مسااااء الخير

مريم
حجیت السلطان كل الي صار وراها ضليت اكل بروحي
اني ليش هيج حجیت سلطان كلش جان يحب زينب ويحترمه وجمره اصلا مره مزوجه ومن غير كلشي هيه واهل كل هل بيت حرب يعني اني هسه شستفاديت من حجيت
ضليت الوب خاصه سلطان طلع وتاخر وهو بره
معقوله راح لجمره
وره فتره دخل بس وضعه معاجبني
كتله
مریم
جوعان اسويلك اكل
سلطان
لا متعشي بس انتي ابوج يدري بيج اهنانه لا يسويلنه سالفه مثل ذيج للمره
مريم
تره اني يم اخوتي. شيريد يسوي خل يسوي
سلطان
انجبي هذا ابوج
مريم
وانته اخوي
سلطان
هسه يدري لو مايدري حته اخابره اكله مريم يمنه لا يضل بالك
مريم
خابره طلعت وماكلت لاحد وامي جانت بيت عمي عمران
مريم
ضل سلطان يضحك عليه يكلي متبطلين سوالفج متوبين من هل سوالف
عاد خابر ابوي
وكله تتعلل ويه البنات واجيبه
وصدك ب ۱۱:۳٠
کال پله اوديج بعد مارجع حسن من المستشفى وكال زينب جرحه سطحي مابيه شي ورجعت
هسه للبيت
رحنه للبيت دخل سلم عله ابوي وامي
وهم امي حاجته وفتحت نفس السالفه
ام محمد
اکول یمه سلطان
سلطان
ها حجيه
ام محمد
يمه ماتخليني اخطبلك زينب والله يمه خيرت بنات العشيره
مريم
يمه البنيه رادت تموت اليوم. يا عرس انتي
سلطان
ام محمد
شمالكم ولكم زينب شبيه
مريم
يمه بت عمي سلطان ظربته طلقه
ام محمد
يااااايمه سوده بوجهي والله كالت مرة شيخ كاظم هاي اجت علينه شر
تكول جن امه وحاطته

سلطان
يمه انتن وين شايفات امه وجايات تحجن عليه
ام محمد
هيه من خذت عمك من اهله مبينه رضت تاخذ رجال اهله من وراها طردوه من بيتهم
وهسه وينه عايفه بنته وين موليه
مريم
يمه ما نعرف ضروف المره ليش هيج تحجين
ام محمد
خوانتي صايره مدري شلونج ولج بس لا مصاحبه هل فالته
مريم
(بستغراب )
منيه يمه عليمن تحجين
ام محمد
هل قليله الادب هاي بنت فيصل
سلطان
ههه والله عدج سوالف يمه هاي الي يوصله زلمه وله مره تجيه الرصاصه تايهه مو عاد مریم صادقه
مريم
ضليت صافنه عله سلطان من يحجي لامي عليه والله احس صدك مثل ما كالت زينب سلطان
معجب بيه
بس منين ماجيبه ماترهم
البنيه مزوجه لا وتحب رجله واصلا احته بالنسبه اله اعداء مو اكثر
محمود
البيت جدي صاير عباره عن ساحة حرب
وبيتنه مو احسن ابوي مراضي عله جدي لان طرد جمره
رغم جمره مانتفه لاحد
وامي صافه ويه خالتي ام زينب لان اخته
واني احس روحي .
طالعه
رحت الصبح من وكت لبيت جدي حته اطلع ويه سلطان للشغل
سيارتي، عفته بيت جدي البارحه
لاكتني جمره لابسه كل عاده ملابسه الي تفضح أكثر من ما تستر
من اشوفه هيچ احس الدم يصعد براسي هاي عرضي حسبت خواتي هسه اني ارضه وحده من خواتي تطلع هيچ كدام العالم
بس شسوي ولا عبالك زلم مشوربين لو نكتله ونشيل ذنبه لو محد يكدر يوكف بوجهه جنت اباوع عليه شفته ظربت السياره برجله
صحتله

محمود
جمرره خیر شبیه سیارتج
جمره
ماكو شي بنجر صاير وعندي عمليه ماكدر اتاخر
محمود
تعاي اوصلج بدربي
جمره
ماله داعي هذا الرجال الي مخلينه وراي خلي يوصلني
محمود
ولج هذا محد يدري بيه وياج يراقب الامور على بعد تعاي خويه اوصلج وطلع لشغلي انتي عله
دربي
جمره
ماشي يله اجيب غراضي واجي
محمود
جابت غراضه واجت وركبت وياي وطلعته وصلته للمستشفى ورحت للشركه نسيت سلطان
ينتظرني وماكتله طلعت
وره ساعه اتصل بيه
سلطان
وین انته ساعه صار انتظرك
محمود
اني بالشركه والله نسيت اكلك اخذت جمره وطلعت ونسيت اكلك
سلطان
شنو اخذت. جمره وینا اخذته
محمود
عده عمليه وسيارته بيه بنجر
سلطان
جنت كاعد على ريوك انتظر محمود شوهدا اتاخر تريكت وفتت سبحت وبدلت وهم انتظرته وهو ماكو من خابرته يكلي طالع ويه جمره
ما عرف شصار بيه
جمره سلام مسلم عله واحدنه شانه حرب تروح تصعد ويه محمود شصاير معقوله
ما عرف شصار بيه
رحت للشركه واني اتعارك ويه اي واحد يحاجيني
ما عرف شبيه حته عله محمود حاقد . كملت شغلي واتصلت عله هاذا الحارس
كتله
سلطان
الو
الحارس
هله شيخ أامر
سلطان
دكتوره طلعت لو بعدهه
الحارس
لا شيخ بعدهه
سلطان
طلعت من الشركه ورحت للمستشفى ضليت اكثر من ثلث ساعات انتظره لحد ما طلعت لابسه بنطرون اسود وتشيرت ربع ردان احمر وفتحته من يم الصدر شکیره طالع نص صدره
بیده تليفون وستره جنز

احس الدم صعد براسي واني اشوف واحد میسواله نعال يتغزل بيه اجيت امشي بتجاهله
شفته و گفت و نداارت عليه
وفجاة كومته بوكس عله وجهه وخلت خشمه وحلكه ينزفن دم
وكملت طريقه
مشافتني عاد صحتله واني روحي بخشمي
سلطان
جمره ... جمره
جمره
وياي
سلطان
لعد ويامن اکو غیرج جمره
جمره
خير شكو شسوي .
هنانه
سلطان
اعتقد سيارتج بنجر
جمره
وشنو انقرضت التكسيات حته رأيس شركه قابضه شكبره جاي يشتغلي سايق
سلطان
بله قله ادب ویله دور تکسیات
جمره
خاف مترضه
سلطان
اعتقد ماجيتي يمنه تتونسين ماكدر اخليج تصعدين تكسي
جمره
اولا يله اعتبرك سايق
سلطان
اللهم طولت البال
صعدت وياي بالسياره ورجعت الكرسي ورخت جسمه وغمضت عيونه عيني عليه وعل طريق.
الظاهر جانت منتبه عليه جان تكول
جمره
مضيع شي بوجهي
سلطان
ما عرف بيج شي غريب
جمرة
كلي غريبه عنك
سلطان
الغريب بيج ومو بيني وبينج انتي بت عمي غصب عنج
جمره
يفيدك هل حجي بعدين شنو الغريب بيه
سلطان
پیج شغلات تخليني افكر مستحيل تحملين هيچ صفه وانتي هيچ فالته بلاه اخلاق والتزام
جمره
السانك الزمه مالي خلك معارك تعبانه خلي هاي فلسفتك من اصحصح حته ارد عليك بكل قوتي
سلطان
هاهاهاهاهاهاهاها. والله جنت ضايج فوول بس هسه ضحكت من اعماق قلبي
جمره
ما جانت الي نيه ابد اضحكك
سلطان
ادري بيج
جمره
تره مو مهم تعرف كلشي عني وهم خلي بالك ماهتم لنظرة العالم عني

سلطان
ظلین بت شیوخ یا دكتوره هاي حطيه بالج
جمره
سلطان تسكت لا انزل سابع ظهر للشيوخ هسه خليني ساكنه
سلطان
سوال
جمره
لا تشوفني ساكتتلك وجاي ارد عليك ياخذ الواهس سوق وانته ساکت
سلطان
لطم لهل خلقه والله لا مشيج عدل
جمره
وكف السياره ونزلني لان خلص بعد ماستحمل تفاهتك
سلطان
مطول خلگ هواي وياج بس اله يوم وينتهي هل خلگ

انسانه فضيعه وقله الادب الي عده تخبلني اذا ابقه وياها عله هل منوال اقتله خلاص مو مره
طركاعه
وصلته للبيت هيه نزلت واني دخلت لكيت زينب يمنه
من شفته ذكرت كلام مريم والحديث الي داير بينه وبين جمره
حاولت اكون طبيعي ومابين شي
سلطان
السلام علیکم
الكل
وعليكم السلام.
الشيخ علي
راجع من وكت مو عوايدك
سلطان
جبت جمره
الشيخه
منين جبته
سلطان
جده منين اجيبه يعني من المستشفى
زينب
وليش تروح جيبه موعده سياره وحاطيله حارس عله شنو مادري هاي شرد عشيره
سلطان
سيارته بنجر وغير هذا كله هاي امانه بركبتي شماجانت مسويه وكأنه من تكون. من يجي رجله
ياخذه ذاك الوكت اشيل ايدي منه
غفران
اموت و اعرف رجله شلون مستحمله
زينب
شمستحمل مشوفينه عايفه يمنه وشارد هيه هاي ينعاش وياها
مريم
حلوه جماله ماله مقياس اکید یگابله عمر کامل
زينب
تره مو حلوه بس هيه عارضه جسمه للرايح والجاي وهذا رجله اكيد مثله وازيد لا غيره ولا
ناموس واله شلون يرضه مرته هيج تطلع
رافد
خير زينب اليوم نازله عله جمره مو ذاك اليوم رحتي دورين صلح وشما جان هاي بت عمنه
زينب
المثله جريمه بي كلاص مي هاي وحده مجرمه متوحشه
محمود
وشعرفتي عنه حتى هيج تحجين احنه كلشي ما نعرف عنه كل الي بينه وبينه طفله هيه واخوهه ما نعرف شصار بيهم وشصاير وياهم وصلهم يكوف باب جدهم  الي تبره من ابوهم 

وبعد كل هذا يطردهم لمصير مجهول
غفران
خيرك محمود جنك صاير اله محامي مجرمه هاي مجرمه
مريم
صح تخوف بس عده وجه ثاني البارحه شفته شلون شالت ابن محمد الي راد يوكع بالنهر وطلعته وصلته لباب البيت احنه منعرف شنو الي خلاها صير مجرمه كل الي فهمناه جدي الشيخ علي هو السبب
سلطان
احس اصواتهم مثل طبل براسي دگ کل واحد صدى صوته يدگ براسي اكثر من الثاني مريم من توصف جماله واني اذكر عيونه الي لونهم يدوخ من تحجي برجله واني احس روحي اختنك لو زينب من تحجي عله جسمه واني اتخيل الي يشوفنه محمود ودفاعه عنه احس كلشي براسي راح ينفجر قطع نزاع الكل صوت عمي كاظم من دخل وكال
شیخ کاظم
شيخ علي بنت فيصل تجاوزت كل خطوط الحمر

................... يتبع

لتنسون التصويت
تابعو الانستقرام
z.r.k99
z_.r.k99