BOARDING HOUSE


chapter 2

charise's pov

dili unta ko mutuo ni ramer pero si cesar na mismo ang nisulti nako, ambot og mahadlok bako kay paras akoa normal raman diri, ganahan gane ko kay wala si mama nga saba kaayo sige'g yawyaw.

"kita ko'g bayabasan sa likod ba, manguha ta." hagad ni glydel.

"kita sab bitaw ko, dagko kaayo. manguha ta." ingon ni christine.

"kuyog ko, ingnang boys ameri kay silay tigkatkat, magkuha rako'g suka." ingon ni jenie.

giadto dayon ni ameri ang mga boys.

nagsunod sunod rako nila, dili kaayo ko hilig og bayabas gud.

"kadagkoa uy! katkata mer." sugo ni jenie kay ramer

"ikaw didto sa isa ka punoan sar." ingon ni ramer og nikatkat sab si cesar.

"HAHAHAHA laina mokatkat ni ramer uy  galisod man, kaliwat man unta kag unggoy mer." gakatawa nakong ingon maong gikuha nako akoang cp sa bulsa ug givideohan si ramer ug cesar.

"yawa ka rise, ibato nako ning bayabas sa imohang ulo ron." yaga yagang ingon ni ramer.

"ibato lang para masumbagan kang cesar, diba sar? love you sar." binuang nako.

"paghilom mo uy mga lason, magbulag ramo." sulting jenie "yayaa nimo dira mer uy, naog dira bi akoy puli nimo, mura man kag bayot."

mao to ninaog si ramer ug nipuli si jenie.

"mao diay jen" seryosong ingon ni glydel .

"nga?" pangutana ni jenie sa taas.

"nga kusog ka mukatkat kaliwat man diay kag maral HAHAHAHA." pinasiaw nga tubag ni glydel maong perti namong mangatawa.

wala ko gamahay nga sila akoang barkada ug nakauban, kay kabalo kong bibo kaayo pagsila akoang kasabay. dili jud ko magmingaw.

"urghhhhh!" singgit ni jenie nga nihagsa sa yuta.

"hala! si jenie natakak," sulti nako og gitabangan namo siya kay galisod og tindog.

"naunsa man ka jenie! dili naman ka kabalo monaog." ingon ni cesar.

"saba sar! sakit ra baya kaayo akoang sampot ha." ingon ni jenie nga dili madrawing ang nawong, sakit jud siguro kaayo kay taas taas baya ang bayabas nga iyahang gihatakan.

imbes didto rami mangaon, gidala nalang namo  sa room ang mga bayabas.

jenie's pov

sakit jud kaayo akoang sampot animal ay, kung dili palang tungod atong akoang nakit an nga babae nga nakaitom ganina dili ko mahatak.

"sakit pa gihapon jen?" pangutana ni christine.

"sakit pa uy, naa man gud koy nakit an ganina nga babae  nilabay sa bintana sunod sa room nila ramer ug cesar tas wala ko kabalo nga pataka nalang ko'g tamak, gisundan man gud nako siya'g lantaw kay nawala'g kalit." tug an nako sa ilaha.

"naa siyay purong sa iyahang ulo jenie?" pangutana ni ramer.

"oo, itom ang color sa iyahang purong, dili nako maklaro iyahang nawong kay gaduko man pero taas kaayo siya'g buhok." ingon nako nga nahilom sila.

"oh karun, si jenie na jud mismo ang nakakita, dili gihapon mo mutuo nako? tinuod lagi to akoang gisulti ninyo gahapon." ingon ni ramer.

"what if naay multo diri? mga daotang espiritu? mga nagkundinar nga kalaag? or dili mga ingon nato like engkanto?" ingon ni cesar.

"pagsure sure sar uy? sa generation nato karun, mutuo pamo'g ing ana?" ingon ni charise.

"huna huna ra guro na ninyo uy, kay og naa pa gipakita nako." hambogerang ingon ni hazel.

"diri nalang kaha mo katug sa room namo cesar ug ramer." ingon ni christine.

"sige musugot ko, kana pa dira ra gud mi sa baba oh." abtik nga tubag ni ramer. "sugot ka  sar?" 

"sige, okay rasab sa akoa." simpleng tubag ni cesar.

hazel's pov

"mangadto daw ta ninyo's roof top guys." hagad nako.

"maypa, magpicture picture ta ninyo didto ba, dili bitaw kaayo sakit sa panit ang init kay mura'g gadag om man." ingon glydel.

"unya si jenie natug paman?" pangutanang christine.

"sagde lang na's jenie dira, gisakitan pa baya nas iyahang sampot, kita lang gud wala may manguha ni jenie dira ba." ingon nako og nitindog na.

gauna ko paadto'g taas samtang sila gasunod nako.

may gane kay dili sirado ang purtahan paadto'g roof top.

"nindot man diay himuon og halayan diri oh." ingon ni ameri. "paadtoa sila ramer ug cesar diri charise, padalha og hikot kay maghimo tag halayan para dili nata magnaog naog inig manghalay ta."

mao to gitawagan ni charise ang duha nga busy gadulag ml.

jenie's pov

nakamata ko pagkadungog sa tingog ni ameri nga  nangayo'g gunting tas si charise sab nangayog tissue kay wala daw agas ang tubig, na buang na jud.

naunsa maning duha uy gadungan man jud.

bisan lain akoang paminaw sa lawas nitindog gihapon ko.

paadto na unta ko's cr sa dihang ni-text sa akoa si hazel, paadtoon daw ko'g roof top padalhon hikot kay kulangan ang gidala nilang ramer ug cesar. wa ko kabalo og gaunsa sila didto.

paghuman nakog hata'g sa tissue ug gunting, gikuha dayon nako ang hikot nga naas box.

"dugaya nimo jenie uy." ingong hazel.

"natug ma- naa lagi mo diri? ameri ug charise?" pangutana nako nga dili katuo nga naa's ameri og charise nga naa raman unta to silas room namo.

nganung naa man silang duha diri?

"naa man jud mi diri, asa diay mi?" tubag ni ameri.

"mao jud, ikaw raman gud ang naa's baba kay nangadto mi deri's roof top. natug man ka, maong gibiyaan nalang  ka namo." tubag sab ni charise.

nanindog og kalit akoang mga balahibo

"kung naa ra silang charise ug ameri diri? kinsa man diay to akoang gihatagan og gunting ug tissue?" pangutana nako sa ilaha.

"basin naay gasundog sa nawong nila ameri ug charise, jenie? what if dili lang kita ang gapuyo diri, guys? basin naay  mga elemento nga dili nato makit an." seryosong ingon ni christine.

nagtinan away raming tanan ug gibalot mi'g kahilom.

─ to be continued─

Comment