الساعـة12:30 مـ
في المسـتشفـى.

وصل سراج للمستشفـى واخذ غيث
للطوارئ،فحصوه وطلع عنده التهاب في
بطنه بسبب الجروح،

جلس سراج ربع ساعة برا الغرفة،طلع
ممرض:يا نيرس نادي دكتور عبدالمحسن
وقولي له ان غيث هنا.

اتجهت النيرس للدكتور تناديه،اما
سراج استغل فرصة انهم مشغولين ودخل ع غيث

فتح عيونه بقوه لما شاف غيث
منسدح بالسرير وعليه جهاز الاكسجين
وتيشرته الممزق موضح جسمه النحيف،
وجروحه الكثيرة المنتشرة بجسمه.

دخل الدكتور عبدالمحسن ومسك وجه
غيث وطبطب ع خده:ولد اصحى تسمعني؟..
انت غيث او خالد تكلم معي.

فتح غيث عيونه بشويش وقال بصوت
مبحوح من التعب:انا غـ..ـيث.

عقد عبدالمحسن حواجبه:خالد وينه؟..بالعادة
يكون موجود.

رفع غيث اكتافه بصعوبه بمعنى مـدري،
وقف الدكتور ورجع جهاز الاكسجين
وامر النيرس تعقم جروح غيث.

لبس نظارة وتوجه للباب،لفت انتباهه
شخص واقف يمين الباب ويناظر غيث
بحزن.

عبدالمحسن بإستغراب:سراج؟شتسوي هنا؟

انتبه سراج لعبدالمحسن اللي يكون
والد صاحبه بدر،اتجه له وباس راسه:والله يـ بو بدر هذا اتوقع انه طالب عندي لاني لقيته
بـ الكلاس بذي الحالة.

هز راسه عبدالمحسن:سراج تعال معي لـ مكتبي ابيك بشي.

سراج بإستغراب:ابشر يـ عم.

دخلوا المكتب وجلسوا،
عبدالمحسن:شف يـ سراج غيث هذا
انا اعرفه من 5 سنوات،وهو مريض عندي
وانا اعزه مره واحبه مثل بدر ومعاذ،
ولاني اثق فيك يـ ولدي بقولك شـ سالفة
لكود انك تنتبه له وتساعده يـ ولدي.

سراج بعزم:ابشر بعزك يـ عم وانا بإذن الله
قد هـ الثقة ومحد بيدري بشي.

عبدالمحسن بثقة كبيره بـ سراج اللي يعرفه
من يومه طفل صغير:السالفه يـ ولدي هي
ان غيث....
-
في حـي صغير من احياء الريـاض
المتـواضعه.

كان نايم ع الكنب في الصالة ولابس شورت قصير
و

رامي تيشرته تحت الكنب،فتح عيونه
ع صوت الباب اللي يطق بقوه.

اتجه للباب وطلع المسدس من المزهريه المزيفه
اللي يمين الباب،قال بصوت حاد:مـــن؟

جاه صوته وهو يصارخ:انا انا بدر افتح.

ارتخى سعود براحه ورجع المسدس،
وفتح الباب وهو يتثاوب:ه‍..هلا بدر.

بدر دف كتف سعود ودخل وهو يلهث و وجهه معرق
نزل الكرتون اللي معه واخذ مويه من
فوق الطاوله وشربها،ناظر لسعود:نعم؟ليكون تنتظر
قطاوة الحاره تدخل؟ سكر الباب يفاهي.

ضحك سعود وسكر الباب واتجه للكنب وجلس:نعم خير استاذ بدر وش سر الطق ذا كأنك في حرب؟.

اخذ بدر الكرتون وجلس عالارض:والله يـ الجار فيه واحد قلت له اني بغديه اليوم ولي ساعة اطق
الباب ولا يرد فالاخير طلع الاخ نايم بـ العسل
وانا واقف برا فالحر والشمس فقعت راسي.

ضحك سعود:اسف يخي كنت تعبان وغطيت
بنوم عميق بدون م احس..ليش جالس تحت امش
ناكل ع الطاولة.

بدر ناظره وضحك بسخريه:ههاي قال ايش قال طاولة يـ بوي حنا مَ ناكل الا عالارض تبي ولا سخن.

سعود راح للمطبخ واخذ السفره وجلس قبال
بدر:لا يـ بوي مع ريحة الاكل ذي مافيه لا سخن ولا برد..شجايب لي يحلو انت؟.

ضحك بدر وفتح الكرتون وصار يعدد له الاكل ويحطه عالسفرة:هذي مجبوس ازمح قصدي كبسة لحم.

سعود بضحكه:ازمح؟.

بدر ضحك:اي هذا واحد من الشباب اسمه سراج
مَ يقول
امزح يقول ازمح يعني هو كذا يستهبل
واللي مَ يعرفونه يرحمونه عبالهم هو عنده مشكلة
بالكلام.

ضحك سعود:يحليله احسه مستفيد مدري ليه.

بدر:اي والله ليتك تشوفه بس..المهم نكمل
هذا جريش وهذي سلطه وهذي بعد سلطة وهذا ببسي وهذا مهلبيه مدري وش دخلها بس سرقتها مَ ابي معاذ يقضي عليها.

ضحك سعود:يحليله معاذ الله يحفظه يدش القلب بسرعه.

بدر بغرور: اكيد طالع لـ اخوه البدر..اقول مَ ودك تتستر احس عيب تاكل وانت مفصخ.

استوعب سعود انه قاعد بدون تيشيرت،سحب تيشيرته من تحت الكنب ولبسه،وسموا بالله
وبدوا ياكلون واي شي يمدحه سعود بدر يقول
انه مسويه وهو كذاب وسعود يضحك عليه.
-

طلع من مكتبه جوعان لاحظ ان عدد الموظفين
قليل لانه وقت الغداء، دخل الاصنصير
ابتسم وهو يتذكر سوالفه وضحكه مع اياد.

توجه لمطبخ الشركه وشاف اياد جالس ع طاولة
المطبخ جنب مكينة القهوه وياكل خيارة
ويسولف مع نفسه.

طق الباب بهبل: وش يسوي الباريستا الذهبي
حقنا؟.

اياد رفع راسه وشاف حسن وضحك:
ابد زي مَ انت شايف جالس ياكل خيارة .

قرب منه حسن واخذ منه الخيارة واكلها:
طيب ليش مَ رحت لبيتكم وقت الغداء
هالحين.

كشر اياد:يـ شرير خيارتي..لا وين البيت بعيد
اذا وصلته يكون بدا الدوام.

حسن بأبتسامه حلوه:طيب انا بعزمك عالغداء أليوم واذا انت اخذت راتبك تعزمني تمام؟.

اياد تنح ثواني بإبتسامة حسن الساحره وعقب استوعب:هاه؟..اي اي خلاص موافق.

طلعوا من المؤسسة واتجهوا
لسيارة حسن،اياد بذهول:ابوي انا يالبورش
وش ذا الزينن لا لا مَ اصدق انا بركب في ذي؟.

ضحك حسن وركب سيارته:لا صدق يالحبيب
راح تركبها وبخليك تسوقها بعد شتبي اكثر؟.

اياد يسوي نفسه ميانه مع حسن:اخخ هذا
العشم يـ الخوي كذا المفروض تسوي مع
صحبك وعزيزك واخوك الصوغير اياد.

ضحك حسن:طيب اخلص يالمتأثر
ترا بطني قامت توصوص.

ضحك اياد وركب السيارة،وانواع التشجيع والتصفير
لـ حسن اذا اسرع او شخط بالسيارة،
وحسن مبسوط من حماس اياد الطفولي.

-

-رايكم؟.