففف

..... شبيج توزعين حسرات

.... تعبانه وكلشي سلبي موجود بيه حروح اسبح وانام

.... ما تتغدين سويتلج كباب عروك وعزلت الج وحد بدون لحم

....لا ما أشتهي

..... براحتج

رحت سبحت وبدلت ونمت نومه عميقه ما اريد افكر بشي تعبانه

ما كعدت غير على اتصال من نجم

باوعت على رقم بتشاؤم عفته ما رديت مالي خلك شي

فصل ودك من جديد

.... هففف هسة من ما رديت غير يحس وما يدك استغفر الله

رفضته وكعدت اغسل وجهي

.... باباتي مو زين لا دخلين الحمام بالغروب

ابتسمت من سمعت صوته

رحت ركض الحضنه ودخلت وجهي بصدره

.... بابا مشتاقتلك

.... اي بابا حقج هو وين شايفتني إذا مخلصتها نوم وانترنت حتى دراسه اخر همج

بسته من كتفه

.... حقك عليه بابا بس ملل شسوي

.... اي شسمويه ما مسويه

.... كلشي ماكو مالي خلك شي وربي

.... امج كالت ولهان اجا لكليتج

.... اي بابا عفيه كلة لا يجي بقه يجرج بيه ويكلي ليش تفصخون الخطوبه وهو بكيفكم ومدري شنو

جاي يحجي بابا ماما حجت بداله

.... يونس حاجي اخوك خلي يحاجي ابنه لا كل شويه جاي على جامعه وفاضحه

.... هو حنخلص منه ابو كال لا تكلولة على خطبة نوران راح يروح دورة سنتين بلبنان وهناك عود نكله

.... شنو احنا خايفين منه

.... وفاء شهل الحجي شنو نخاف منه احنا ناس نتجفه المشاكل مالنه خلك

همة يتناقشون وإني نايمه بحضن بابا صافنه بغير عالم عالمي الخاص

اريد اعيش بغير دولة واكون وحده مشهورة وهواي مشاريع وأمنيات بالي وبس ويا نجم اكدر احققهن

بابا كام صلاة وماما تاحجيني وإني مويمها

.... لج صخيمه مو صار ساعه احاجيج

.... ها يوم والله اسفه ما منتبها

.... نجم خابرني يريد يحاجيج ما تجاوبين ورافضه المكالمه ليش

.... يوم مالي خلك احجي شيريد

.... يريد ياخذج وطلعون تتونسون

.... هلا شغله بيها طلعه شلبس

.... البسي هذاك الفستان الجبته الج قبل كم يوم

.... لا خل اشوف كنتوري

بقيت ادور بملابسي على شنو البسه والمكياج وكذا

لحد ما خابر نجم كال اني بالباب

طلعت ركض وصعدت سيارة وهو يباوعلي ومبتسم

.... هلا بالغاليه

وباس ايدي

ابتسمت بوجها

.... شلونها مرتي لا تسئل لا تخابر بالذات

.... تعبانه وربي هستوني اصلن كعدت من نوم

.... حقج يأبه المهم وين تردين نروح

.... ما ادري بكيفك

.... لا شنو بكيفي غير مرتي انتي وتدللين عليه

.... ممممم اريد اروح لشي مكان بي بحر ونكعد نتأمل وكذا

.... لعد خل نروح للجزيرة شنو رئيج

.... اوك

توجهنة للجزيرة وهو كل ما يصير ازدحام وتوكف سيارة يأخذ ايدي ويشبكها بيده ويطك صور رمزيات

لو يصور ستوري انستا على اغنيه رومنسيه نرددها اني ويا

بس مشكلته جنت احس بشويه أنوثة بطريقه كلامه وحتى بشكله جان ما مربي لا لحيه ولا شوارب جان ابيض بنفس درجة بياضي ومعتني بنفسه من ناحيه ماسكات خلطات للوجه
بس مع ذلك مرتاحه ويا لان هاي حياتي الي ردتها متفاهمين وإني ويا مشهورين انستا وهادئ ويلبي كل الي اتمنى من سفر ولبس وطلعه

طلعته حلوة ابد مينك ونمشي بهدوء وصابر على طلعة نسوان

وصلنه وحطينه سيارة بالكراج خله ايدي بيده ونتمشى نكص كارت دخوليه

جان على نهر ونمشي ودخلنه للالعاب هوسة اغاني

صعدنه سيارات وثنينه نصور ستوري لوحد يدعم لاخ وسلاسل العاليه خله رأسه على كتفي

ويصور نفسه وهو خايف وإني اهدي بيي

وسينما يصرخ وياي على الواهس ومن خلص الفلم ابو السينما شغل اغنيه رومنسيه وخله الاضاء الديسكو تشتغل بهدوء

لحد ما تعبنه وكعدنه بصف البرج نتأمل البحر

.... ما جعتي ترة حموت من جوع

..... اي كلش جعت

..... شتاكلين

.... مثل المعتاد

..... والله تاليتج تكلبيني نباتي مثلج

.... ها شعليك بيه هههه شلون شغله

.... اكولج نوران بشرفج ما تشتهين دجاج لحم صاج كص شلون بس فهميني

..... لا من زمان اني طبعي وسواس وبيبي من اجت من الحج ذبحو بقره كدامي ولعبت نفسي من كل لحم بعد ما اكل

.... مو خوش شغله هاي يعني انتي قبل ما شايفه دجاج ينذبح لو طلي لوغيرها

.... لا متعرف بابا ابد ميحب زفر بالبيت بيضه إذا كلينها ميدخل البيت فلهذا الي يشتهي شي دسم يطلبه من برة

.... هااا شغله وراثه اي لعد يأبه حقج

كام جاب جبس وفنكر وصعدنه سفينه كعدنه طابق ثاني وناكل وسفينه تتحرك بالمي

..... هسة

..... نروح للبيت رجليه توجعني من الكعب.

.... متوازيه خوما متوازيه يا روحي بعد كعب لا تلبسي يئذي رجليج.

صعدنا سيارة وطول طريق يتغزل ويصور ستوريات لو صور

وصلني للباب البيت بوسني من خدودي ويجر بيهن

.... كافيي ماااا

.... شيخلصج مني بعد ام خدود اموتج إذا ذبلن هلخدود

ابتسمت بينن خدودي وهو يجر بيهن

التفت جاي اطلع وجان اشوف ولهان يتقدم باتجاه سيارة

خفت ما اعرف شسوي وهو شكله شافنه من بوسني

.... نجم روح بسرعه حرك

نزلت وإني اكله هلكلام

.... شكو نوران جبان اني

راد ينزل كتله هذا ابن عمي ميدري الله عليك روح

جان ينزل من سيارة

ولهان لزمه من ياخته وهو ما مفتهم شنو سالفه

ونجم يضرب وهو يضرب على صوتهم طلع بابا وعمي

طلعو جاين حتى يرجعوني

وهو سامع اني طالعه ويا صديقاتي منتظرني بالباب حتى يرزلني على راحته بدون متدخل ماما

ماما دخلتني جوة البيت والمشكله عالكه برة

وبابا عود يهدي الوضع كال خطيبها لو ولهان انجن

يردون يلزمونه ميكدرون

سوة نجم جنازه ونوب دخل للبيت اجه عليه

ويفشر ويغلط ويسب يريد يلزمني بس ماما خلتني وراها

.... شفت يونس تريد تنطي بتي لهل مخبل كلي من تتحمله يريد كوة يأخذ بتي ويسويها مكفخه اله

ولهان سمع ماما هشكل كالت لو تخبل بالزايد

بالكوة لازمي يريد يهد على ماما ويغلط ويسب انتي هشكل وهشكل

ما سكت ولا كدرو يسكتو لحد ما قالونه العصبي كام يضرب عليه يلا هدة شوية

كلنه نعرفه مخبل العائلة ويريد كلشي اله زين اني مو زوجته وسوادينه هشكل وياي إذا تزوجنه شلون

كاعد على درج أمه تهدي بي وهو ولا يمه عايف الكل والخزرات متواليه عليه

اريد اروح لغرفتي بس خاف يفوتني شي

كام وتوجه عليه وأمه لازمه أيده وتجر بي يبتعد

وتكله شجلبت بنوران اجيبلك سيدها

وهو ولا معبر كلام أمه

لزمني من ياخت قميصي امي وابويه يوخر بي ماكو وأخو يجر بي من ضهرة ماكو ولا يتحرك الخبل

عساس يخوفني بس اني نوران ما اخاف بس من ربي

.... اسمعي لج هسة تخابرين ***** وتفسخين الخطوبة وحسابي وياج بعدين

رفعتله حواجبي ولزمت أيده اريد اوخرها ادفع بيها حتى القميص حينشك

.... ما افسخها وازيدك هم احنا عاقدين قرآن وحنتزوج شتسوي سوي

اتفاجئة بردة فعله عافني وطلع

وأمه تعاركت ويا ماما صارت هوسة

وكل وحده السانها رشاشه

هاي دكول حتموتون ابني الحيايه العكارب

وهاي دكول ابنج المخبل منريده شوفي منو تتحمل سوادينه

وعمو طلع مرته كوة وبابا ارتفع ضغط وتخربط راح هو وجيران ودى للمستشفى

الشي الي ضحكني بكل هلمعركه اخويه مو صغير تقريباً سادس ابتدائي وكل شويه يركض على ولهان يكتله بجلاق لو جايب خشبه الماسحه لو يعض بي لو يخرمشه

ههههه وجبرائيل ناعم كلشي بحيث محد يشوفه

ولهان ميحس بضربات جبرائيل حتى كسر الماسحه وما حس

سئلت على نجم ماخذي للشرطه الحقير ولهان مخبر شرطه عليه فوك ما هو متهجم

كعدت بالمطبخ ناكل اني وجبرائيل لان صرفنه طاقه هواية

شفت هاي العلاكه الصفرة الجبيرة الي بنصها وردة حمرة

فتحتها كلعاده ولهان مو هناك عنده وجبتة فيضمها إليه حلويات وعصاير

طلعتهن اكل

غصيت صراحه هو ولهان كلش طيب متلكه من كلبه بس الي يخرب عليه عصبيته يفقد من يعصب ميدري بروحه وبنفس الوقت مو اجتماعي ابد حتى جيران ميخلي عائلته تختلط بيهم رغم همة منطقه شعبيه

وإني مو من هذا نوع صح عصبيه بس مو خبالو مثله وكلش اجتماعيه

هو بنفسه كلي من تصيرين مرتي لباب البيت ما اطلعج اريدج الي وبس

وإني من هاي لحظه ردت بس افسخ الخطوبه لحد ما اجتي للجامعه وحده شكلها مو راحه وانطتني هاي صور وتتوسل اعوف ولهان حتى رادت تبوس ايدي لو ما وخرتها

ثاني يوم ما رحت للجامعه خاف يجي هناك كلت خل تهدى الأمور

ورها ثالث يوم هم ما ردت اروح بس ماما كالت شنو نخاف منه خلي يولي

وصدوك بدلت وصلتني ماما ورجعت

رحت كعدت يم صديقاتي سولفتلهن اني من نوع ما اضم شي كلشي اسولف

واسولف صديقاتي غمني كالت عافتي ولهان واجيتي على نجم جبان

.... لج لا تحجين على نجم

.... كوة قابل تجملينه الولد ما ينبلع جنه ابنيه وجها احلا من وجهي

.... بس حلو وإني ويا متفاهمين

غمتني وكالت

... ولج ما اعرف شنو ذوقج لو منج والله لو مو يحبسني بالبيت لو يخليني بقوطيه هم اقبل انتي شايفه شخصيته شلونها

..... منار كل واحد وذوقه

.... لج يا ذوق غير البارحه اجه للجامعه ولابس عسكري بنات جامعه بس يردن يحجن ويا خوب حنان كطعت نفسها وهو ولا يمها بقه كاعد بالسنتر يراقب جنه صكر شويه ونوب راح لمركز العماد وطلع

.... شفتي جهرته مو حلوة

..... ما الومه من يطلع سوادينه عليج والله اكلها شخصيته تكلي جهرتة عمي حتى جهرتة حلوة بس انتي متعافيه

.... انتي بس اسكتي متفهمين شي قفلتي على ولهان اخطبه الج

كامت تسولف للبنات على شكله وهنا وياها يحاولن يقنعني

..... نوران شفتي طولة شلون يخبل نوب قيادي وشخصيته تخبل هذاك اليوم شفته مسوين ويا لقاء شنو لباقته شنو ردوده حتى المذيع ضل صافن

.... ترة اعرف هو ابن عمي شايفته اوك

.... نوران انتي شايفه سمارة وعيونه البارز لونهن النرجسي

... اهو بعد لزكتن بعد

..... لج نوران بشرفج اقبلي بي اني اول مرة اشوف هيجي لون شعر لا هو شيب ولا رصاصي يخبل من بعيد عبالك شگار

.... وانتي شايفه كرشه الواصل مترين

.... خايبه دروحي صاحلج رجل كلتي اعوج بعد معيدي وقفل كبر لفج كون

عفتهن والتهيت بموبايلي وهنة مستمرات يسولفن بي

رند شهكت وكالت

... ابن الحلال بذكرة اجه الهيبة اجه

رفعت راسي وجان اشوفه كبالي وموبايلي وكع مني من الكمزة

.... سلام عليكم

كلها ردت سلام بس اني ومنار تكرص بيه وإني دايرة وجهي منه

.... نوران مرخصتج اريد احجي وياج

جان يحجي ورافع حواجبه بتكبر عود زعلان

ما رديت منار كالت يلا بنات كومو وانتو اخذو راحتكم

وكامن وعافني

.... كومي اريد احجي وياج لا احرك جامعه على راسج

..... ولهان ماكو شي بيناتنه عوفني بحالي

لزمني من ايدي ومثل كل مرة يجرجر بيه

وأيده ضاغطها على زندي

اريد اوخر اريد اعوفه أول مرة اخاف منه شكله مو طبيعي

اتذكرت شكله من جان ناجي الوحيد من عمليه ارهابيه جان طالب جامعه ويرحون خط لان بعيده وبوقت طائفيه كام يهوسون بمذهبهم

وبمنطقه خطرة بغداد وهمة صبح جاي يرحون للدوام

وصلو للطريق معزول مثل كل مرة

و٣ سيارات وكفت سيارة وضربت طلقه براس السايق

وبدت تضرب طلق بالطلاب بنات ولد

ولهان واكع عليه صديق طفولته ضربو طلقه برأسه وهو من صدمه وكع مغمي عليه

جابو للبيت ودم اصدقائة بي وعيونه ترف وشكله مو طبيعي

هشكل شكله مو بوعية خاف يسوي شي

ردت بس اخلص منه واركض ردت اعيط والم ناس بس خفت منه

وصلنه لسيارته هنا وكفت مستحيل اقبل اصعد بهل حالة حتى يقتلني وهو ميدري كلشي يسوي

فتح الباب ودفعني وقفل الباب مالتي وتحرك

أكلمه ميرد وشكله مو طبيعي يخوف

لحد ما وصلنه لمنطقه زراعيه تخوف البيوت معدومه والمكان يخوف

كال بصوت هادئ مخيف

.... انزلي

.... شنزل ولهان وين جايبني

اتجاهلني ونزل فتح الباب ودخل سيارة بالكراج

وإني بسرعه نزلت وركضت للباب اريد اهرب حسيت بخطر واحساسي ابد ميغلط

طلعت اركض وهو يركض وراي ورغم بيوت بيت عن بيت مسافه حيل جبيرة بس جيران شكلهم مدري شنو جلحان ملحان واكلوني اكل بنظراتهم ولا كلفو نفسهم يساعدوني

جراني من شالي وطلع شعري كبل ضمني صدرة يحاول يرجع بشال ونظراته عليهم خاف يباوعولي

مكدرت أفلت اخرمش اجر نفسي من عنده ماكو ميحس

دخل وهو محكم لزمته ودفعني وسد باب الكراج

كلت حيحبسني كلت يضربني بس ما توقعته فاقد لهدرجة

............يتبع

رواية جديده من روايتي القصه خياليه لكن حقيقيه شلون ؟؟؟؟🙂🙂

سمعتها قصه من اقاربنه لكن مجرد رؤوس اقلام

والتفاصيل مني طبعاً

شجعوني حتى استمر بيها 🔪🌚🌚🌚

كاتبتكم المغتربه هبة سراي 😇😇