فِـ المدرسـة،
طاح ع الارض وسجد
سجدت شكر وصار يصارخ:هذا مو ابوي
هذا مو ابوي ابوي م مات الحمدلله يرب!.

الضابط تنهد براحة:الحمدلله..يعسكري
اتصل ع قسم البحث الجنائي.

اخذ بدر اللي يبكي من الفرحه وتوجهوا
لقسم الشرطة،وسجلوا افادة بدر
بكون الجثة م تخص ابوه ورجع بدر لبيته.

دخل لمجلس الرجال لقى اخوه
معاذ يلعب سوني،
وفهم ان سراج م قال لهم عن اختفاء ابوه .

معاذ توجه لبدر:بدور شفيه وجهك انت تعبان؟.

بدر ضم اخوه وباس راسه: لا يروح
اخوك م فيني شي يحبيبي..وين امي؟.

معاذ يضحك:اخخخخ امي  راحت لخالتي تخيل خالتي تطلقت
واتصلت ع امي تقول الملعون الوصخ قلت
له طلقني وطلقني الله لا يوقفه.

ضحك  بدر ع ضحك معاذ
اللي صارت عيونه تدمع من قوة الضحك.

بعد ربع ساعه دخل معاذ ينام وبدر
طلع من البيت وجلس ع عتبت الباب

وطلع بكت دخان واخذ له زقاره،
ناظر لبيت سعود وشاف انواره طافيه.

توجه للبيت وطق الباب اكثر من مره بس
محد رد عرف ان البيت فاضي،رجعت لبيته
وهو يدعي يلاقون ابوه.
-

فِـ المستشفـى،

الدكتور ضرب الطاولة بحماس:لقيتها يشباب!.

حسن بإهتمام:قل وش؟.

الدكتور:اللي نسويه اننا نكذب
ع اياد و ابوه و نوهمهم بـ ان احنا م عرفنا عن
شي وبمساعدة الشرطة نراقب بيت اياد وابوه
وكل تحركاتهم ومن يطلع ومن يدخل

وبكذا يمدينا نطب عليهم ونمسكهم بالجرم المشهود
ونساعد اياد،واللي بيساعدنا اكثر
ان الشخص اللي اياد طعنه بالقزاز حي و ما مات
لذا اذا تشافى اياد نقدر نطلعه ويرجع بيته.

الضابط بإعجاب:م فكرت تدخل في الجيش او العسكريه؟.

ضحكوا حسن والدكتور واتفقوا ع
تنفيذ الخطه بمساعدة الشرطة بالمراقبه
ومساعدة الدكتور في انه يروح بيت اياد ويفحصه كل فتره.

-
عِـند الجامعـة،

وصل غيث للجامعة،نزل وحاسب التكسي،
ووقف ينتظر سراج:وينه ذا؟.

سراج من وراه: تنتظر احد؟.

فز غيث ولف بسرعه:الله لا ياخذك خرعتني!.

ضحك سراج وقلده: خرعتني يااي.

غيث يكتم ضحكته ع تقليد سراج: اننن م يضحك.

مشى سراج:يلا امش لسيارة.

لحقه غيث وركبوا السيارة وتوجهوا للملاهي،
وصلوا واخذوا تذاكر ودخلوا وصاروا يمشون
بين الناس وهم ساكتين،

قطع الصمت غيث اللي مسك يد سراج ويبتسم:
سراج شوف شوفف سيارات تصادم امش نلعب.

سراج ابتسم ومشى مع غيث للعبة،
الموظف:معليش م عاد فيه الا سيارة وحده.

تأفف غيث بطفولية،سراج ضحك:معليه عطنا
اياها بنركب سوا.

انبسط غيث وراح مع سراج وركبوا،
وركب غيث مكان السايق بعد اصرار
وإلحاح، لعبوا تحت صراخ غيث المبسوط

وصراخ سراج لجهل غيث بالسواقه
وانه كل شوي يصدم الجدران والحواف.

مرت ثلاث ساعات وهم يلعبون ومبسوطين
وكانوا يمشون وهم ماسكين يدين بعض
لان كان زحمه، وقف غيث وسحب سراج معه
:هيه شفيك تسحب فيني؟.

غيث يضحك: بتحداك تحدي واذا سويته لك
اللي تبي.

سراج شمر اكمامه باستهبال: وينه ذا جبه افقع وجهه.

غيث مسك بطنه من الضحك ع هياط سراج:
الله يقلع بليسك تحدي هو مو ادمي..شفت اللعبه
ذيك؟ ابيك تطيح العلب وتجيب لي ذاك الباندا.

توجه سراج للعبة ودفع واخذ البندقية:
راقبني وانا اصيدها.

انهار غيث من الضحك بعد م لعب سراج
١٠ مرات ولا فاز: خلاص خلاص مشينا.

سراج عصب: هذي اخر مره ان م جبتها م اكون سراج.

اخذ سراج دقيقة يركز فيها واطلق
وفعلاً صاب العلب وطاحت ناظر لغيث بفخر
واخذ اللعبه ومدها له:شفت م قلت
لك راقبني وانا اصيدها.

انبسط غيث واخذ اللعبه:كفو والله يلا مشينا للبيت
تعبت ابي انام.

تكتف سراج ورفع حاجبه:احلف؟ موب ع كيفك
نسيت انك بتسوي لي اللي ابي؟.

غيث توتر وحضن اللعبه :ايه بس ع اساس انك تجيبها من اول مره
مو بعد ٥٠ محاوله.

سراج راح وجلس عالكراسي:
ماني متحرك من هنا الين تسوي اللي ابيه.

غيث تأفف و وقف قدام سراج: طيب وش
تبي خلصني؟.

سراج بتساؤل:كم محاظره عليك بكره؟.

غيث يشوف جدوله بجواله:بس وحده..حقتك.

سراج ابتسم: ابيك بكره تجي لمحاظرتي متاخر.

استغرب غيث: ليه؟ تبي تنقصني اكثر
م انا ناقص؟.

سراج ضحك ومشى: معليك انت تعال متاخر وبس.

هز راسه غيث بمعنى طيب، راحوا مطعم واخذوا
لهم اكل ويجلسوا ياكلون ويسولفون،
تاخر الوقت ورجع سراج غيث لبيته وتوجه هو لبيته.
-

-رايكم؟.