مَدري وَين تريد بية
روحِي تاخُذني إعله دَربك
وآنه أعَرفك مو إليه .
سلطان
اليوم عرسي بس ماحس بي طعم عرس
مثل واحد ماخذينه لحبل المشنقه
جمره من يوم الي صار لهل يوم ماشفته وماجرئت اسال عنه
جنت صافن عله روحي بالمرايه واني لابس الزي العربي
شيصير لو هيه عروسي
معقوله الله حشاه مو عادل زرع حبه بگلبي وهيه مستحيل تكون الي
شفت انعكاس صورته بالمرايه
وهيه لابسه البدله البيضه ضليت اتامل هل انعكاس
تمنيته واقع مو خيال
دخلت امي وجديتي الي بيده مبخره وكالت

الشيخه
عگيد كومه احلا عريس
سلطان
تسلمين جده
ام محمد
يمه سلطان اضحك هذا يمومك شبيك هيجوجهك مكدر
الشيخه
لان ابنج مايعرف تدابيره غلطان وغرگان بالغلط وحاليله الحرام
سلطان
جده شهل حجي
ام محمد
يمه سلطان صح امر الگلب مو باليد بس واني امكً الله انطانه عقل
الهوايه گلبك لا ثوبك ولا ملبوسك لو سولفت بعشگك راسك تنزله ما ترفعه
ادف الي بكلبك بسابع ارض وافرح بالي قدمه ربك الك
حشى لله يختار العبده شي يضره لو ما يسعده
سلطان
يمه سدي سالفه وهل موضوع ممنوع اي بشر يعرف بي. وماريد احد بعد ليوم يسولف بي
الشيخه
وهو هذا الصح ينسد وتضحك وتعيش لحضه عرسك مثل ما لازم لحضات العرس تنعاش
سلطان
كلت الموضوع ينسد اما شحس وشريد وشلون اعيش هاي راجعتلي
يا شيخه حفيدتج مو عاشكه لا مفحم ومحترك بجمرهه
يا شيخه جمره بروحي مثل الجمر تلهب لا تطفيه  لسنين ولا ايام ولا ليالي
لاهي حره واحرك الصوبين واخده ولاهي الامره بيده
ام محمد
شلون ترضه نفسك تدخل حضنك وحده ماجنت اول واحد لمسه
سلطان
يماااااه كافي انتن جايات تحركن دمي لو شنو
الشيخه
جايات نبارك وننصح اني جديتك الي ربتك وهاي امك الي جابتك
سلطان
والنعم مكايل شي بس نار كلبي لحد يدناله

طلعت جديتي وامي  واني صافن بروحي ضليت صافن بالمرايه
شفته هم رجع انعكاسه يتراوالي بس هل مره ثوبه اسود البدله البيضه
صارت بدله سوده وهيه تكول

جمره
مبروك ياعريس

ماجنت اتخيل هاي هيه نداريت جانت واكفه بدله سوده تشع ويه بياض جسمه صح ذبلانه عيونه بس بعدهن قويات وكحات
نضرته هل مره غريبه احسه نضرت عتب بس عتب
شنو. الي تعتب عليه
صفت. بيه وكتله

سلطان
يبارك بيج
جمره
لهنا حدنه شيخ سلطان
سلطان
يا حد منهن
جمره
(تقدمت عليه وكفت كدامه وهيه تعدل بغترته)
بعد اليوم ماسمحلك سولفلي عن شلون تحبني ولا اسمحلك تكلي شنو ممكن سوي لو جنت حره ولا حته اسمحلك بالطيف مو بالواقع تقترب مني
من اليوم يا ابن عمي صون عيونك الي تفضحك بحضرت وجودي
تره بعد اليوم مالك عذر يمي

ضليت صافن بيه باستني من خدي وطلعت
ليش اليوم يا الله حجت هل حجي
ماريد اشوه صورته بعيني واكول عنه وحده خاينه لرجله
بس بداخلي حقد اله ماكدر انكره لان بديت احس هيه ماترفض قربي
واخر مره جانت اكبر دليل
حقدت عليه لان حسيته رخيصه بذمه رجال. وقبل اقترب منه
سمحتلي اعترف بحبي اله

قنعت روحي بانو جان الي بيه صالح والله ماريد يربطني بهيج وحده
اخذت بشتي ونزلت يم جدي وعماني واخوتي ولد عمي
وملمس شفايفه عله خدي مثل جمره بوسط خدي

مريم
جنت واكفه حايره شنو الفستان الي اختاره  اريد اطلع شي جميل ومميز. اريد من اوكف بصف جبل اكون شي يليق بجبل
شافتني جمره جان تكولي

جمره
شبيج حايره
مريم
ماعرف شلبس ولا شنو ممكن يعجب جبل
جمره
يحب لون الاحمر اخويه مثل الثور
مريم
جمررره شنو ثور
جمره
ثور وستين ثور وهسه البسي احمر
مريم
عدي احمر. بس يعني ماكدر البسه
جمره
ليش
مريم
مو مال محجبات
جمره
القاعه مو مختلطه وبس سلطان راح يدخل ومن طلعين البسي. شي عليه
عود بالعرس البسي مال محجبات
مريم
تمام لان اني حايره شلبس بالحنه مو بالعرس

صدك اختاريت الفستان الاحمر. الي احبه  جان. عباره عن فستان طويل مو كلش كلوشه بس بي فتحه من منطقه الفخذ وللنهاية
ومن فوك مابي حمالات يصير لاسق عل جسم
رتبت شعري ومكياجي وجمره صوفرت من شافتني
بيومه ماصدكت الحنه تخلص حته ارجع للبيت واخلي جبل يشوفني
جمره ما حضرت الحنه راح شوف عمي فيصل  وجيبه علمود يحضر العرس
الي اصلا سلطان سواه بقاعه حته عمي فيصل يحضره لان كله اني ما احضر العرس اذا جان بالبيت
راحت جيب عمي وبعد ما رجعت.
خلصت الحفله واني رجعت ويه حسن ومرته للبيت
وامي والكل ويانه رجع لبيت شيخ علي
لان حنه سلطان بالبيت
من وصلت نزعت فستاني ولبست فستان عادي وحجابي وساعدت البنات  والكل  ماني اخت العريس الوحيده
وره ماخلصت الحفله. وصعدت لغرفتي سمعت صوت جبل يحجي بالتليفون
وراها دزلي رساله
جبل
دزيلي الصور اريد اشوف الفستان الاحمر
مريم
منو كلك اني لابسه فستان احمر
جبل
ادري جمره كلتلي ويله بسرعه اريد اشوفه
مريم
انت وين
جبل
بغرفتي. راح افوت اسبح متت تعب
مريم
تمام من تطلع شوف الفستان الاحمر

مارد عليه بعد. اني رحت جددت مكياجي ولبست الفستان الاحمر وره ربع ساعه خليت الشال عله اكتافي وطلعت جني حرامي
ركضت من غرفتي لغرفه جبل طبيت وسديت الباب بسرعه
واني مرتاجه عل باب وكع الشال من اكتافي وطلع جبل من حمام الغرفه لاف بس للمنشفه عليه
هو ضل مثل الصنم واكف يتفرج عليه. اباوع عله تفاحه ادم تصعد وتنزل
اجيت اشرد عززه. اني شلون فكرت هيج اجيه برجليه
بس شمدريني راح يطلع بهل شكل اني من غير شي ذايبه بي مو عاد يطلع بهل شكل اول ما نداريت سحبني عليه بسرعه وقفل الباب
باوعت عليه كتله

مريم
جب جبل ليش قفلت الباب
جبل
اششششس ولا حرف احد شافج بهل ثوب
مريم
هاا لا يعني بس للي بالحفله يعني مشافني رجال
جبل
( ضل صافن بعيونه ودون سابق انذار هجم عله شفايفه ابتعد من حس بحاجته للهوه وهو يكول
ارحمي بحالي اني مو حمل كل هذا
مريم
( وهيه ذايبه بي )
ليش اني شمسويه
جبل
( رجع وهو يبوس بعيونه وخشمه بكل رقه وينزل عله ركبته ويكله )
احبج مريم ماكدر بدونج انتي شنو مسويتلي ليش ماعرف هيج بدونج
مريم
( جانت مثل الي منومي تنويم مغناطيسي 🧲)
ذايبه رايحه وياه بغير عالم
وهو يسحره بكلامه المعسول الي مخلاها تنتبه شوكت نزع الفستان وشلون صارت هيه وياه عل سرير دون ملابس
انتبهت من صارت لمساته اقوه واكثر جرئه
حاولت تبعده همس باذنه

جبل
ديري بالج تمنعيني منج مريم باجر بليل مسافر. لا تحرميني منج ميت  عليج
مريم
جبل فدوه جاي تتخطه كل الخطوط الحمر جبل ميصير
جبل
اششششس مرتي انتي بشرع الله وكتابه

كاله وهو يباوع بعيونه ويكله

جبل
ليش تمنعيني منج يعني اذا صارت وحده من ثنين متت او صار عليه شي معقوله تكملين ويه غيري.

هاي الكلمه الي استغل بيه برائه وحب مريم وعشقه المجنون وتعده كل الخطوط الحمر
وصارت بذيج اليله مريم مرته بالفعل مو بس ورق
بعد ليله اشبه بالحرب بين رغبه بيه وانتقامه وبين عقله وحبه اله
صار بينهم المحضور تحت مسمى ( انتي حلالي )

چانت نايمه بحضنه غافيه من تعب معركه المشاعر الي صارت.
وهو صافن بيه يتامل كل سانتيم بيه وكانه يحفضل تفاصيله
كعدته ريحه الجكايره الي ملت الغرفه وهو يشرب وحده وره الثانيه
من فتحت عيونه  وهيه بحضن حبيبه جانت نضراته حب
بس نضراته ضلام
اختفت ابتسامه وهيه تكله

مريم
جبل
جبل ( صحاه من شروده صوته وكاله)
اني شلون راح اعوفج اهنا واروح
مريم
بس هل سنه واتخرج وانت تكمل تخصصك
جبل
سنه هواي مريم
مريم
مممم شنو بالك
جبل
نسوي حفله وعرس ونزوج بعد كم شهر قبل ميبلش الدوام واخذج لامريكا وياي
مريم
ودراستي
جبل
عادي تعادلين وتكملين اخر سنه هناكه يمي
مريم
ماعرف جبل
جبل
تره بعد مابيه مجال انتي بحضني واني الج مشتاك. اتخيلي شيصير بيه. اذا سافرت وعفتج ورايه

مريم
بذاك الصباح قنعني جبل بسالفه نقدم العرس 
ادري بروحي غلطانه وسالفه اسلمه روحي قبل الزواج جانت اكبر جريمه بحق نفسيي
بس جنت عاشقته بكل تفاصيله ميته بشي اسمه جبل
اني جبل حته انانيته واياي احبه من يمنعي من كومه اشياء احبه
امتنع واني الممنونه غيرته المفرطه الي لو يصحله الامر يحبسني جان حبسني بس هم احبه
رجعت الصبح من وكت البيت اهلي حته محد يحس عله شي
شافني جدي محمد الي ستغرب راجعه للبيت ب ٦ صبح كال

شيخ محمد
مريوم جدو تعاي
مريم
( من يوم الي خطبت لهذا اليوم جدي ماحاجتي رغم جنت اعز احفاده عله كلبه وبعمره مارفضلي طلب. الصراحه حنيت لجدي وسوالفه حنيت لحنيته وضحكته حنيت للمواقف الي جنت اتقوه بيه عل كل  رحت بست ايده وراسه وكعدت بصفه جان يكول

شيخ محمد
يا جدي غلاتج بكلبي تعرفينه مو
مريم
يي جدي
شيخ محمد
انتي غاليه بغلات الروح  وتعرفين اني مارضه طيح دمعه من عينج  بس يا جدي انتي غلطتي
مريم
بشنو جدي
شيخ محمد
ابن فيصل ابد مو خيار صح راح شوفين الويل وياه عوفي يجدي مادامج عل بر
مريم
جدي ليش هيج كاره. 
شيخ محمد
اني احبج يا جدي مو كاره صح الامر. طلع من سيطرتي بس ياجدي لو ماطعتي كلامي ابن فيصل راح يخليج طول عمرج ندمانه عل لحضه الي قبلتي تزوجينه بيه
مريم
جدي جبل هواي يحبني ورايدني ومشتريني

من كلت لجدي هيج عصب وصيح عليه وطردني من يمه وهو يكول ( غبيه )

ماهتميت لكلام  جدي ركضت لغرفتي
سبحت وبدلت واني واكفه عل مرايه اشوف اثار المعركه البارحه
الي ماعرف تسرعي بهيج موضوع صح لو غلط هذا حق جبل لو هذا حق سابق اوانه
جان وياي ساعه هادئ ويداري اتفه تفاصيلي وساعه ثائر ويريد يدخلني لداخله ويضمني بين ضلوعه مشاعر هل ليله مستحيل انساها
بعد الغده اخذت فستاني
ورحت لبيت شيخ علي
الي عرفته سلطان جاي يبدل ويمه جديتي وامي
اني وجمره جنه نبدل واحس من نضراته تعرف الي صار البارحه ويايه
ضلت مركزه بيه جان تكول

جمره
انتي شضامه عليه
مريم
هااا اني لا ابد
جمره
سولفي سولفي
مريم
ماعرف اذا الي صار صح لو غلط بس صار شي
جمره
شنو هل شي
مريم
اني وجبل البارحه .....
جمره
فضيني شصار انتي وجبل البارحه
مريم
صار كلشي
جمره
شلون يعني صار كلشي وضحي
مريم
( احس روحي صخنت من جمره الي موراضيه تفهم كلامي. اخر شي عاطت بيه بغضب )
جمره
قصدج اخذج
مريم
اي صرت مرته فعليا
جمره
لج انتي غبيه لو شنو شلون سلمينه روحج قبل زواج
مريم
احسج متعرفين اخوج هو تكدرين تمنعينه
جمره
شنو يعني اخذج غصب
مريم
لا لا موهيج
جمره
ولطم حته لطم يل فاهيه
مريم
جمره حبابه كافي هو اني مرته بكل الاحوال.

مريم جمره عافتني وطلعت هيه وبدلته السوده.  الي عبالك رايحه عزه صح طالعه تخبل بس ولا حفله حضرته اذا مالبست اسود

جمره
الكلام الي كالته هل مجنونه شل اطرافي بس مابينت اله
هيه معتبره هل شي حق جبل بس سابق اوانه
هل طفله مصدكه بحب هل حقير الي ماجنت اصور توصل حقارته لهل. مرحله
كل الي جنت اعرفه يتركه بيوم العرس بدلته مو. هيج يسوي
بعد ماحجيت سلطان توجهت لغرفته
جان يلبس بقاطه ويغني. وفرحان عبالك عرسه.
كتله بغضب

جمره
ممكن اعرف شنو سر هل سعاده كله
جبل
وممكن اعرف شنو سر هل غضب كله
جمره
بله ضرافتك الماسخه تره جنت يم مريم
جبل
ااااااه يا مريم ي شكالتج هل مريم
جمره
تحجي عدل لك انت شمصخم
جبل
خلص انقلب السحر عل ساحر
جمره
شقصدك
جبل
احبه جمره احبه
جمره
يعني ما نيتك سوي الي براسك  مانيتك تتركه بعد هل سوايه
جبل
لا طبعا ما جانت خطتي هيج بس طلعت الامور من تحت السيطره
جمره
وهسه  اني ماداوثق بيك
جبل
انجبي لج اكله احبه اتكلي ما اوثق بيك وخليه بعلمج العرس راح يتقدم ازوجه ونرجع لامريكا

جمره
صح مجنن رايده عليه زواج بس شي بداخلي ارتاح لان مراح ياذي هل مسكينه حته لو اله غير نيه بعد الزواج مو مهم المهم ميعوفه

......................... يتبع
لاتنسون التصويت وتابعو الحساب
++ تابعو حسابات الإنستقرام 😘😘😘
Z.r.k99
Z_.r.k99