بعد عياط دام لـِساعات، كُله بسبب مُشكِله كان مُمكِن نحلها بهدوء، عِندي وعصبيتي اتحكموا فيا وقتها، منكرش انك بـِبالي وبتوحشني كتير لَكِن البُعد كان الحَل بينا.

الساعه 2بليل.
_يعني بجد ده اخر قرار؟!
بعتله مسدج وانا بعيط رديت بِطريقه بارده: اه اخر قرار وياريت منتكلمش تاني؟!
رد بسرعه: طيب اللي تحبيه هقفل انا.
فرت مني اخر دمعه، ورميت الفون جنبي ونمت، نمت ومخدتي كلها عياط، هو بيوحشني جداً اه ليله واحده اللي غاب فيها وغيبنا سوا مش لوحده، كان نفسي منوصلش لـِ ده، كان نفسي بجد يفضل حبيبي لآخر عُمري، مكنتش اتمنى ان حد تاني يكون مكانه في يوم او حد ياخد حُبي غيره.
بعد شهور دخلت اعرف احواله.
_ازيك؟ لِسه فاكرني؟!
رد بعد ساعه: الحمدلله كويس، وانتِ بخير؟!
قلبي اتحرك كأنه اول مره يتطمن عني وضحكت.
كملت كلام: اه بخير الحمدلله.
كان في الشات طول ماهو اكتيڤ مبيخرجش، فضل ساكت شويه ومبيتكلمش، بعدين بعتلي مسدج:''بُصي عارف اننا بعدنا واننا كمان تعبنا في البُعد ده، وحقيقي متعودتش امنع نفسي من حاجه بحبها طالما مش هتضرني، وحقيقي انا بحبك..! بحبك زي اول مره زي اخر مره، بحبك انتِ، فاهماني؟!''
قعدت شويه مبتسمه، حقيقي كلامه نساني بعدنا ليه نساني كل شيء وحش: فهماك، وانا زيك على فكره، لسه بحبك زي اول مره في عُمري.

عُدنا وكملنا، واليوم انا في ايدي اليمين دبله منه، اتمنى قريب اوي تتنقل لأيدي الشمال وافضل وياه واقعد في حُضنه براحتي اللي طول عمري بحلم بيه.

''لسه بحبَك زي أول مره قولتلي فيها بحبِك..! ♥''

#ندى_العربي...#رَسيـِل♥..