'بـعد يومـيـن'
الثلاثــاء 8:32 مـ

كانوا بدر وسراج في الـمخطط حاطين
فرشتهم ويصلحون القهوه والشاهـي،
وينتظرون حسن اللي قال لهم انه بياخذ
اياد معه منها يبسطه شوي ومنها يتعرفون عليه،

وايضا حيجيب معه صديق له توه تعرف عليه،وصل
حسن وصفط جنب سيارة سراج،
ونزل ويده مليانه اكياس،

نزل اياد وسلم عليهم،وشوي سمعوا صوت
واحد يصارخ ع حسن:هييه حسيناان افتح سيارتك
جوالي نسيته داخل.

صارخ بدر بصدمه وفرحه مَ يدري وش سببها:
الـ جــــار!!!.

ابتسم سعود وهو يصافح بدر: يهلا
بدر شعندك هنا؟.

بدر بطقطقه:ابد شفـت سـراج لحاله
قلت اقلط عليه،شرايك يعني؟
اخوياي ذولا.

ضحكوا عـ بدر،وسلموا عـ سعود،
حسن يعرفهم ع بعض:شباب
هذا سعود اللي كان معي فـ الطياره،
وهذا إياد موظف عندنا،

سعود إياد هذا
سراج خويي وهو دكتور متدرب بـ الجامعه،
وهذا بدر خوينا مَـ غير يناقز كنه
ضفدع.

جلسوا مع بعض واخذتهم السوالف،
اللي ما تخلى من طقطقة سراج،
وهواش سعود وبدر،
ورومانسية بدر وسراج المقرفه.

السـاعه 12:47 مَـ

رحوا كلهم،سعود وحسن واياد بسيارة
حسن،وبدر بسيارته،ظل سراج لحاله

ويفكر بـ غيث!!،اللي مَ راح عن باله
اصلاً،

قـبـل يـوميـن
فِـ المستشفـى

دخلوا المكتب وجلسوا،
عبدالمحسن:شف يـ سراج غيث هذا
انا اعرفه من 5 سنوات،وهو مريض عندي
وانا اعزه مره واحبه مثل بدر ومعاذ،
ولاني اثق فيك يـ ولدي بقولك شـ سالفة
لكود انك تنتبه له وتساعده يـ ولدي.

سراج بعزم:ابشر بعزك يـ عم وانا بإذن الله
قد هـ الثقة ومحد بيدري بشي.

عبدالمحسن بثقة كبيره بـ سراج اللي يعرفه
من يومه طفل صغير:السالفه يـ ولدي هي
ان غيث تعرض هو واخوه لحادثه
شنيعه في بيتهم وتعرضوا للاغتصـاب!!

وتوفى اخوه فِـ نفس الليلة،
ومن يومها وغيث عنده انفصام في الشخصيه،
شخصيته كـ غيث اللطيف والجبان،
وشخصيته الثانيه
تمثل اخوه خــالد.

سراج بصدمه:طـ..طيب خالد كيف
شخصيته؟.

عبدالمحسن ينزل نظارته:
شخصية خالد قويه وشجاعه
ولا تقدر تتوقع تصرفاته،و تقدر
تتحكم فيه،وهو دايماً يطلع
الساعه 9:30 كل ليلة.

سراج بتساؤل:نفس الوقت اللي صارت
فيه الحادثه؟.

عبدالمحسن يهز راسه:ايه نعم نفس الوقت،
وغالبا يطلع لما غيث يحس بخوف،
او لما يكون بموقف صعب ويحتاج
شجاعه.

سراج بذكاء:غيث مقتنع انه جبان
وعديم شخصيه لذا يظن انه بحاجة
خالد دايما بينما هو وخالد نفس الشخص
بنفس الجسم لكن تفكيرهم انقسم..صح؟.

ابتسم عبدالمحسن لـ سراج:
احسنت هذي بالضبط حالة غيث،
اللي موب راضي يتخلى عنها.

سراج: طيب يا عم انا وش المطلوب مني؟.

عبدالمحسن: ابيك يا سراج
تخلي بالك من غيث،ولما يصير له
موقف يحتاج خالد تكون انت عنده
عشان خالد ما يطلع له،وبكذا راح نقدر
نخفي خالد ونمحيه للابد و فيه شي
لازم تعرفه عن خالد.

عقد حواجبه سراج:
وش لازم اعرف؟.

عبدالمحسن:
خالد تاجر ممنوعات معروف،وعنده معارف
واعداء كثير،لكن محد يعرف شكله ولا
اسمه،لانه يلبس قناع،ومعروف عندهم،
بأسم...Blackبسبب سواد قناعه،فهمت
فأنت لازم..

قاطعه سراج:لازم اوقف عمل خالد
واخفيه عنهم لاني بكذا احمي غيث،
ولا تخاف انا قدها ولا تنسى
عبدالعزيز اخوي بالقوات الخاصه،
و وقت الضروره بيكون موجود مع كتيبته.

_

وقف سيارته في شارع
ضيق حيل ونزلوا منه

حسن بقرف من هـ الحاره:
افف كيف عايش هنا انت لا منظر
زين ولا بيوت زينه ولا ناس زينين
وجيهم ودره تجيب الهم.

ضحك اياد: الله يسعدك ضحكت،
الشكوى لله انا اعيش هنا ومن قبلي
اهلي،المهم انا وصلت وهذاك بيتي،
يلا رح هالحين.

حسن بتشره: افا تطردني عيني عينك.

اياد يضمه من جنب:يخي اسف
بس تراك لو جيت معي بتنسرق
زور(روز هو اسم البروش حقت حسن) ويمكن
يشلحونك ملابسك.

حسن يركض بـ استهبال لسيارته:
اقول دز امها لبيتكم مع السلامه بس.

راح حسن،واختفت ابتسامة اياد معه،
وقف ربع ساعه،شاف الفان المتجه له،
صفطت جنبه،نزل الشباك:
هلا حبي اياد شعلومك؟.

اياد بقرف:حبي ذي تعرف وين تحطها
اخلص وين الزفت ذا؟.

بضحكه نذله:مقبوله منك،
خذ وهالمره حسابك علي يحلو.

اخذ اياد بطل الخمـر واتجه لبيته،
و كـ العاده لقى ابوه فالصاله ونزل البطل عنده،
واتجه لغرفته وقرفان حياته وعيشته.
_

بفرحه مو سايعته:
يعني مثل ما توقعت هو من سكان هالحاره،بس وين بيته قل؟.

بحذر: لا سعود مَ راح اقولك هالحين،
خلها كم يوم عشان اهل الحاره يثقون
فيك وبعدها تقتله وتنتقم مثل ما اتفقنا وبحسب
الخطه.

بحلطمه:قاتل اللذات،طيب كلها كم يوم بس
بعدها لو ما قلت لي يقتلهم كلهم.

قفل الخط وهو مبسوط لان قرب
انتقامه،بقهر:والله وخلص وقتك بالحياه
يا دكتور معد بقى لك شي وتموت،وتلحق
اللي تسببت في موته،ان ما رملت زوجتك
ويتمت اطفالك ما اكون انا سعود،
انتظر كلها كم يوم يا..عبدالمحسن!!!.

-
_رايكم؟