يوم الاحد،الساعة 7:54 صـ
-
مـؤسسة الـ فهدان للـمقاولات.

دخل المدير محمد المؤسسة ويمشي وراه
ولده حسن اللي داوم تحت اصرار وإلحاح والده.

حسن كان محط انظار الكل، الكل قادر يعرف
ان حسن هو ولد محمد لقرب الملامح من بعض
وشبههم الواضح.

دخل للمكتب واشر للكرسي:هذا كرسيك
يا المـدير التنفيـذي لموسسة الـ فهدان.

ابتسم حسن وباس راس ابوه:تسلم يا المـدير وهذا شرف لي كوني من سلالة الـ فهدان اللي
لا فرق الله شملهم.

ضحك محمد ع ترييق ولده:تتريق ع تاريخ اهلك يا قليل الادب.

ضحك حسن ومسك يد ابوه وسحبه برا
المكتب:يلا يـ بابا شرفت مكتبي هالحين
توكل شف شغلك.

ابتسم محمد لولده وتوجه لمكتبه،بينما حسن اخذ الهاتف الارضي:الو انا المدير التنفيذي،هلافيك المهم خلهم يجيبون لي اسبرسو سريع سريع.

لفت نظره باب موجود بالمكتب ،فتحه وشاف
ارفف كثيرة كلها ملفات،ابتسم ودخل يشوفها.

طق الباب اكثر من مره،لكن ما سمع رد فتح الباب
ودخل للمكتب،نزل القهوه ع الطاوله وناظر
للساعة السودا اللي عالمكتب.

اخذ الساعه ولبسها:واو مره حلوه
ان شاءالله راح يجي اليوم اللي اشتري
فيه كل الساعات اللي ابيها والعطور
اللي ابيها.

مسك يده ولفه له بقوه:تسرقني عيني عينك
يـ الحـرامي؟.

شهق بقوه وقال بتأتأه: ل..لا والله مَ..مَ سرقت شي
بس اشوفها والله.

ضحك بقوه وفك يده:بسم الله عليك
امزح معك وادري انك مَ تبي تسرقها.

حط يده ع صدره براحه:انا اسف والله بس طقيت
الباب ومحد رد ودخلت بالقهوه.

ابتسم له:تعرفني؟

ابتسم بحماس:اي اي انت المدير التنفيذي استاذ حسن بن محمد.

ضحك:اي انا..بس انت من؟

مد يده بكل ثقه:انا الباريستا الموقر
صاحب القهوه الذهبية اياد.

صافحه:هلابي يـ اياد قال ايش قال موقر
و صاحب القهوه الذهبية.

ضحك براحة:يحليلك .. اقصد انك يعني
فله ومرح مو مثل ما قالوا لي انك قاسي
ومدري ايش.

ابتسم وجلس اياد ع الكرسي وجلس قباله:
انا ادري هم شقالوا لك عني وانا اساساً ابي
هالشي لذا يـ اياد لحد يدري اني عكس كلامهم تمام؟.

ابتسم وسوا تحية عسكريه:امرك استاذ حسن.

ضحك ع لطافة اياد:دامك بالمكتب ومحد عندنا
خلها حسن بس برا استاذ طيب؟

هز راسه:تمام تمام.

اخذ حسن الاسبرسو وشرب منه،ناظر ليد اياد:اياد اعتبر هالساعة هديه لك طيب؟

انحرج اياد ونزلها: ل..لا م اقدر اقبلها اسف.

حس حسن انه احرجه:لا شسمه خلها امانة عندك
واذاا بغيتها باخذها منك حافظ عليها طيب؟.

ابتسم بـ ود:طيب.
-
فـ الجـامعـة.
دخل سراج للكـلاس،ونزل اغراضه ع الطاولة،
وشغل البـروجـيكتـر، وتأكد ان العرض تمام

لفت انتباهه شخص جالس بأخر الكلاس ومنزل
وجهه ع الطاولة ومغطي راسه بـ كاب،

انصدم لانه لسى باقـي ربـع ساعة ع المحاضرة،
توجه له، كان كل م قرب له سمع صوته

كأنه يـون ويهذي،هز كتفه بشويش:يـ ولد..شفيك؟ انت بخير؟.

قال بصوت يله يله يطلع:طيب خالد شتبي
مني؟ رح لعقل واحد ثاني واتركني حرام عليك.

تغير صوته لصوت مبحوح:غيث افهم انا
احميك منهم واسوي شغلي والـ بزنس ماشي كويس
ومحد يعرفك لذا اعقل لا تمصخ السالفة.

ناظره سراج بأستغراب وحط يده ع جبين
غيث اللي كانت حرارته مرتفعه و وجهه احمر.

غيث بحركه سريعه مسك يد سراج وصار
يبكي: تكفى الله يخليك ابعد عني،لا تعذبني زيادة
يخي اطلع مني وصر لحالك ابيك يـ اخوي تعال لي لا تقعد براسي تكفى.

انصدم سراج من غيث اللي صار يبكي ويشهق
بقوه،حمله بكل خفه واتجه فيه لـ عيادة الجامعة،

فحصه الدكتور،اتجه لـ سراج:دكتور سراج انا بخليه هنا وبعطيه مهدي انت اذا خلصت محاضرتك لازم
توديه للمستشفى لان فيه كدمات وجروح وعنده جرح ملتهب ببطنه وهو اللي خلاه يهذي وترتفع حرارته.

سراج كان يناظر غيث اللي مغمض عيونه
وعاقد حاجبه ويتمتم،لف للدكتور:طيب تمام بس ع مَ اخلص المحاضره انتبه له.

طلع سراج وهو مستغرب من حال غيث
واللي صاير معه ومخليه كذا.
-
نزلت سعود من سيارة الجيب موديلها2003
طبعا كانت مجرد تموية عشان اهل الحي
يصدقون انه ع قد حاله ومحد يعرف انه صاحب
شركات وعنده ثروه..

اتجه لـ صندوق السيارة ونزل شنطه،حس باحد مسك يده وجا وراه،بصراخ:تكفى يالجار فكني من شر هالادمي اللي يلحقني.

ناظر سعود قدام وشاف ولد بعمر الـ 11 سنه متجهه لهم كان معصب ووجهه احمر وكان سمين:بدر تعال اضربك ولا والله اعلم ابوي يحيوان تعال.

وقف سعود قدام الولد ورمى شماغه
ع الولد:هذا جاهي عندك طلبتك يـ الجار
تخليه عشاني هالمره.

عقد الولد حواجبه مسوي نفسه
معصب:اه طيب عشانك هالمره يـ الجار
بس ثاني مره لو اخذ يد السوني والله لا افقع
وجهه الحلو ذا.

سعود بضحكه:لا لا هذي اخر مره صح؟.

لف لـ بدر اللي هز راسه اكثر من مره
مؤيد لـ كلام سعود.

راح معاذ يركض بإستعراض قدامهم
وهم ماتوا ضحك من حركاته.

وقف قدامه ومد يده:انا بدر عبدالمحسن
جارك واخوي الدب اسمه معاذ وهذا بيتي قبالك.

صافحه سعود:الله حيه البدر معك سعود
الـ مـحمـد.

بدر بإبتسامه:الله يحيك..حياك تعال افطر معنا
وتقهوى.

سعود بتعب:لا لا اسمح لي يـ الجار هالمره
لاني والله تعبان وبدش انام.

بدر بهياط:اجل علي الحرام يا غداك
انه علي اليوم وبجيك غداك لعندك.

ضحك سعود وبتشره مزيفه:لا تكلف ع
نفسك مَ فيه الا انا لحالي وانا واحد
مَ احب اكل لحالي.

ضحك بدر بهبال: عز الطلب وانا واحد
ما اصدق ع الله احد يعزمني اجل بجيب
غداك وبتغدى معك.

سعود بإبتسامه:تنور البيت والله.

بدر بحلطمه:يله استاذن انا وراي جامعة
مو مثل بعض الناس اللي بينامون اخخخ
صدق من قال دنيا حظوظ.

ضحك سعود وبكذبه عشان م ينكشف:ومن قالك مَ عندي جامعة؟،
بس انا مَ اخذ اجازة يومين كوني منتقل
وكذا لاني كنت بجدة ونقلت هنا.

ودعوا بعض وتوجه بدر لـ بيته وبرضو
سعود توجه لبيته ويدعي ان خطته
مَ تفشل بسبب حبه واستلطافه لـ بدر و اخوه
معاذ.
-
-رايكم؟