وكُنت رايحة عادي شُغلي واخدت عربية بابا عشان مش هلحق استنى الاتوبيس عشان اوصل، ده كفاية اني اتأخرت اصلا.

وردة: هي ايه الزحمه دي؟؟ هو الواحد ناقص. نهااار اسود مين الحيوان اللي خبط العربية ده.
_انا حيوان يأنسة؟؟ انتي اللي مش عارفه تسوقي!
وردة: اسفة.
_اسفة على ايه؟
وردة: انا... يعني.. مش قصدي..
_طب خلاص..(وقف بعيد عنها وعمل مكالمه ورجع تاني) خلاص في حد هيجي ياخد عربية حضرتك ويصلحها وهتخلص بكره.
وردة: لا مش لازم اصلا وبعدين مش انـ...
_لا خلاص هو جاي، ارجع في كلامي وانا في السن ده! حتىٰ عيب.
وردة ابتسمت: طب تمام وشكراً لحضرتك.
_تقبلي اوصلك طيب؟
وردة: لا لا عادي هركب اتوبيس واوصل بسرعة.
_لا اتفضلي معايا.
وبعد اصرار طويل وردة ركبت العربية معاه ووصلها لحد شغلها''مُدرسة تاريخ''في مدرسة ما.
وردة: ايوة هنا بعد اذنك.
_اتفضلي. وبكره العربية هتكون خلصت.
وردة: تمام شكراً
ـــــــــــــــــــــــــــــــــــــــــــــــــــــــــــــــ
وردة دخلت المدرسة وحضرت حوالي نص الحصص اللي عليها وفي الحصة الـ 3.. دخلت صديقة لها اسمها''شهد''ونادت عليها.
شهد: في واحد حلو كده اسمه عمر مستنيكي برا.
وردة: واحد حلو؟؟ واسمه عمر؟ ده مين ده يختي؟ ولي امر لكالب عندي طيب؟
شهد: يبت بقولك واحد حلو صغير في السن كده ومفيش في ايده دبلة حتى.
وردة وهي بتضحك: يخربيت انتي لحقتي عرفتي في ايده دبلة ولا لأ.
شهد: ايوة روحي شوفيه بقى.

عمر: اهلاً بيكِ.
وردة: هو مش انتَ؟
عمر: ايوة انا اللي خبطت العربية بتاعتك الصبح.
وردة: هي العربية خلصت ولا ايه، مش المفروض بكره؟.
عمر: لا هو انا مش جاي عشان العربية. انا عاوز اعزم حضرتك واقولك حاجه ضرورية تخصك مستقبلاً.
وردة: انا؟
عمر: ايوة ممكن تجيبي شنطتك ويلا؟
وردة جابت شنطتها وخرجت مع عمر. لانه اصر ميحكيش ليها غير في المطعم.
عمر: انا جيتلك عشان انتي نسيتي الفون معايا في العربية. واه عشان منساش الـWallpaper وانتي بتضحكي احسن من وانتي مكشره.
وردة: انا مكشرة؟ وبعدين ده اللي هيفيدني مستقبلياً!
عمر:انتي قمر.
وردة: والله؟؟ بتثبتني يعمر (بصوت مي عز الدين)
عمر: تقدري تقولي كده.
وردة: على فكرة انتَ اللي خبطتني الصُبح مش انا. بس عديتها عشان مكنش في وقت معايا.
عمر: عارف. وعملت كده عشان اقدر اشوفك تاني.
وردة: يراااااااجل.
عمر: انتي بقى بتدرسي ايه للطلاب؟
وردة: تاريخ.
عمر: عقبال ماتوثقي تاريخ يربطنا ببعض.
وردة: وانت؟ انتَ بتشتغل ايه؟
عمر: عندي معرض عربيات.
وردة: واو حلو.
عمر:فعلاً.
وردة: طب هستأذن انا يـَ عمر.
عمر: هوصلك.
وردة: لا انا عاوزة امشيها.
عمر: نمشيها سوا؟

وردة وعمر مشيوا طريق كبير اوي سوا ويمكن كل واحد قدر يكون اجتماعي نوعاً ما ويفهم الشخص اللي قصاده.

وردة تاني يوم صحيت لقيت مامتها بتقولها في جواب جنبها وورد وفي حد مستني برا زطلبت منها تجهز نفسها بسرعة.. قالت كل ده لبنتها بفرحة بانت عليها.
وردة راحت تقرأ الجواب الاول.''طول عُمري بخاف من الحُب وسيرته.. بس عيونك حلوة يستي. بصي يعني انا شوفت عيونك كده وكنت رايح عشان اقولك ان تسوقي عدل..انا وقتها الكلام تاه مني وانا ذات نفسي توهت في عيونك.تخيلي اصحىٰ كل يوم على عيونك دي؟؟''
وردة لبست وخرجت لقت عمر وباباها ومامتها قاعدين يتكلموا ويضحكوا سوا.
وردة: صباح الخير! في ايه يجدعان؟
عمر: مش هترحبي بيا.
وردة: اهلاً بيك استاذ عمر.
عمر: خطيبي عمر هتبقى احلىٰ.
وردة: ايه ده في ايه؟
عمر: اصلنا قرينا الفاتحة.
وردة: انا لسة مقرأتهاااااش.
عمر: نقرأها انا وانتي تاني سوا.
#ندى_العربي💜.''