الساعه 9:36 صَ

دخل للـ كافيتيريا واخذ قهوته المعتادة،
وجلس ع وحدة من الطاولات وفتح
الاب حقه عشان يشيك ع العرض،

بحكم ان هذا اول يوم له كـ دكتور متدرب
بـ الجامعه،شاف اثنين من اصحابه متوجهين له،

وجلسوا معه،قال بغرور:كيف تتجرا انت
وياه تجلس بكل ثقه مع دكتورك؟.

ضربه ع كتفه:اقول انطم ولا يكثر
يلعن ام الذل اللي تبي تعيشنا فيه.

ضحك وضمه من جنب:بدوريي حبيبي نزمح معك
شفيك عصبت يحلو!.

بعد عنه وقام وجلس قباله:يعع وبدوري بعد؟
الله يلعن ام قرفك يـ سراج،وتنقال نمزح مو نزمح.

ضحك سراج وناظر اللي ساكت:شفيك
حسن؟مو من عوايدك تقعد ساكت.

ابتسم حسن،وهو منزل راسه:ولا شي
بس..ابوي يبي يشغلني غصب معه.

سراج عقد حاجبه:مو على اساس
لما تتخرج تشتغل شاللي غير الحال؟.

ناظره حسن:اي بس مدري شفيه
ذي الفتره صاير شديد مره،ويراقب دراستنا
انا وخواتي ومهتم بزياده،وقالي انو ببدا
بالشركه الاسبوع الجاي.

بدر ناظره بشك:ليكون مزعلين ابوكم؟،
ولا مضايقينه.

تنهدت حسن:لا والله مابينا زعل ابد،
بس للامانه يـ عيال احس ابوي مخبي شي.

سراج ابتسم ويطمن حسن:لا ان شاءالله
ما في شي،بس انت ترا توسوس واجد
هو بس يبيكم تعتمدون ع انفسكم.

بدر بتاييد لـ كلام سراج: يب يب صحيح كلام دكتورنا اللي بيتاخر ع محاضرته.

ناظر الساعه وضرب جبهته واخذ اغراضه وقام
:يلا حبايبي بروح see you soon my baby's.

مشى واشر لبدر يظل مع حسن،
لان حسن من النوع اللي يوسوس كثير
اذا فكر او جلس لحاله.
-
صفط سيارته المرسيدس قدام الجامعه
تحت انظار الطلاب المعجبه،نزل وقفل سيارته
وتوجه للـ كافيتيريا،

صدم بجسم كبير رفع نظره له وبلع ريقه
قال بنفسه:اح هذا طالب ولا مودل لا لا مصارع شذا الزين يويل حالي انا.

ناظر للولد المتنح فيه،قال بعصبيه:
وجعع ما تشوف انت؟كنت بتعدم اغراضي
بالقهوه.

تنحنح وناظره بخجل: ا..اسف م انتبهت
كنت..

قاطعه وهو يمشي:اسف ذي ما تمشي
معي شغلي معك بعدين.

نزل راسه بـ إحراج من نظرات الطلاب
شاف اثنين متجهين له.

:بسم الله عليك ليش وجهك احمر؟
صار لك شي؟

هز راسه لا:ل..لا مافيني شي،بس
ذاك عصب وانا م كنت اقصد.

ابتسموا،قال وهو يمد يده:انا حسن وهذا خويي
بدر.

صافحهم بابتسامه طفوليه:وانا غيث..بس ذاك من هو؟

حسن بضحكه:هذاك خوينا اسمه سراج
وحنا نسميه بيننا ابو الشر والشرير.

ضحك غيث:ليش اسمه كذا؟.

مسك يده بدر وتوجهوا للطاوله:تعال اجلس معنا
ونسولف لك عنه.

اول ما جلس غيث ناظر ساعته وشهق ووقف
بسرعه:معليش يـ شباب بس بتبدا محاضرتي هالحين اشوفكم بعدين.

استاذن غيث من الشباب وتوجه لمحاظرته.
-
فـي مكـان ثاني

مؤسسة الـ فهدان للـمقاولات.

دخل للمؤسسة بكل دهشه من جمال المكان،
وكبره،توجه للاستقبال:لو سمحتي
انا جيت عشان الوظيفه.

ناظرته باستغراب:اي وظيفه تقصد اخوي؟.

بتردد:شسمه وظيفة القهوجي انتو طالبينه.

ابتسمت:تقصد الباريستا؟.
ضحك:ايوا هو بس نسيت اسمه.

ضحكت وقالت بحنيه:مو كانك صغير ع الشغل؟.

ابتسم:لا لا مو صغير المظاهر خداعه.

ابتسمت:صح معك حق..طيب توجه لقسم التوظيف
بالدور الرابع وهم بيشوفونك ويقررون توظيفك.

شكرها وتوجه لقسم التوظيف
وطلبوا منه يسوي لهم كم نوع من القهوه
واعجبهم لذا وظفوه،

وبدا من اليوم لانه كان محتاج،دخل القسم
وانصدم من ريحة القهوه اللي تروق مزاجك
غصب وانت لسى ما شربتها: وشذي
الريحه الحلوه،من اللي مصلح القهوه لكم؟.

وقفوا كلهم بإحترام،قال احد الموظفين:
استاذ محمد هذا باريستا جديد اسمه اياد وهو اللي مسوي القهوه.

قال بهبيته وهو يتوجه لمكتبه:خلوه يصلح لي
قهوه فرنسيه ويجيبها لي بنفسه.

دخل ولقاه متحمس ويسوي الذ انواع القهوه:اياد المدير محمد طالب قهوه فرنسيه وطلب منك تجيبها له بنفسك.

طلع،اياد بنفسه:يمه شيبي ذا؟،
احس قلبي بيطيح بسروالي يمااه،لازم اسويها
كويس عشان ما يعصب علي ولا يطردني.

بدا اياد بتجهيز القهوه وخلصت وتوجه لمكتب
المدير،طق الباب ودخل لما سمع رد المدير.

اياد بتوتر:تفضل استاذ محمد قهوتك اللي طلبتها.

ابتسم:يالله انك تسلمه..يـ سلام اي هذي القهوه الصح..شسمك يـ ولدي وكم عمرك؟

انبسط من ردة فعله،قال بحماس طفولي:شسمه انا اياد وعمري 18.

ابتسم محمد بحنيه:وش حادك على الشغل يـ ابوك؟

رد بنفس ابتسامته:قال وش حدك على المّر؟
قلت اللي امّر منه.

فهم المدير ان اياد مضطر يشتغل وماحب
يحرجه فسكت،طلع اياد بسعاده لما قاله

المدير ان راتبه راح يكون اسبوعي،
لان الكل راضي عنه وهو توه بأول يوم.
-

رايكم؟!