chapter 3

christine's pov

desidido na jud si jenie nga mouli, utro sab si ramer maong nanguyog nalang sab mi.

gasabot mi nga amoang mga ginikanan ra amoang pakuhaon sa ubang gamit. ug mananghid kay nanay lokring nga dili nalang mi mudayon og board.

expected na jud nga masuko amoang mga ginikanan pero bahala na.

pag-abot namo's dakong kalsada, nag atang mi'g pwedeng kasakyan pero wala juy bisan isa ka tricycle nga miagi. natingala mi kay astang mingawa bisan isa ka tao wala kay makita, maong gahinay hinay nalang mi'g baklay.

arang-arang kay pag-abot namo's unahan kay naa mi nadunggan nga mga tingog sa sakyanan ug saba sa mga tao.

"magdali ta ninyo'g baklay para dili kaayo ta mangitngitan." ingon ni julius.

"ingon bitaw ko ninyo, ugma nalang ta sa buntag manguli." ingon ni charise.

"ganina raman ta gabaklay uy, wala paman tay nakitang mga sakyanan ug mga tao, kamingaw." reklamo ni ameri.

mao sab na akoang nabantayan tas nagkalayo ang tingog sa mga sakyanan.

"nasaag man ata ta." ingon ni glydel.

"mura, kay hapit naman ta tunga sa oras gabaklay pero mao raman gihapon." sulting cesar nga gagunit sa kamot ni charise.

hahay unta tanan.

"nganung masaag man ta nga gasubay raman ta's kalsada." ingon nako.

"kapoya na uy, mura man ta'g wala na irog." reklamong james.

"diba mao raman gihapon ni atoang giagian ganina ba, gabalik balik ra gud ta ay." ingon ni hazel.

maong gilibot namo amoang panan aw sa palibot og tama si hazel, gabalik balik rami's amoang agi.

"h-huy gilamat man ata ta ninyo." ingon nako nga nanindog nagsugod ang mga balahibo.

"wala guro uy, tan awa gud ninyo oh, mga siga mana sa mga kabalayan ang naa sa unahan oh," sulting julius nga gatudlo sa unahan.

tuod naa juy mga siga sa mga suga, daghang mga balay.

pero mao ra gihapon naabtan nalang mi'g 6:26 pm pero wala gihapon mi naabot. ngitngit naa kaayo ang dalan, mingaw ug hadlok kaayo, flashlight ra sa amoang nga cp ang gahatag kahayag sa amoang gibaklayan.

"dili jud mo motuo sa akoang ingon!" ingon nako nga nihunong og baklay maong nihunong sab sila.

"gibinuangan lagi ta! ganina ra tag binaklay! ganina rasab ta gabalik balik! wala mo kabantay? tas tan awang unahan nawala nasab ang mga suga sa mga kabalayan!" dungag nako, maong nan aw silas unahan.

"ay oh, mamaaaa huhuhu." nahadlok na ingon ni jenie ug nigunit sa akoa, si hazel sab nidikit kay glydel.

"diba ingon nila, pagminoon kay balihon ra ang sinina?" pangutanang ameri nga gagunit sab ni christine og ramer.

og mao to gibali namo amoang mga gipangsuot, iyahanay mi'g tinlikdanay.

"mamahulay sa ta, kapoy na sakit akoang tiil." ingong jenie mao to gatapok mi.

"makauli pa kaha tang buhi, guys?" pangutana nako.

"buang ka! simbako uroy, ayaw mo paghisgot og ing ana ba." ingong charise.

"may pagmag ampo ta ninyo, kaysa maghisgot mo'g kamatayon." ingon sab ni julius.

"mamalik nalang ta ninyo sa agi bi, nahadlok nako'g taman ba." hangyo ni ramer.

"ang pangutana dira, kahinomdom pamo sa agianan pabalik?" panguta nako.

"dili ko sure, pero sulayan nato." tubag ni julius.

"mangihi sa ko guys." pananghid ni ramer og nibaklay paadaplin sa kalsada.

ramer's pov

pagkahuman nako'g pangihi, ni-ring akoang phone, naay tawag pero number ray nakabutang.

gitubag nako, og medyo gipataas akoang cp kay walay klarong signal, putol putol ang tingog dili nako masabtan.

"ugrhhhhh" dungog nako sa pikas linya.

"hello, kinsa ni?" pangutana nako.

"ugrhhh.... t-tabangi k-koo ra-merr, t-tabangg!." pangayo'g tabang sa nitawag nga gaagulo sa kasakit.

maong nabuhian nako akoang cellphone tungod sa nadunggan.

nganung parehas mi'g tingog?

nanghugot og kalit akoang panit, nanginit ko ug nanindog akoang mga balahibo.

mohunat na unta ko'g dagan paadto sa akoang barkada sa dihang nabitik ko's sagbot.

ameri's pov

"ako nalay dala anang imohang cp ramer bi, lowbat na akoa. gunit lang sa akoa." og gikuha nako ni ramer iyahang cp.

gapadayon mi'g lakaw, hays unta makapauli ming safe uy, lord ikaw nay bahala namo ha.

"sala man jud ni nimo jenie, ba." basol ni ramer kay jenie.

"nganung ako man imohang basolon mer, gisugo diay tamong mukuyog?" tubag ni jenie.

"ayaw namo sige'g basolanay, saba kaayo mo." badlong ni hazel.

"mao jud, wala na baya ni distinasyon atoang lakaw ha! mag ing ana pa mo, ang atoa ani nga makakita natag kasakyan para makauli nata." ingon ni charise.

tama si charise ug unta kaloy an mi's ginoo. kay dili nani maayo amoang sitwasyon.

"guys tabang gud mo'g iwag, dira oh." hangyo ni cesar ug gi-tudlo niya ang daplin sa kalsada.

"nganu sar?" pangutanang glydel.

"murag naay taong gabuy od." tubag ni cesar og tama si cesar naa jud.

lalaki nga naligo sa sarili niyang dug*, halos nalukop sa gitalinsan nga mga kahoy ang lawas niini? og  lapos ni sa iyahang lawas.

naninggit mi tungod sa kahadlok. murag mahabwa tanan nakong gikaon tungod sa kangilngig ug kaluod sa akong nakita.

didto namo na realize na ang iyahang sinina parehas kay ramer, oo kay ramer og iyahang bayhon.

"g-guys s-i r-rameerrrr manaa!" gahilak nga sulti ni christine.

didto sab nako nahuna huna nga og si ramer nang nahigda sa gilid sa kalsada nga naligo sa kaugalingong dugo.

kinsa man diay ning gagunit sa akoang tuo nga bukton.

nidali ko'g lingi og giiwagan ang kilid nako para i-sure kinsang kamot gagunit nako.

"AHHHHHHHHH!" kusog nakong singgit, nga halos mulupad akoang espirtu sa kahadlok sa dihang nakita nako akoang kaparehas og nawong. nga gagunit nako, og ang iyahang right hand gaduslak duslak sa iyahang tiyan, gamit ang kutsily*. samtang ang mga dug* nangwas sa iyahang mga mata, ilong, dalunggan og baba.

"t-tabangi k-koo a-merii." nadunggan pa nakong ingon niya usa nawala akoang panan-aw.

─ to be continued─