1


الساعه 12:45صـ


صفط سيارته ورى البيت،دخل الحديقة
من الباب الخلفي واتجه للمطبخ،
فتح الباب بشويش ودخل،جلس عالطاولة
واخذ كوب موية وشرب،قاعد يحاول
يتذكر هو وين كان


:اخخ بس كم صارلي
اعاني من خالد وللحين ما ادري وين يوديني ذا
شكله يبيله اروح للدكتور محسن
وهو يتكلم معه.


طلع من المطبخ وصدم فشخص
ليث يناظر اخوه اللي لابس
اسودxاسود:غيث وين كنت؟.


صد عنه واتجه لغرفته
وهو يقول بصوت خافت:اسال خالد هو اللي يعرف مو انا.


دخل غرفته وغير ملابسه،جلس
عالمكتب وفتح الاب،سمع الباب يندق ويفتح
دخل ابو غيث وسكر الباب وتكى عليه


:بكره راح تبدا تدرس فالجامعه ذي،
والله يـ غيث لو اسمع شكوه ضدك
ما تلاقي خير فاهم؟.


هز غيث راسه بمعنى اي،طلع ابوه
واتجه غيث للباب وقفله،


فتح اخر درج فالمكتب وطلع مشرط صغير،
رفع تشيرته وناظر لبطنه المليان جروح،


خدش نفسه خدش صغير ورجع المشرط مكانه،
وانسدح ونزل نظاراته وجواله جنبه ونام.
-
..لـندن..


بعصبيه:سعود افهم حتى لو ترجع
السـعودية مَ راح تلاقيه استوعب انه اختفى.


ضحك بخفيف:اعترف انك مَ تبيني اروح
عشان ما تجلس لحالك ويتوحدون فيك الشقران.


بصوت هادي:طيب يـسعود انتبه لنفسك،
واذا وصلت كلمني.


سكر سعود جواله واخذ شنطته وتوجه
للوبي،واخذوا شنطته لسيارته وتوجه للمطار.


وصل للمطار،توجه للمقاعد ينتظر رحلته،
شاف واحد واقف وواضح انه معصب،


وملابسه مكبوب عليها قهوه وشكله متبهذل،
توجه له وهو كاتم ضحكته


من شكل الشوكلت اللي طابع عَ انفه:
شفيك اخوي تحتاج شي؟


ناظره وقال بعصبيه:
شفيني؟ فيني ضيم من هالشقرا اللي تناقز كبت
علي القهوه والكيك وبهذلتني حشا بقره
مو ادميه.


مَ قدر سعود يمسك ضحكته وضحك
بقوه:معليه يخوك تعيش و تشوف..
تعال لدورة المياه(الله يكرمكم) وبدل عَ م تقلع رحلتك.


ابتسم لسعود وراحوا،وبدل ملابسه وطلع
لقى سعود واقف و في يده كوبين قهوه.


ناظره و ضحك:
ليكون ناوي تغرقني انت بعد؟.


ضحك سعود وهز راسه: لا يرجال جبتها عشان
اروقك بس..انا سعود الـ محمد.


ناظر ليد سعود الممدوده وصافحه:هلا بـ سعود
معك حسن الـ فهدان.


سمعوا صوت يعلن عن اقلاع عدد من الطيارات
سعود وهو يسحب شنطته بعد مَ اعطى حسن رقمه،


:يلا يـ حسن استاذنك بتقلع طيارتي.
ابتسم له حسن:وانا بعد بقلع..قصدي طيارتي بتقلع.


ودعوا بعض واتجهوا لطياراتهم،صعد سعود
لطيارة واتجه لدرجة رجال الاعمال،


وجلس فمكانه،حس باحد يجلس جنبه بس م ناظره
سمعه يتمتم ويسب،لف عليه بضحكه مصدومه
:انت هنا؟.


ناظره بذهول:بسم الله اللهم ان كان سحراً
فـ ابطله،انت سعود صدق؟.


ضحك وقال بترييقه:ايه وانت حسن صدق؟.


ضحك حسن:اي بالله انا حسون الحلو.


سولفوا وضحكوا وراح الوقت وهم ينتظرون
يوصلون للمملكة،وكل واحد فباله اهداف
و مخططات مدروسه زين.
-


-رايكم؟.

Comment