ليث:جنت ملتهي بريناد وعشقي الها وعنادها الي ماادري وين حيوصلني والى متى راح اصبر عليها.... والشغل وبتحظيرات زواج اغلى اثنين على كلبي لهذا ماصارلي مجال او نسيت اسأل عن المرة الي تقدم الها لؤي ....

لمياء:صارت التحظيرات واجه ي م الحنه لبست بدله كلش نازكه وحلوه اجني خالتي وبنات عمامي رغم انه احنا منحاجيهم بس ماما كالتلهن واجب توكفت وياها ...

سؤدد:حنوني الشباب وركصنا وراها طبيت لقاعة النسوان حنيت الوردة مالتي جانت كلش حلوه طالعة تسريحتها عيونها الحلوه وهي كلها على بعضها حلوه تمنيت اكلها اكل بس حرامات العالم موجوده واستحيت منهم .....

ليث:بيوم عرس لمياء جانت كلش حلوه طالعة لبسوها الكبوس واجينا انا ولؤي اخذناها وسلمناها لسؤدد ...لزمته من جاكيته ...امانه هاي بركبتك والله اذا صار عليها شئ

سؤدد:والله بعيوني احطها بس عوفني راح تخبلني ...ههههه

لمياء:حضنت اخوتي نور عيوني ورحت بست ايد بابا خطيه كاعد على الكرسي المتحرك وبست راس ماما وحضنتها ...واخذني سؤدد ورحنا شوي اغاني وركصنا وقطعنا الكيكة وبعدين زفونه للشقة مال سؤدد الي هي مالتنا حاليا صارت

سؤدد:دخلت للشقة قفلت الباب انداريت عليها واكفة بالمكان...وج ممصدك اليوم خلصان من ليث وبعد مايخنكني اليوم اكلج اكل بعد مااتحمل ... نزعتها ملابسهاوكمت ابوس بيها وووووو.......

___________________________

لؤي:سوينا وره يوم عزيمه لاختي لمياء وزوجها واهل زوجها لان راح يسافرون لامريكا سبوعين وي اهل سؤدد .....وره يومين سحلت ليث كوه هو وامي واخذتهم لبيت ريماس بالطريق ليث كاعد بصفي بالصدر وامي ليوره ..اني اباوع على امي من المرايه واحجي وياها....يوم والله اول متشوفيها للبنيه راح تكلين يمه منيلك هالكمر ...يمه اخلاق وخلقه وكلشي

ليث:اي هي الي تعيش وي اختها وامها وبالكراده وهي طالبه شتتوقعها لو دعارة لو سلابه

لؤي:شبيك انت شبيك متصدك تسمع شئ عنها

ليث:ولك غير فاتني ماسألت عنها

لؤي :والله لتتعجب من تشوفها ..

ليث:يمه عيني انت قوي قلبج لان هسه تشوفين لابسات اخر لبس خلع دلع

ام ليث:يمه خل نشوف تاليتكم مصدكت واحد يتزوج منكم يمعودين بس سكتوا ولاتتجادلون ...

ليث:اني اباوع على الطريق اعرفه لهل طريق مو غريب عليه هذا طريق لشقة ريناد ...معقولة ...شنو هالصدفة لالا مستحيل ...وكفنا لؤي يم العمارة مال ريناد ...اي والله هي لا لا شنو السالفة صدفة لو متفق شكو ....واني بقمة تفكيري ..فتحلي الباب لؤي ...

لؤي:شبيك بس تتبسم انزل اروحلك فدوه

ام لؤي:دزل يمه دنزل

ليث:يمه تدرين المن راح يخطب ابنج

لؤي:ليث كافي لهنا وبس لاتحجي هسه بعد شوي نوصللهم

ليث:ولك تدري منو رح تخطب

لؤي:عساها تطلع كح...ة الا اخطبها الها

ليث:ههههه ولك والله ماادري شكلك هههه

لؤي:ضل اضحك ضل

ام ليث:يمه يالله تعبت رجلي

ليث:يمه وصلنا هيات شقتهم

لؤي:انت تندلهم

ليث:ههههه

لؤي:شنو علاقتك بيهم

......لاتضل تضحك

ليث:اتقدمت امي ولؤي يباعون عليه واني الابتسامه شاكة حلكي دكيت الجرص

ريناد:طبي جوه ريماس اكيد همه يمه اكعدي اني راح افتح الباب.....فتحت الباب اول ماشفت ليث كدامي مبتسم ويأشرلي بأيده بأنو مرحبا ...اني شهكت...انت... على اثر صوتي امي اجت ورايه يمه شكو ...ركزت بالمنظر شفت لؤي ولازم مرة كبيرة بالعمر يمكن هاي ....انتبهت على امي عاطت

نرمين:انسام

ام ليث:نرمين

لؤي:ضليت صافن شنو السالفة ...امي راحت تحضن ام ريماس ..ليث يبتسم ويباوع على اخت ريماس ...شنو السالفة

نرمين:شلونج انسام

ام ليث:وينج يالغاليه وينكم دورتكم ماليكيتج لاانت ولابناتج

نرمين:فوتي جوه عيوني فوتي

ريناد:ماما ...خزرتني ماما ..فات لؤي...ليث ضل واكف بالباب واني لازمة الباب وصافنه بوجهه ...انت اخو لؤي ...

ليث:مو بكيفج كله ارادت عالي ...غمزتلها وفتت للشقة ...امي وام ريناد كامن يتعاتبن وشلن فوك الساعة

ام ليث:تعالي ياروحتي انت حبيبة لؤي

ليث:كمزت من مكاني...لايمه هاي ريناد الكبيرة

ام ليث:اسكت انت حسابك بعدين تدري بعمتك وبناتها هنا ومتوصلي خبر

ليث: حجت امي سالفة عمي ايمن وهي متدري السالفة مال شركة بأسم ريناد او يمكن ناسيتها المهم سولفتلها لام ريناد عن عركتها وي اخوانها ..ريناد صاحت ريماس امي بوستهن ثنينهم ريماس جانت ممحجبه بس رنودتي جانت محجبه ملاك وكاعد يم امي ....

ام ليث:اني اجيت اخطب ريماس لؤي وماادري انه انتي تطلعين بنت الغالي... التفتت على ريماس وتحجي..

ريناد:كمت من يمهم طبيت لغرفتي معقولة الي دايصير شنو معقوله كل الي دااسوي وارجع لنقطة الصفر شنو هالصدفة الي تريد تصير من جمعت ريماس بلؤي ابن عمتي ليش شدايصير ...

نرمين:انسام الغالية انتي اغلى وحده عندي بعد المرحوم الله يغفر اله انت وايمان واني مااكدر ارفضلج طلب بس ريماس الها الكلمة الاولى والاخيرة

ريماس:من شفت لؤي كلش ارتبكت ..من سألوني كلش خجلت مطبيت للغرفة لان ادري بريناد جوز قافلتها انوب اتفشل ...نزلت راسي وهم يحجون واني كاعده بصف ام ليث ..حطت ايدها على كتفي ...

ام ليث:شكلتي حبيبتي

ريماس: بكلبي كلت ريناد شلون اكيد مراح توافق لا هسه لازم اخذ قراري بنفسي لان هذا عمر وابن عمتي هو احسن شخص يحميني وثانيا لؤي يحبني...اشرت براسي بمعنى اي موافقة ....

ليث:على بركة الله نقره الفاتحه...وره مااكلنا وشربنا رجعنا للبيت ريناد مطلعت من غرفتها بعد .... بكلبي كلت دورتها بالسماء لكيتها بالارض ...هاي احسن طريقة علمود اكدر اشوف بيها ريناد من شفت ريماس هزت راسها ماخليتها تفكر بعد ولاخليت احد يحجي بسرعة قرينه الفاتحه ...يمه سمعينا هلهوله

ام ريناد:لا يمه عيب من الجوارين

ليث:خاله شبيج بس شوي ...اباوع على غرفة ريناد اريد اسمعها ..امي ماقصرت بعد فرحتها بأبنها وركعت هلهوله شكبرها

ريناد:سمعت هلهولة ردت اطلع بس شسوي هاهية ريماس راح ترجع للعائلة الي جنت دايما احميها منها ...اخ كله الصوج مني غير اسأل عن اهل لؤي شبيه تخبلت ...ياربي شسوي لازم احمي ريماس ومااخليها تتزوجه ...هسه اذا اطب وامانع راح يهجمون عليه لازم اسوي شئ يخليهم يبطلون ...بس شسوي ..

ليث:رجعنا واني اسوق السيارة هالمرة لان لؤي فرحان وشارد واني الاكثر فرحان ...

لؤي:تصدك ...شنو هالصدفة ..اكلك معقوله ريناد تدري بالسالفه

ليث:هههه ولك حظر روحك بأي وقت هالبزونه تخرمش وتفركش خطوبتك ..

لؤي:شنو يعني

ليث:اكثر وحده تكرهنا هي ريناد ومهمتها انه تنتقم من خوالي ومنا

ام ليث:شبيها هاي مريضة ..اصلا بس بوستها حسيت وجهها ثكيل

ليث:يمه اعذريها اتشردت وهي مسؤلة العائلة

ام ليث:والله اول ماشفتها كلت هاي خطيبة ابني شكد حلوه هي احلى من ريماس ...اوف والله ايام من جانت هي ولولو يلبسن نفس الشئ ويرحن للمدرسه جانن يتشابهن

ليث:يمه انت شفتي عيونها

ام ليث:ياسبحان الله شنو هالعيون

لؤي:يمه دخطبيها ليث

ام ليث:والله اول مشفتها تمنيت تصير لو الك لو ليث ..بس من طبت وقفلت الباب وعافتنا وعافت خطوبة اختها كلت شبيها ماعدها احترام

ليث:يمه عوفيها تره مقهورة ...باوعت على لؤي بالجامه يتمضحك ..ولك قشمر اني اعلمك ...صدك شوكت ناوي تعقد

لؤي:اذا انت تكول هاي بزونه يمه عليج الله هالاسبوع خاف كلشي تسوي هاي

ام ليث:ولك دوكف خل تجي اختك من امريكا

ليث:يمه هسه يالمياء دعوفي واخطبيله قلها تونسج بالبيت استعجليله متشوفي واكف على اعصابه

ام ليث: والله يايمه احسك انت مستعجل اكثر منه

لؤي:اي والله لاخاب احساسج ان شاء الله ...هههه

ام ليث:يالله لعد هالاسبوع اخخابر ايمان وتجيب بناتها وولدها ...يمه لؤي خبرها انه تجهز روحها باجر نطلع نشتريلها جهاز

لؤي:واحلى ام والله واحلى اخ بالدنيا والله ....

الكل:هههههه

#حياة

ريناد:من سمعتهم طلعوا طلعت على امي وريماس اصيح ...انتوا شلون توافقون ولج انت ام راس شلون تقبلين بالي دمرونا وشحطونا

ريماس:رينو هم معليهم عمامنه هم السبب وهم هسه ميتحاجون

ريناد:شبيج يوم انت شبيج ليش وافقتي

نرمين:اسكتي لاتصيحين اني امج ولج ..بعدين انسام الها فضل عليه نسيتي شلون جانت تلبسج وتجيبلج

ريناد:هاهيه وافقتوا طبختوها ..على جثتي يصير هالعرس ..

ريماس:اني كمت طبيت للغرفة مابيه حيلها وره شوي دك عليه لؤي ....ابتسمت رحت للبلكونه خابرته ...الو هلو حبيبي شلونك

لؤي:ولج اروح فدوه لحلكج عيديها

ريماس:شنو

لؤي:بداعتي

ريماس:حبيبي

لؤي:ولك يابه بعد مااتحمل هالاسبوع العقد ان شاء الله

ريماس:شنو تحجي

لؤي:باجر انت وامي وخالتي اخذجن للسوك تجهزن واجي اعقد عليج هالاسبوع ....

ريماس:اكلك لؤي ..تعرف ريناد مموافقه شلون اطلع

لؤي:عوفيها على ليث هو كالي اني اسكتها ...وج ريماس معقوله انت تطلعين بنت خالي وين جنتي ولج من زمان جان حبيتج

ريماس:تدري لحد الان ممستوعبه ولامصدكه احس روحي بحلم

لؤي:يمته اجيبج لغرفتي ويتحول هالحلم لحقيقة

ريماس:يالله يمعود اني اروح لاتجيني ريناد

لؤي:راح اخلي ليث باجر يشدد عليها الشغل ويأخرها علمود اخذ راحتي وياج

ريماس:لا خطيه والله لو تشوف حالتها تقهر ..بس ممستوعبه انه اني انخطب لواحد من عائلتكم لان خطيه هي كلش تعذبت

لؤي:الله يساعدكم ويعوضكم بالنسبة الج راح اعوضج للموت

ريماس:اسم الله عليك حبيبي

لؤي:اروحلج فدوه حبيبتي ....ثاني يوم اخذت ريماس وامها وخالتي ايمان وامي وطلعنا للسوك اتسوكنا ...خالتي ايمان من عرفت تصير بنت اخوها كامت تبجي وتحضن بيها لريموس ..حظرت لرموسه هدية من الصايغ ...اما ريناد فكتله ليث اتكفل بيها

ليث:من كالي لؤي على ريناد كيفت احس هاي فريستي ولازم استفرد بيها كمت حطيتلها كومه معاملات وملفات على ميزها خطيه كامت تشتغل رغم طولت لسانها

ريناد:شنو هاي تعبت تفضل باجر اكمل الباقي

ليث:ممسموحلج تكمليهن باجر ...اخذيهم اليوم كمليهم بعدين بعد وكت وين من هسه طالعه

ريناد:شنو بعد وكت ساعة ب4

ليث:واذا عادي كمليهن

ريناد:اووف ...رجعت لمكتبي كمت اشتغل ومحسيت انه الساعة ب7 الدنيا ...كملت باوعت على الساعة انصدمت كمت افتر بالشركة ماكو مخلوق ...حتى الحارس طالع ...ردت ارجع لمكتبي اخذ المبايل وجنطتي ..اباوع على المبايل امي ماممتصلة ولا ريماس شبيهن شكو ..انوب اتصل وماكو ميجاوبن ..طللعت من مكتبي واني خوف على قلق ..انصدمت بي

ليث:طلعت باوعت على مكتبها ماكو هي كمت ادور عليها ماكو رجعت لمكتبها شفتها ...انطخت بيه رادت توكع لزمتها من

ايدها

ريناد:عوفني ..عوفني

ليث:اش ...اش..شبيج تخبلتي

ريناد:حسيت على نفسي فلتت ايده رجعت ليوره

ليث:شبيج كملتي الملفات

ريناد:اي كملتهن

ليث:جبيهن داادققهن

ريناد:ياحمار يبقى يشتغل ليهسه غيري انت تستغلني

ليث:تقدمت نحوها اتمنى ابلع واخذ هالشفة وهالسان الي بس يدردم ويغلط

ريناد:تقدم نحوي واني ارجع ليوره خفت كلش وغمضت عيني وكمت اتعوذ من ابشيطان ...اعوذ بالله من الشيطان الرجيم ...اعوذ بالله من الشيطان الرجيم

ليث:حسيت على روحي...شنو هالخوف عاصره ايديها لوجهها ومغمضه عينها ....همست الها اني اوصلج

ريناد:فتحت عيني ...لا شكرا اندل اني اروح

ليث:رادت تطلع لزمت ايدها اكفي دااكلج اني اوصلج..مااقبل عرشي تطلع بالليالي

ريناد: لا والله بسبب منو غير بسببك شيصير لو باجر اكملهن وماكو اي ملف مهم بيهن

ليث:طلعت قفلت المكتب وقفلت الباب مال مكتبها شفتها داتنتظر كتلها تعاي امشي الحارس مال باب موجود ...طلعت وهي ركبت بصفي اخ ياعطرها ....ياربي شلون بيه ...وصلتها للشقة مالتهم صعدتها الها يالله عفتها ونزلت ...

ريناد:دكيت الباب طلعتلي ريماس جانت نايمه ...ريماس شبيج مريضه

ريماس:لا لا بس تعبانين اني وماما ..ليش تأخرتي

ريناد:بعد وكت ليش محد دك

نرمين:كعدت واني خايفة من ريناد ضمينا الغراض الي اشتريناهم لريماس واشتريت الها همات فستان مو هسه اكلها على الموعد كبل يوم علمود تنحط امام الامر الواقع ...شبيج ماما ليش تأخرتي

ريناد:لا والله يوم جان من اجيج باجر يالله تسألين ...اووو ارجعوا ناموا

ريماس:راح اسوي عشه

ريناد:ماجوعانه اكلوا انتوا..

ريماس:اباوع على ماما ونتبسم اعرف انه ليث حبسها يمه خطيه متستاهل حبيبتي اختي بس هاي لمصلحتج .... لازم تنسين انتقامج حبيبتي ....طبت نامت خطية جوعانة اكيد ..

ريناد:شبيها امي اكيد اكو شئ ...نمت واني ميته من الجوع ...كعدت ثاني يوم صليت سويت ريوك الي وريمو لان دوام عندها ...كعدت مستعجلة عرفتها راح تلتقي بي لان مو من عوايدها تطلع من وقت بس مااكدر احجي شئ ....طلعت واني بدلت ورحت للشركة ...اووو اكيد راح اصبح بوجهه شفته يتبسملي حاولت انه اتجنب نضراته الي وعيونه الي بيهن فد شئ يجذب ....طبيت للمكتب بقيت اشتغل ....

-------------------------------------------

في امريكا ....

سؤدد:شلونج اليوم حبيبتي ...دكعدي كله بس تنامين

لمياء:احجي على روحك كله لازك يمي وتعبني الا اكله ليث عليك

سؤدد:يبوووو كله ولا ليث ...هسه يكلج ليش يتعبج شجاوبي

لمياء:امشي لك...لاتخجلني

سؤدد:من فدوه لليخجل ...حضنتها وكمت ابوس بيها وهي تدفعني ..

لمياء:وخر راح اخابر ليث وخررر....وفجاءة صوت مبايل

سؤدد:شوفي الا تجبين طاري ليث

لمياء :ووخر ...ههههه...ماما هاي ...الو هلو ماما شلونج حبيبتي ....والله ...لا عليج الله ...تشاقين وليث شكال ...معقوله ..وهسه وين هن ..لا جذب ...شنو هاي الصدفة ...والله مدااصدك ...اي يوم ايي مصدكتوا عفتكم كمتوا تخطبون وتجهزون بكيفكم ....الله يوفقه ...اي صدك ...يالله مع السلامه

سؤددد:جنت كاعد على الجربايه وصافن عليها ...

لول شكو

لمياء:تدري من جنت صغيرة جانوا عندنا بنات خال كلش حلوات ...بس خوالي ماادري ليش من مات جدي عافوهن وسلموهن لامهم وامهم انهزمت بيهم ماادري شلون المهم ماخلت بيبي ام امي تشوفهم ...وشكد حاولت امي وخالتي ايمان وي خوالي علمود تعرف عنوانهم ماكو مانطوه ...وهي امهم جانت متحجي وي عائلتها لهذا محد يعرف عنهم شئ بس الغريبه هم هسه بغداد والاغرب اخوي خطب منهم

سؤدد:ليث؟؟

لمياء:راح يدخل للاربعين ليث وهو لساه ممتزوج ...لا ياليث لؤي

سؤدد:اكلج بس لا بنت خالج هاي ريناد الي ويانا بلشركه

لمياء:ريناد ؟

سؤدد:اي الي ليث خابصني بيها

لمياء:كالت امي يدري بيها بس معقوله ...تدري شنو راح يسوله خطبه لؤي الخميس هذا

سؤدد:عادي ..خل يسوله شيهمني اهمشي انت

لمياء:لا سؤدد وخر امانه وخر اريد ارجع لبغداد

سؤدد:ولج يابغداد اصلا مفكر امدد الاجازة دتعاي عساهم تزوجوا كلهم .....ورحت حضنتها ..يمه فدوه ماااشبع منها ....

#حياة

19

ريماس:طلعت من الصبح واول مره اسويها حبيبي منتظرني يم العماره اباوع ليفوك اخاف ريناد تباوعلي صعدت وياه سلمت عليه

لؤي:هلا باحلى وحده بالعالم شلونج

ريماس:عفية لؤي خل نمشي بسرعة

لؤي:شنو هاي جنج واحد بايك يعيوني انت راح تصرين مرتي الخميس شبيج خايفة من وحده جنها بزونه على كولت ليث

ريماس:اختي هاي لاتحجي عليها

لؤي:عمي اسفين ..يالله يابه يالله مشينا ....

ريماس:اكلك لؤي شلون راح اكلها على الموعد

لؤي:شبيج والله خابصتني بريناد شبيج خايفة منها شتكدر تسوي هي متكدر تسوي شئ وعوفيها الي ...لؤي فكرت اروح لشركة ليث واحاجيها لهذا اخذت اجازة ورحت عليها ...

ريناد:جنت اشتغل بالمكتب مااشوف الا فوك راسي ...انت شتسوي هنا ماعاد بينا حجي ...

لؤي:بس خليني احاجيج

ريناد:رجاءا عندي شغل اطلع بره

لؤي:لازم تعرفين اني همات ماادري انه انتن تصيرن بنات خا..

ريناد:رفعت ايدي انه ميكمل

لؤي:انت مو من حقج ترفضين او تمنعين اثنين يحبون ...انت وحده انانية بحق اختج ..انت الي اتصلتي ..وهسه جاية تكوليلي مااخلي عرسكم يصير الا على جثتج ...مستحيل اسمحلج تفرقيني عن ريماس

ليث:جنت اسمع صياح طلعت شفت لؤي واكف يحجي وي ريناد وريناد كاعده تباوعله ...شكو شبيك لؤي

ريناد:لازم تفهمه انه مو اي مكان يحجي الامور الشخصية اني بمكان عمل ....

ليث:تعال لؤي احجي وياك

لؤي:انت انانية وظالمه

ليث:لؤؤؤؤي تعال ....كمت اصيح عليه طببته للمكتب مالتي ....شلون تحجي هيج وياها

لؤي:انت متشوفها شلون تباوعلي متشوفها شداتسوي ...انت ليش ساكتلها لان تحبها

ليث:لؤؤؤي ..كااافي...رفعت ايدي ردت اضربه

لؤي:والله عااال يالغالي اضرب اضرب هاك علمودها تضرب اخوك ...لفيت وجهي وطلعت شفتها تباوع باوعت عليها بغضب وطلعت

ريناد:من اجه حجه وياي تمنيت اكله اني ماامنع سعادة اختي بس هو كام يتجاوز ....كملت شغلي ورجعت للبيت افكر بكلامه بس تفاجأت من طريقة كلام ليث الضاهر متفقين عليه ..المهم مالي دخل بعد بيهم لازم ابدي بخطواتي علمود انتقم من عمامي الحقراء بس شلون واني افكر ...قاطعتني ريماس

ريماس:شبيج صافنه الووو ...اسويلج كوفي وياي

ريناد:اي والله جوعانه همات بلكي اكو كيكه شئ ...عافت مبايلها وراحت مبايلها بس يهز كمت اشوفه شنو طلع فايبر باوعت جان يتصل لؤي قريت المحادثة دازتله صور بدلات ..هاي منيلها صعدت بالمحادثة لكيتهم يحجون عن سوق ومااعرف ايش ..نزلت كاتبه ضميناهن عن ريناد ..ذبيت المبايل رحت لغرفة امي دورت بكنتورها مالكيت شئ رجعت دورت لكيت معلكه بدلات

نرمين:ريناد على كيفج دااحجي وياج

ريناد:محد مهتملي بهل بيت محد اخذ رأيي شبيكم ليش شمسويتلكم

ريماس:طلعت من المطبخ شفتها داتبجي وكاعده على القنفة باوعت على امي عرفتها عرفت بالموضوع ...ريناد باعي اختي حبيبتي الي سوينا كله علمودج ..

ريناد:اه واني الي ميته علمودكم واني الي دااضحي علمود تعوفون هالعائلة تجون بسهووله ترتبطون بيها والاكثر انت تتزوجين ابن اكثر ناس شردونه ليش ليش ريماس ....

ريماس:كعدت يم رجليها بالكاع ريناد..احبه والله مااكدر اعوفه ريناد ارجوج افهميني

ريناد:مسحت دموعي ماحجيت وياها كلام وكمت رحت للغرفة نمت ... كعدت ثاني يوم رحت للشركة اخذت اجازه زمنية ورحت للسوك مريت لمحل الذهب اشريت سوار لريماس ورجعت للشركة كملت شغلي بدون مااشوف احد واصلا اني مكتبي بعيد عن الموضفين ...بس ليث كدامي ومتجاهلته ...رجعت للبيت شفت ريماس كاعده تكتب بالمبايل اول مشافتني كامت حضنتني

ريماس:حبيبتي ريناد سامحيني ارجوج لاتغضبين عليه ماعندي غيرج ..كمت ابجي

ريناد:كملتي كله اسامحج عليه بس ترحين للسوك وتسوكين بدلات واني مو وياج هاي لا

ريماس:مسحت عيوني بأبتسامه والله اشتريت الج همات

ريناد:اني اسفة خليتج تخافين مني حبيبتي ماعندي غيرج واهمشي سعادتج ...بستها ورحت طبيت سبحت رغم انه اني تعبانه وخايفة عليها بس اهمشي سعادتها ماامنعها ....

ليث:شنو شداتحجي ليش

لؤي:خالتي كايلتلهم واني خايف منهم على البنات

ليث:شلون خالي ايمن اذادره بيهن هنا راح ينتقم منهن وراح يموتهن

لؤي:لهذا اريد اعقد على ريماس بأسرع وقت

ليث:وريناد

لؤي: شعليه بيها هاي البزونه اذا هاي اجيبها عندنا هي وامها لان خوالي ميخلوها عايشه اذا دروا بيها هنا بغداد راح يخافون انه شركاتهم تروح الها هسه...

ليث:لؤي سالفة الشركة مااريد احد يدري بيها وانطيني رقم ريماس عندي شغلة وياها لؤي:شبيك شكو شلك بي

ليث:دجيبه هسه وبعدين اني افهمك ....انطيته رقم ريماس واني احس طبخت الطبخة وراح تنجح ياحبيبي ياليث شوفنا شطارتك......

#حياة