اول ما وصلوا المستشفى
أبو عبود : رواضي اسئلي عن اخوانج و انا بسير اودي امج
روضه : تمام
سارت روضه تسئل
و أبو عبود دخل ام عبود الطواري
روضه : اختي بغيت اسئل عن عبدالله حمد و محمد حمد وين بلاقيهم
النيرس : فأي قسم هم
روضه : مدري والله ، بس هم من شويه كانوا مسوين حادث
النيرس : ممكن تعطيين الاسم بالكامل
خبرتها روضه اسامي اخوانها
النيرس : هيه سيري غرفه كذا *** الطابق *
روضه : تمام شكرا
النيرس : ولو هذا واجبي
عند ام عبود
بعد ما دخلوها
عطوها مسكن
و طلع عندها الضغط مرتفع
خلوها ترتاح
عقب شويه نشت
ام عبود وهي تصيح : وينهم عيال ابغي اشوفهم
أبو عبود : هدي احين بيخلص المغذي و بنسير عندهم
ام عبود كانت بترمس بس قاطعها صوت تلفون ريلها
أبو عبود :هاه رويض وصلتي
روضه : هيه ابويه احين بدش
أبو عبود بهمس : انتي سكري احين عسب امج ما تحاتي
روضه : تمام
ام عبود : هاه بشر
أبو عبود * استغفرالله بس لازم اجذب *
أبو عبود : توها ماخذه رقم الغرفه
عند روضه كانت بدش على محمد لانها كانت اول غرفة
و يوم دشت
كان في واحد يالس و معطي ظهره لباب
روضه : السلام عليكم
محمد و يصيح خلاص : روضههه
روضه خافت : شو فيك حموود
نست روضه انه في حد يالس
محمد يصيح بغصه : ريلي و ايدي مكسورين بس عبوووود
روضه : شو فييييه حمووود ارمس
------------------------